香港地食碗拉麵閒閒哋都過百蚊，貴啲吧！記者最近在元朗發現一間性價比極高的拉麵店，下午茶時段只要 $38 碗，仲包小食和飲品，正價亦只是 $58 - 68 碗，而且質素不錯，款式亦有噱頭，相信很快會在拉麵關注組爆紅！
text│Sakura photo│Jay
這間拉麵店與傳統日式拉麵不同，主打 6 款港式風味拉麵，以傳統的豬油渣、慢煮沙薑豬手粒、芝士番茄吐司等做配料。湯底分為豚骨白湯及雞清湯做基調，前者選用雞肉、豬肉、豬皮、魚及菜等材料熬製 9 小時，後者則選用雞肉及豬皮慢火燉煮 8 小時。
主要採用兩款日本拉麵，包括東京拉麵及札幌拉麵，前者屬中細捲麵，麵質幼細比較煙韌；後者屬中粗捲麵，麵質爽口，掛湯能力較高。
記者推介火炙叉燒豬油渣豚骨白湯拉麵，湯底特別加入豬油渣及香葱蒜提煉而成的背脂，湯汁濃郁，啖啖豬油渣香氣。叉燒經鹽麴、味醂醃製再慢火煮 2.5 小時，火炙後逼出油脂，肉質軟滑充滿脂香，加埋爽脆豬油渣粒，令人一試難忘！
另一人氣之選是慢煮沙薑豬手粒雞清湯拉麵和牛肋條芝士番茄吐司番茄清雞湯拉麵，前者最特別是頂層配以豬皮和雞腳製成骨膠原厚啫喱，吃前浸在湯中待其溶化，湯底會濃稠香滑。後者番茄湯底湯底採用無水煮技術，100% 用新鮮番茄熬製，加埋鮮嫩牛肋條和自家製芝士法包片，西西哋又不失港味！
牛肋條芝士番茄吐司番茄清雞湯 $68
番茄湯底採用 100% 新鮮番茄熬製，不加水煮、原汁原味，番茄味濃郁清甜，配上爽嫩富咬口的牛肋條和自家製芝士法包片，豐富美味。
自家製芝士法包片口感香脆，芝味香濃。
火炙叉燒豬油渣豚骨白湯拉麵 $58
記者推介！湯底像近年大熱的豬背油拉麵，但加了豬油渣及香葱蒜，多了重香味與甘香。叉燒以鹽麴等醃製，強調豚肉原味，爽嫩無渣。
慢煮沙薑豬手粒雞清湯 $62
豬手粒以金華火腿及花雕酒熬製 4 小時而成，肉質鮮嫩，啖啖口感濃滑而不膩，雞清湯與沙薑味道很調夾調。
慢煮沙薑豬手粒雞清湯拉麵上有件骨膠原厚啫喱，浸到湯中可令湯底更濃稠！
慢煮雞芫茜豚骨白湯 $62
湯底以芫茜、菠菜、羽衣甘藍混合熬製而成，配上慢煮雞胸、脆炸釀豆卜和皮蛋，味道清新。
慢煮雞赤蓮藕醬油雞清湯 $62
湯底採用指天椒炮製而成，湯色雖然不紅亦不油，但辣度嗆喉，配搭慢煮雞胸、赤蓮藕、栗米粒及青葱。
手羽先燒烤味 $28 三隻、煎餃子 $26 五隻
雞翼脆而香口，肉質腍滑；餃子肉汁豐富，煎得脆口。
【INFO】
新・麺舎
地址: 元朗青山公路元朗段 249-251 號元朗廣場 2 樓 260 號舖
電話: 2881 8899
營業時間：10:30am - 9pm
活動資訊
- 地址 元朗青山公路元朗段 249-251 號元朗廣場 2 樓 260 號舖
- 餐廳名稱新・麺舎
