銅鑼灣泰豬鍋專門店「小火山」主打一邊燒肉一邊火鍋的獨特泰式食法，最近更全新推出巨型冬蔭海鮮大鑊麵，四人份量賣相好澎湃，酸辣冬蔭湯底搭配多款海鮮，食完麵之後更可追加配料打邊爐，一次過試到兩種體驗！目前更有全場單點半價優惠，即睇詳情：
同場加映：U Food【識食攻略】最新影片！
Click圖睇「小火山」Menu：
Click圖睇「小火山」優惠：
餐廳佔地近3,000呎，以泰國部落為主題，處處充滿傳統和歷史元素。泰豬鍋作為泰國傳統國民美食，是餐廳的主打菜式，用上獨特設計的烤鍋，令烤肉及火鍋可以同時進行，烤肉時肉汁精華會流入湯底，令湯底更有層次。小火山牛骨船湯和香茅椰汁雞湯都是推薦湯底，泰式風味滿滿！
餐廳全新推出4人份泰大鑊冬蔭海鮮麵（$398），份量十足，有齊海蝦、扇貝、魷魚、蜆、豬肉碎、蛋黃等配料，冬蔭湯底味道酸辣開胃，用上媽媽麵底非常掛汁！
食完麵更可以追加配料變成打邊爐，一次過試齊兩款滋味。推薦美國手切封門柳（$88）、美國牛板腱（$88）、豬頸肉、豬肉丸等等。
除了主打菜式「泰豬鍋」之外，餐廳亦提供多款特色手工小食，例如炸蝦片配冬陰蛋黃醬（$28）、手工泰式肉碎蝦多士配糖醋汁（$58）及特色泰國Cocktail。最後以可愛壽司造型的蝶豆花芒果糯米飯（$38/2件）當作飯後甜品就最滿足！
小火山 The Volcano
地址：銅鑼灣堅拿道西10號冠景樓1樓B室 (時代廣場旁)
營業時間：星期一至四：12:00-22:00；星期五、六、日及公眾假期：12:00-23:00
網上訂座：小火山網上訂座
人氣餐廳排名
-
打卡熱點
四面泰.泰式火鍋
泰國火鍋～四面泰
Lunch和朋友去食泰國火鍋，好處是一人一鍋，湯底有3款自選 ●冬陰功鮮蝦鍋，酸酸辣辣好惹味 ●椰奶雞湯鍋，十分清甜，椰味重 肉類我選了美國牛板腱，130G,大約有8塊，套餐跟埋蔬菜拼盤，菌菇，豬肉卷和船面河粉，我一個人食哂剛剛好，同埋前菜有蝦片，好脆，食得出新鮮炸，食哂可以免費refill 最後加28升級飲品，芒芒碌碌，有點似楊枝金撈，芒果十分鮮甜，呢一餐好滿足 #新年快樂 #sanrio同你拜年 #步步糕升
閱讀更多
-
泰國菜
泰誇張
泰好味泰國小店
呢間餐廳門面好靚既藍綠色，搶眼又易認，我地叫左一份椰子冬蔭功湯，入面好多雞肉，冬蔭功湯底酸酸甜甜又好香濃椰子味，小編推介呢個湯底好飲又大碗，用左公雞湯碗好地道特色。 生菜包既肉係豬肉好香口，炒到少少辣，夾埋菜食無油膩感又飽肚健康。 另一份開胃主食推介酸甜菠蘿青瓜炸豬肉配糯米飯，酸甜口感配糯米飯好夾，用木桶蒸熱，豬肉炸至香脆。青瓜脆口菠蘿酸甜。 餐廳資料 泰誇張 地址: 西環德輔道西390A號地舖 #泰菜 #泰國美食 #泰國 #UCreator #打卡美食 #美食推介 #Foodie #隱世打卡點 #香港美食 #相機食先 #hkfood #好去處
閱讀更多
-
香港攻略
再臨閣
今次實在“泰滋味” @ 再臨閣 ( 尖沙咀香港基督教青年會 )
其實香港都有好多人鍾意去泰國玩，甚至置業，身邊都有不少泰國通，有時間真係想跟佢地去泰國玩返轉。 講返食物，就更加吸引，屋企樓下有間泰國菜館，不知不覺，都幫趁了超過20年，每晚依依人頭湧湧。 太太就好鍾意食泰式咖喱，用作拌飯真係可以食多幾啖。 近日尖沙咀YMCA再臨閣正正推出“泰滋味”主題，並邀請了來自榮獲蘇梅島《米芝蓮指南2023》中第一間米芝蓮推薦餐廳 Kapi Sator 的泰國總廚 Dumsimai Puangthip， 聯成港青酒店，打造了充滿泰式風味的自助餐。 供應時間為晚上6時15分至9時30分 星期一至四成人每位$668 / 小童每位$448 星期五至日及公眾假期成人每位$768 / 小童每位$528 （小童適用於三歲至11歲） 再臨閣有一個特點，就是所有座位都能夠望見街景。 海鮮 自助餐必有的一定係海鮮，雖然再臨閣並非城中名氣店，但海鮮陣容是出奇地多。 波士頓龍蝦及琵琶蝦當然係任食，而且好多膏，我鍾意。 另一種勁多膏係咖啡蟹。 另外有長腳蟹爪、龍蝦鉗、小龍蝦、海蝦、青口以及砂白，足足有有9款海鮮，仲要每日供應，都係一個上佳回本位。 湯 既然以泰菜作主打，當然有蘇梅島馳名冬陰功湯，辣辣地又滿滿的海鮮味，原隻大蝦夠爽彈。 至於基本中湯係蓮藕排骨湯，很家常湯水感覺，而西湯是意式海鮮湯同樣都幾受歡迎。 沙律 好幾款具泰或風味的沙律都好啱自己胃口。 在泰式燒豬頸肉沙律、青木瓜沙律 、 泰式去骨鳳爪沙律以及泰式魚乾西瓜沙律中，最喜歡惹味的豬頸肉及酸酸辣辣的鳳爪。 前菜 有泰式油甘沙律 、泰式免治豬肉沙律、櫻花蝦豆腐及水晶餚肉。 Cold Cut 及芝士 有無骨黑椒豬柳 、莎樂美腸及煙三文魚。 芝士盤上有藍芝士 、金文筆芝士、高達硬芝士、車打芝士及黑松露蜜糖半芝士。 壽司 大可試試即製的壽司蝦片。 當然仲有雜錦壽司。 刺身 種類反而不多，有鯛魚、三文魚、八爪魚及希靈魚。 熱葷 泰式焗蠔 多了一份香草的氣味，質感creamy。 泰式鹹蛋黃炒鮮魷 鮮魷帶有豐腴的口感，尤其是沾上了鹹蛋漿，用來佐酒一流。 泰式海南雞飯 雞肉好嫩滑，雞油飯亦粒顆分明，配以黑醬油，更覺美味。 泰式蒸魚 多了些少辛辣的味道，魚是用上比目魚，肥大肉厚，又少碎骨，令人食得安心。 火山排骨 賣相又幾澎湃，食落炆得比預期軟稔，骨膜位尤其香口。 加上泰式炒菜、黃咖哩海鮮、慢煮豬腩肉、炸薯絲蝦卷及燒新薯。 鐵板燒 鐵板燒老虎蝦 比起上次質素是好得多了，蝦肉好爽彈，又入味，蝦殼脆卜卜。 兩款肉類分別是香茅羊T骨及燒美國肋骨牛肉，牛肉中間呈嫣紅色，帶小小血絲，火喉控制得不錯。 慢煮鮑魚 好有日式氛圍，醬油夠入味，鮑魚煙煙韌韌，不錯。 甜品 哈根大師雪糕 Strawberries & Cream、Match Green Tea、Pierre Herme Macaron Strawberry ＆ Raspberry、Pierre Herme Macaron Double Chocolate Ganache、Caramel Biscuit & Cream 以及 Cookies ＆ Cream。 當中尤以兩款聯乘品牌的口味最吸引。 其他甜品有炸榴槤波波、泰式千層糕、芒果鴛鴦糯米飯 、心太軟、椰香爽馬蹄肉以及好少機會食到既香蕉煎餅。 而迷你版有椰子果凍、泰辣馬卡龍 、糯米糍、蝶豆花奶凍以及西米香芒荔枝啫哩。 幾款蛋糕都做得精美，班蘭芒果卷、香辣戚風蛋糕、香茅芝士餅和泰式香橙慕絲餅都有試過，以辣辣地戚風蛋糕最有特色。 今個母親節如果諗唔到去邊慶祝，再臨閣都是一個好選擇。 酒店專頁 : YMCA 地址 : 尖沙咀梳士巴利道41號香港基督教青年會南座4樓 電話 : 2268 7818 味道 : 4 環境 : 4 服務 : 5 衛生 : 5 抵食 : 5 位置 : 5 IG : foodiephilip 小紅書 : 美食焚化爐 希望各位喜歡這篇文章的朋友，請在我的專頁上剔'LIKE'，當作小小的鼓勵吧!謝謝! http://www.facebook.com/foodiephilip #尖沙咀 #YMCA #自助餐 #美食焚化爐 (此文章由U Blog 同步發佈至社群)
閱讀更多
