早前荃灣石圍角麥當勞重新裝修，店內的麥當勞叔叔雕像會否保留，成為大眾最關心的事。昨日餐廳終於重開，由1999年開始陪住大家的麥當勞叔叔繼續留低，同場更有蘋果批樹、漢堡飽櫈及滑嘟嘟、漢堡神偷壁畫，童年回憶返晒嚟！開幕消息一出，不少人紛紛前往打卡，網民亦大讚麥當勞做得好！
同場加映：日本人氣燒肉店進駐銅鑼灣！神戶和牛西冷／厚切牛舌／和牛海膽卷
荃灣石圍角麥當勞終於重開，店內保留90年代的風格，不單止有深受喜愛的麥當勞叔叔坐鎮，更有一眾經典人物滑嘟嘟、漢堡神偷、小飛飛的壁畫，以及蘋果批樹同漢堡飽櫈，懷舊風味重現，童年回憶返晒嚟呀！有興趣的朋友一定要去打卡留影啦~
地址：荃灣石圍角邨石圍角商場平台324號舖
