一向訂位勁爆的港島香格里拉自助餐廳 cafe TOO 推出限定的買 2 送 1 優惠，只要登記做會員，原價 $768 位的自助晚餐，最平 $512 位就食到，而家連三、四星酒店的 buffet 都 500 元起跳，三人行、畀多少少吃港島香格里拉，更化算！加上這自助餐只設一輪，大家可吃足 3.5 小時，不用吃到趕頭趕命，是一大加分位！
text│Sakura
cafe TOO 這月的 buffet 換上新主題，與多間本地知名食店合作，包括米芝蓮推介的一樂燒鵝、安利魚蛋粉麵、泰昌餅家和酒店旗下米芝蓮一星中菜廳夏宮，推出「港式• 港食」主題。如夏宮的叉燒和一樂燒鵝。一樂燒鵝水準甚高，選用約 5 斤重的東莞博士鵝做，以香料醃製再燒至皮脆肉滑，今次合作，一樂會把每日燒好的燒鵝運送到餐廳，再由大廚即時斬件、去骨給客人享用。另外也有 50 年歷史的安利馳名魚蛋粉和撈麵，及被「全港最好食蛋撻」之稱的泰昌餅家蛋撻。
除了集結 4 大品牌食店的名物外，還供應多款凍盤海鮮、巨型蒸籠蒸龍蝦、特別款式的刺身，如深海刺魚、左口魚、油甘魚、現場即包手卷、章魚小丸子、鐵板虎蝦、燒和牛扒和甜品，款式好豐富，這個陣容和優惠，據講出稿日訂座已經爆到 7 成！
提提大家一定要去海鮮專櫃拎多幾轉蒸籠龍蝦，50 隻龍蝦堆成小山丘，陣容誇張，蒸煮的龍蝦原汁原味，不但肉質結實爽彈，還有滿滿蝦膏，encore 多一兩隻，回本話咁易！
【info】
cafe TOO
地址：金鐘金鐘道 88 號太古廣場港島香格里拉 7 樓
電話：2820 8571
供應時間：即日起至 4 月 30 日，星期一至日 6:30pm - 10pm
價錢：星期一至四 $768 位，星期五至日 $798 位，設加一
備註：
1. 可於 https://www.shangri-la.com/tc/hongkong/islandshangrila/dining/restaurants/cafe-too/ 預訂
2. 香格里拉會會員即日起至 4 月 30 日於官網以優惠碼「HKSLC0313」訂座，即可專享自助午餐及晚餐「買二送一」優惠，另設加一，不適用於指定日期
安利豉油撈麵
即叫即製，選用安利秘製甜豉油撈製，味道香甜，麵條無鹼水味，嚼勁十足。
自助餐廳請來多間獲米芝蓮推介的港式老字號提供美食，安利的撈麵是甚中之一。
安利魚蛋魚片頭牛腩粉
馳名門鱔及䱛仔魚製作的手打魚蛋及魚片頭，魚肉味香濃，口感爽彈，而牛腩肉質軟腍，同樣高質。
一樂燒鵝
招牌燒鵝富亮澤，皮脆肉嫩，油脂豐富，坊間例牌燒鵝都近百元，別客氣，要吃多兩碟。
泰昌餅家蛋撻
外國人都識的香港名物，曲奇蛋撻新鮮出爐，曲奇皮口感鬆化，蛋漿香甜稠滑。
夏宮叉燒
夏宮是酒店內的米芝蓮一星中菜廳，叉燒最為馳名，選用半肥瘦脢頭肉製，皮香肉滑，富玫瑰露酒香。
「港式．港食」自助餐 星期一至四 原價 $768 位、會員價買二送一 $512 位，星期五至日 $798 位、買二送一 $532 位
大籮蒸龍蝦，龍蝦堆得成座山般，每晚供應 50 隻，非常澎湃誇張！
蒸龍蝦
波士頓龍蝦不只好肉，還有豐腴的膏，肉質結實爽彈，蒸的更保持到原汁原味。
各款刺身
時令刺身，包括深海池魚、左口魚、油甘魚、三文魚、八爪魚、甜蝦。
各款海鮮
每日供應約 4-5 款海鮮，包括龍蝦、螺、青口、蝦、麵包蟹。
燒牛肉
手卷
現場設有即包日本手卷， 紫菜保持爽脆。
