父親節自助餐｜銅鑼灣PLAYT自助餐快閃67折！任食生蠔＋蟹腳＋西冷牛扒／教1招再減$100 (附獨家優惠碼)

I.am.haha

香港攻略

📸 【海鮮控必試】沙田 Alva House 全新「堂弄鮮嚐」自助晚餐！ 🦀 母親節想搵性價比高嘅酒店 Buffet？ 沙田帝逸酒店嘅 Alva House 推出咗全新主題「堂弄鮮嚐．海鮮饗宴」，由即日起供應至 2026 年 7 月 10 日。今次主打即場烹調表演，由海鮮山到爆紅甜品都非常有誠意！ ✨ 必食回本位： • 視覺震撼即切魚：逢星期五至日及公眾假期，大廚會即席拆解日本直送原條油甘魚，油脂超豐厚。 • 即灼海鮮盛宴：用藥材湯底即叫即灼醉翁蝦、鮮鮑魚及帶子，鮮味十足。 • 全城最紅甜品：首推「杜拜巧克力」系列，脆脆麻糬蛋糕同軟心蛋糕層次感豐富，甜品控必試！ • 地道沙田三寶：五星級環境食紅燒乳鴿、山水豆腐花同雞粥，滿滿本地情懷。 仲有生蠔、龍蝦、長腳蟹任食，同埋潮式滷水檔、香煎鴨肝等熱食。 #自助餐回本攻略

Jannis

香港攻略

香港六國酒店

六國酒店。華麗薈萃。原來好多美食!

第一次去灣仔六國酒店的Le Menu吃自助餐, 食物種類比預期中多, 而且味道也不錯.  現時的主題為「華麗薈萃」, 有花膠, 鮑魚及龍蝦, 每晚還有驚喜限定美食, 好豐富~ 我們的座位較近片皮鴨、燒肉眼扒及香草燒羊髀這區, 大部份時間都排長龍, 好受歡迎.  片皮鴨幾有水準, 會encore的美食~ 鐵板串燒也是我喜歡的, 例如煎鴨肝多士、虎蝦、牛脷、雞軟骨串、多春魚、鮮菠蘿, 雖然美味, 但每款拿一件吧, 因為想留肚吃更多美食! 聽到敲鐘就要注意啦, 因為有驚喜美食~ 堂弄原隻鮑魚鴨掌, 確實是好好味! 冰鎮海鮮有蟹腳、麵包蟹、龍蝦、凍蝦、青口、翡翠螺.  麵包蟹橙色膏多得很, 而且幾軟滑! 凍蝦亦實淨鮮甜.   冷盤就在凍海鮮旁, 例如茴香青口沙律、三文魚藜麥沙律、煙燻肉等cold cut~ Le Menu的熱葷是極多選擇.  芝士磨菇焗釀蟹蓋非常足料! 必食龍蝦海鮮茶碗蒸, 又是好足料~ 其他熱葷有烤焗香草雞胸、香煎檸檬盲曹魚柳、蔥餡拉餅、花雕五味骨、薑蔥炒龍蝦鉗、鹹蛋金蝦、蒜蓉粉絲扇貝、蠔皇扣海螺、鮑汁燴花膠、酥炸生蠔….. 刺身方面, 有我吃的赤貝、甜蝦、八爪魚, 質素不錯~  另有三文魚、劍魚、鯛魚, 也是肥美~ 喜歡吃芝士的話, 這裏也能滿足你~  聽說Le Menu的湯品都值得喝, 當晚有龍蝦湯及竹絲雞螺頭燉豬展湯, 個人較喜歡中湯. 第二次敲鐘是製作火焰雪山及蜜桃梅爾巴. OMG!!! 兩款都有酒味的, 超喜歡! 尤其是蜜桃梅爾巴, 桃味不假, 更有蜜桃蓉, 超正! 小件甜品大 概有10款, 自製了雪糕窩夫. 雪糕有5款haagen dazs 選擇~ 生果有菠蘿、百香果、哈蜜瓜~  自助餐包一杯飲品, 我點了茶, 正好是解膩.   若果想在期間有飲料的話, 可以加$78 無限暢飲汽水及凍果汁, 或者加$108 無限暢飲汽水、凍果汁、啤酒、紅白酒及氣泡酒. 訂座起3日內付全數, 可享額外7折優惠.  折後….星期五至日及公眾假期, 全時段6PM-10PM, 成人每位$738, 小童每位$448; 或任選2小時, 每位$348-$638. 詳情可看: Le Menu自助餐 Le Menu 地址: 灣仔告士打道72號六國酒店1樓 歡迎與我聯絡: jannis_tang174@hotmail.com Facebook Fanpage: Jannis Tang Through the looking glass  IG: JannisTang #Le Menu #灣仔自助餐 #Gloucester Luk Kwok Hong Kong #Wan Chai buffet (此文章由U Blog 同步發佈至社群)

A美食焚化爐

擦餐勁

歷山餐廳

「海鮮交“饗”樂」 @ 歷山餐廳 ( 北角歷山酒店 )

過去既母親節，大家去邊度慶祝？ 點都好，可以的話就不如留港消費。 今次就介紹歷山酒店既自助餐，尤其是相對於第一次去，家陣感覺佢係越做越進步，加上地點就腳，由炮台山地鐵站沿天橋行過去幾分鐘就到，超方便。 供應期由即日至 2025年6月28日 星期五六及公眾假期前夕晚上6時30分至9時30分（ 不適用於 6月14日） 網上商店預付七折折實價連原價加一成人$550.4/ 長者星期五$397.6/ 星期六及公眾假期前夕$454.4/ 小童$278.4/兩大一小 $1135.6   而父親節當天，每圍送上白酒一支及水杯。   詳情可上KK DAY 官網睇睇。   ( KK DAY 優惠傳送門 )   焗時令海鮮袋配蒜蓉包 原包送上，份量是按人頭計，材料非常豐富，有蟹腳、帶子、青口、海班片、海蝦及魷魚。   上檯時服務員會把袋剪開，熱辣辣地倒出，用蒜蓉包沾一下湯汁，就更惹味。   即開美國生蠔 另一個亮點是即開美國生蠔，不過每次只限取三隻，以保持新鮮度，而且就算是美國蠔，都已經不是大而無當的級數，都幾平均下。   生滾粥 即煮的蟹粉鮑魚海鮮粥，內有鮑魚、海蝦及青口，粥底幾綿，不錯。 刺身 係香港自助餐中，歷山的雖不是最強，但已經好夠誠意，有紅蝦、赤貝、帶子、八爪魚、吞拿魚、油甘魚及三文魚，晒多而且質素好好。   香煎鵝肝 好邪惡既煎鵝肝，就最好即刻食，油香滿滿的感覺真好。   海鮮 有蟹腳、青口、凍蝦及翡翠螺，種類不多，但質素取膀。   熱葷 中式有椒鹽大蝦、辣汁煮翡翠螺、蠔皇蝦膠釀海參 、鮑汁螺片燴花膠、清蒸沙巴龍躉、翠綠花姿蝦仁及蒜香砵酒汁燴鰻魚。   話時話，所有中式熱葷都食均，好有宴會菜的感覺。   西式有必食既紅酒汁燒牛小排以及外層香脆的芝麻脆魚柳伴芒果醬。  其他仲有香煎豬里脊配蕃茄醬、檸檬香芹忌廉蜆肉長通粉、 烤三文魚柳配香橙牛油汁、松露醬百里香烤薯仔及芝士忌廉焗西蘭花。   鐵板燒 除了牛排，又有雜錦串燒，有菠蘿、牛柳粒、牛舌及大蝦。   燒菠蘿真係好正，又甜又香。   沙律 想食得清少少，可以試下佢地雜莓蟹肉彩虹青瓜沙律、香芒薄荷菠蘿海鮮沙律、薯仔沙律、紅菜頭沙律、蘋果沙律或意粉沙律 。   Cold Cut 有煙挪威三文魚、莎樂美腸、凍肉腸同埋巴馬火腿配蜜瓜。   湯品 燉湯我最鍾意，同太太一人一盅羊肚菌花膠燉雞湯，醇厚芳香，甜美可口。   另外兩款湯是南瓜蟹粉素翅羹及粟米忌廉湯。   甜品 雪糕是Movenpick 有瑞士朱古力、雲呢拿、草莓、Espresso、椰子以及薄荷，全部都係迷你版，既衛生又可以食多幾杯。   凍櫃內有木糠布甸蛋糕、栗子蛋糕、朱古力慕絲杯、柚子凍糕、香蕉蛋糕、水信玄餅配沖繩黑糖、蝶豆花布甸、意大利奶凍、焦糖布甸。   另外有雜錦曲奇、蛋白杏仁茶及班蘭雞蛋仔。   講真雞蛋仔又真不錯，香脆的外層，配杯雪糕無得輸。   太太就鍾意個蛋白杏仁茶，夠甜滑又養顏。   飲品有齊紅白酒、啤酒、汽水、橙汁同蘋果汁，啱晒我。 Facebook 專頁 : 歷山酒店   地址 : 北角城市花園道32號歷山酒店大堂樓層   電話 : 3893 2868   味道 : 4  環境 : 4  服務 : 5  衛生 : 5  抵食 : 4  位置 : 4   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔'LIKE'，當作小小的鼓勵吧!謝謝!   http://www.facebook.com/foodiephilip #自助餐 #北角 #美食焚化爐 #歷山餐廳 #歷山酒店 (此文章由U Blog 同步發佈至社群)