素食放題推介｜6間素食自助餐無限時任食／70款多國素菜／性價比高

XsunnyX826

港式美食

素某 so’N

用食物療癒心情

今次去到素某so'N，本身係為左佢地嘅活動，如果想睇下我今次玩左咩，記得睇下一篇。呢個療癒品牌除左有開工作坊，幫大家都市人探索自我、釋放情緒、提升溝通技巧之外，呢度都係一間#全素餐廳。創辦人除左想做身心靈所謂比較「虛」嘅嘢之外，「實」就係食得落肚嘅健康食物啦！等緊活動果陣，有飲熱茶，各位朋友完左活動之後，除左飲茶之外，都有幫襯佢地個午餐，之後就算只揀一款點心，最平果款餐都夠飽。 舖頭入面有四款茶，由淡至濃，可以代表人生唔同階段，都可以代表四季。新派飲法類似cafe，有參考咖啡邏輯，但呢度除左烘焙、溫度之外，仲可以玩味道。店主去左杭州學習呢種特別沖茶技巧。沖茶嘅時候，水溫一樣，第一泡 45秒，第二泡一分鐘就要飲，唔係等太耐會變苦。但落茶葉之後，#嫩芽要完全關實茶壺蓋； #展開打開1/3蓋；#揚眉打開一半；#安逸就要完全打開，我地今次試左兩款熱茶。 嫩芽 $68 花香生烏龍，主題風味係柚花、橙花、金玉蘭，草本加入單從、歐薄荷、香茅、桂枝，聞落香茅味好重，不過飲落係清淡清涼，可以表達初出世間嘅心情。我地呢枱普遍嘅評價，係飲好過聞。 揚眉 $78 #姜花香單樅× #正山小種，主題風味係煙燻、肉桂、丁香，草本加入單從姜花香、甘草、咖啡果皮、薰衣草同杜松子。第一啖試到咖啡果皮嘅煙燻味，之後薰衣草同甘草嘅甘甜味道最出。熱飲嘅味道，比較鍾意呢款。 一點心午餐 $158 可以選擇餃子或者麵 梅漬車厘茄 好多人唔習慣食生番茄，怕有陣草青味。我再犀利啲，連甜啲嘅車厘茄都食唔到，呢度用話梅浸住，保留車厘茄肉爽口嘅口感，但外皮已經浸軟，青味都清走，取而代之係話梅嘅香甜，最後我一個人食曬。雖然經過醃漬，但原來黃色係會無紅色咁濃味嘅，你地下次試下！ 餃子 唔係同朋友交換，都唔知原來咁正。外皮好薄，但餡料豐富，有椰菜、白菜、粉絲、木耳同紅蘿蔔，材料好清，但味道已經好足夠。 素麵 紅菜頭素麵配西蘭花濃湯，呢度係一間全素餐廳，完全無蛋奶都可以令湯非常creamy，肯定落左一番功夫。濃湯上面材料相當豐富，冬菇、甘筍同意大利青瓜都有輕輕炒香，比餃子濃味少少，食慣大魚大肉嘅都市人都會習慣。當然粉紅色麵條同各種蔬菜，加埋都更適合打卡🥰 春：茉莉菊花雪梨凍 茶可以代表人生四個階段，又代表四季。而四季都有對應甜品。雪梨菊花煲嘅涼茶，加入茉莉花同白涼粉，變成類似啫哩嘅甜品，一啜就得。 嫩芽拿鐵（凍） $68 呢杯比熱茶多左啲裝飾，適合打卡之外，加入鮮奶，原來更易入口。 秋：栗子 $78 非常落本地用左日本楓葉適合打卡，甜品本身非常creamy #素某so'N 灣仔謝斐道272號杜智臺地下9-10號舖 電話: 52318787 #UCreatorHK#BESTFOODwithUCreator#香港美食#hkfoodie#foodporn#foodie#hkfoodlover#foodiesofinstagram#finedining#vegetarian#vegan#mindfulness #素食#全素#清心寡肉#健康為自己#身心靈 #冥想#正念飲食#美食#食好西#相機食先

FoodTravel_World

西式美食

素年 (太古城)

新式素食首次進駐港島❤️‍🔥多款創意菜式登場‼️

一直好鐘意素年嘅理念,睇得出佢地好有心做,每間分店menu都精心設計,為素食者提供多種選擇,我自己都對素食改觀,原來唔一定係好單調,都可以係好豐富滿足嘅一餐!本身嘅分店主要係九龍,今年終於係港島開第一間分店喇🎉🎉🎉 —— 田園本地有機莧菜青醬薄餅 $128 賣相好靚!配料多到就黎見唔到塊pizza😂有野菌､西蘭花苗､枝豆､波子蘿蔔､珍珠粟米等,多到數唔哂!全部都好新鮮爽脆,薄餅焗得外酥內軟,加埋青醬同純素水牛芝士,令味道口感都更有層次 —— 照燒本地有機茄子配意大利拖鞋麵包 $128 依道菜好佩服廚師嘅創意,以照燒茄子為主,底層鋪咗自家製純素乳酪醬,超幼滑,真係冇諗過茄子可以撞落乳酪到😂但夾埋食乳酪可以平衡翻膩感,唔覺得違和｡拖鞋麵包好厚身又做到鬆軟質感,完全吸收茄子嘅精華 🌟推薦指數:8/10 ▫️▫️▫️▫️▫️▫️▫️▫️▫️▫️▫️▫️▫️ 📍 素年 (太古) 太裕路9號高安閣地下G517號舖 🔎分類搜尋:#FTHK_太古 #FTHK_西式 #人人生日快樂#我係咖啡達人#太古城中心#鰂魚涌美食#太古美食

吃貨混血B媽

健康

入素 green entrance

新派素食餐廳！有皮嘅海南齋雞你見過未？🤩

今次又試下另一間素菜餐廳先,網上見到佢哋個海南”雞”飯好出名🤩! 手工海南雞飯 真係做到好逼真!第一次見有皮既齋雞🤣好用心!雞肉係嫩豆皮千層,配上滑滑蒟蒻”雞皮”,點埋薑蓉同豉油真係recreate到個味道同質感🤣薑黃飯好香,珍珠米又好煙韌👍 葡式乳豬飯 同啲海南雞好相似,都係嫩豆皮千層,不過佢炸咗&加左香料,所以唔同食法😋點埋配乳豬嘅甜醬就好似!葡式飯應該都係薑黃飯,不過加咗炸香咗嘅腰果同埋提子乾,更香口! 每個午市套餐都會跟埋一碗素湯,湯入邊有啲菇同埋粟米粒,有d日式嘅風味仲好鮮甜~ 日式焼物定食 入面有燒素鰻魚､炸素蠔､炸素蝦､燒飯團仲有配沙律及湯👍 素鰻魚喺千層豆皮入邊仲釀咗啲類似芋蓉的餡料,口感更豐富😋炸蠔入面有紫菜,所以整到有d海鮮味👍炸素蝦入面都似係芋蓉,加上菜絲｡燒飯團都係用咗煙靭嘅珍珠米,面頭搽上甜豉油,燒完更加香😋湯入邊嘅素丸子口感好逼真,真係好似食緊魚蛋咁,好彈牙,又有香菇同胡椒香味👍仲有甜品係椰子雪花糕個椰子味十分香濃! 值得一讚嘅係去所有炸物都整到好乾身無索哂油,所以菜色都唔油膩唔會過份調味👍 唔似得出邊嘅齋館咁!新派素食係唔錯👍 請多食素🪷🙏🏻 #UCreator#健康生活#飲食養生#素食