對食肉獸來說，食韓燒，無牛肉又怎能食得盡興呢？
連鎖韓式烤肉店新麻蒲，早前率先於旺角店推出放題，不過只限任食豬、雞、海鮮；最近韓燒店加入全新任食套餐，新增5款牛肉以及多1款豬肉。
除開每位$200有找，不過用餐時間就比較短，只得90分鐘，立即睇睇能否回本。
任食套餐只供2位或以上顧客享用，星期日至四全日供應，星期五至六及公眾假期則分兩輪，午市（12nn-6pm）及晚市（8:45pm-1am）供應，當晚餐食感覺當然抵食一點！
任食食品款式不少，前菜、泡菜爐邊蛋、生菜以外，還有多款肉類選擇。
回本推介嫩牛排肉、牛五花、韓式秘製烤牛肉，前兩者牛肉味濃原汁原味，肉質頗軟腍，而秘製烤牛肉的醬汁則甜甜的。
豬肉類方面，有齊韓燒必備的護心肉（原味/辣味）、五花肉、豬皮等等，食肉獸啱食！
肉類以外，大蝦也是較多人點的食品之一；雖然海鮮只得這一種，但質素甚高，新鮮爽口，值得encore。
除了燒物，套餐還供應兩款任食主菜，包括燉牛排骨和鮑魚參雞湯，每兩位更可選擇一份免費小食/主食/甜品，選擇包括冷麵、大醬湯、紅豆豆粉雪花冰等等。
飲品如汽水、啤酒、部份特飲等同樣供任飲，亦可加錢（$8起）追加支裝酒；整體回本率幾高，如果放題時間能長一點，相信會更吸引，更適合多人聚餐呢。
------------
放題收費：
每位 $218
4人同行價 $777
*另收加一
新麻蒲韓國烤肉店 마포갈매기
地點:旺角彌敦道636號銀行中心1樓8-9號舖
開放時間:12nn-1am
電話:2788-0933
文：HK港生活
