鍾意試新餐廳的，一於試吓呢間於記者界獲超好評的「賣豬仔」餐廳。餐廳係人氣扒房 Shore 主廚 Jason 的新作，他為人 down to earth，唔信 fine dining 才能打動人胃口，所以將人們以為登難大雅之堂的豬仔拿來做主角，菜式都係賣百多元碟，勒緊褲頭等上車的情侶畀錢畀得輕鬆啲；價錢適中，但 Jason 用料都要過得人過得自己，喺度一樣食到西班牙黑毛豬，雖然唔係豬扒位，但也是超 Juicy 富油香的豬腩部分；豬架來自澳洲或加拿大，豬手則用德國的，還有英國的香腸，質素極佳，而且他更花了 100 萬買來 Clifton 水浴低溫慢煮爐來為豬仔做 Slow cook，他拍心口說保留到豬肉裏 98% 的肉汁。
今年的情人節餐，他將不少招牌菜放到情人節餐廳，分量絕對不少，用意都係凸顯情侶間 Sharing 的精神，加上價錢唔入肉，享受一晚情人餐都唔罪過！當然，一班 friend 底的 lonely heart 來過「友人節」也未嘗不可。
The Salted Pig
地址：中環皇后大道中 139 號 The L Place 2 樓
電話：2870 2323
北歐親密
怕惡女友話你個人悶蛋，咁真係要試吓這個香港獨有的北歐情人節 Menu。Jaakko 將北歐菜那種崇向大自然的風格都放到套餐之中，用上大量正值時令冬天蔬菜及歐洲食材，調味簡單，以突出食物原味為主，好似將花園放入口咁。還有歐洲時令食材如露筍、蘇格蘭石蠔及龍蝦等催情食物。
煮法跟傳統的法國菜或意菜不一樣，以簡單調味為主，最能凸顯這點就是 Jaakko 的招牌作露筍五重奏，燒、灼、刨片或做啫喱都以主味；不少菜式更混合了分子料理元素，好像露筍跟牛油果泡都加了自家製的橄欖油魚子，吃時將魚子咬爆，橄欖 油就發揮調味功用，還有將用番茄湯隔濾一晚的茄水做泡沫忌廉、荷蘭汁又化做氣泡配龍蝦，配搭新鮮，女朋友一定讚你有 taste。
FINDS Restaurant & Bar
地址：尖沙咀金巴利道 39 號帝樂文娜公館 1 樓
電話：2522 9318
松露女王
這是她的 Cooking studio 第一搞的情人節活動，她會為情侶們示範 8 道特色意國菜式，仲會邊飲住 Rose，邊教大家組裝一棵粉紅、粉藍系的 Macaron 樹，你同阿 honey 可以一手一腳將已做好的 Macaron 砌成樹形，追緊女仔的男孩帶心儀女生來，就可以乘機摸吓佢手仔。
砌樹後，就正式看 Esther 的廚藝示範，8 道菜每個細節都是她的心思，好像松露麵包是她自己發酵的、鴨肝醬自家製，連配鴨肝的桔仔都是她預早 3 星期糖漬的；意粉是她的招牌作，她做了當年在意國學廚時，跟意大利媽媽學做的傳統撒丁島手帕麵，香港只有少數星級意大利餐廳吃到。而且她捨得用最矜貴的意 國材料，好像用西西里血橙做啫喱、西西里檸檬做 Limoncello 雪葩及檸檬茶、Guanciale 豬臉肉煮意粉醬、還有西西里紅蝦、自家浸的橘子橄欖油等，感受同喺餐廳食一定唔一樣，結尾還可以歎杯 Movenpick 松露咖啡，咁窩心嘅安排仲唔冧爆女友！此 Demo 只限 10 對情侶參加，想砌愛之樹就快啲手訂啦！
Donna Dolce Kitchen Studio
地址：觀塘駿業里 6 號富利工業大廈 8B
電話：2151 0609
(原文摘自《U Magazine》文：sieg、圖：Ken、Lamlam、Paul、May、Kee)
