買靚蟹竅門
作為蟹癡，食蟹唔好搞花巧啦，清蒸就最好！蟹癡擦蟹，數量往往斷打計，當然買回家享用最實際。想知隻蟹靚唔靚，達人肥仔哥醒以下秘訣。
無名指按摩：想知蟹的肉質實唔實，蟹膏多不多，用手指按其尾二的腳，若夠實的話即是蟹的生長期夠，而非過早捕獲。
不斷嘔泡：不斷嘔泡的蟹代表其生命力旺盛，蟹肺健康，本身汲取水中微生物的能力高，多半生猛肥美。
專揀蘿霸：睇大閘蟹屁股，較厚較高的，就表示蟹身的膏撐得夠爆，所以蟹拎上手，哪隻屁股大就揀那隻。
眼仔碌碌：生猛情度好易睇，用手指在眼睛旁的敲敲，眼仔碌碌即係靚貨。千祈咪真接篤其眼睛驗貨，此法是錯的。
江蘇蟹皇齊集
永富之所以成為另一明星蟹店，皆人主理人輝哥年年親身到江蘇一帶不同湖泊的蟹場考察，深知不同湖泊所產的大閘蟹質素，陽澄湖、太湖蟹以外，店裏更會因應時令和蟹的質素，不定期供應新冒起的固城湖及洪澤湖等靚蟹，大閘蟹種全港最齊，而且專挑水準高的發售，連國際巨星發哥及食家蔡瀾買蟹都要幫襯佢。
專賣：太湖、陽澄湖、洪澤湖、固城湖、長江野生、長蕩湖等
免費送貨：購買半籮或以上
贈送：紫蘇、醋、赤砂糖、薑乙
蒸蟹：免費代客蒸蟹，惟先支付全數
永富
地址：九龍城侯王道 47 號地舖（上環店亦有售）
電話：2718 2688
港島名人店
專賣台灣雜貨及大閘蟹的老牌雜貨店，老闆華哥是將陽澄湖大閘蟹引入香港的首人。每年蟹季，譚詠麟、蘇施黃及陳方安生必定幫襯，今年更複刻供應已絕跡香港多年的野生太湖蟹，選擇更多。
專賣：太湖蟹
免費送貨：購物滿 $1,000
贈送：紫蘇、醋、赤砂糖、薑乙
蒸蟹：免費代客蒸蟹，惟先支付全數
華記永昌號
地址：銅鑼灣駱克道476 號地下
電話：2836 6411
香港一大蟹商
華興行是香港其中一個最大的大閘蟹供應商，一向包羅陽澄湖蟹、太湖蟹、長蕩湖蟹季洪澤湖蟹等，蟹種類式多，季初暫時供應太湖蟹。今年更設有12至18隻的特惠籮裝發售。
專賣：太湖蟹
免費送貨：購物滿 $1,000
贈送：紫蘇、醋、赤砂糖、薑乙
蒸蟹：免費代客蒸蟹，惟先支付全數
華興行
地址：佐敦吳松街148B地下
電話：2838 1688
太湖自設蟹場
成立三十多年的老字號，於太湖自設蟹場，大閘蟹直接由太湖輸港，蟹價因而比坊間略為便宜。店子更獲香港工業總會頒發「正版正貨保證」及「Q嘜優質服務保證」。
專賣：太湖蟹
免費送貨：購買半籮或以上
贈送：紫蘇、醋、赤砂糖、薑乙
蒸蟹：不設蒸蟹服務
廣隆行
地址：上環永樂街119 號地下
電話：2851 6821
(原文摘自《U Magazine》文：飛、sieg、圖：香港經濟日報資料庫及《U Magazine》林思勁、林霖、程佩媚、邱鴻基)
