【韓風狂熱】韓國天藍小屋來港！20cm 滿到瀉水果冰沙
位於西營盤的「鳴門魚市場居酒屋」，最近人頭湧湧，原來餐廳晚上 9 點後推出特價「 特盛三色海膽飯」，只要 $98（原價$238）就食到一碗集北海道、加拿大及韓國的三色海膽於一身的海膽飯，好抵！
每晚只供應 30 碗，記得早啲排隊。
晚上 8 點 15 分已見人龍。
唔好以為平咗，舖頭一定將貨就價；記者親試，實物與宣傳相符，3 款海膽鋪滿整碗飯，睇唔到飯！中間仲有隻鵪鶉蛋黃，有種滿到瀉感覺。海膽質感夠挺，唔會變成糊狀，亦沒有腥臭味，證明夠新鮮。3 款海膽各食得出不同鮮味和個性，北海道海膽香甜中帶海水味，加拿大海鮮夠大瓣，韓國海膽則柔滑淡口，層次感十足；拌埋鵪鶉蛋黃吃，滑溜溜。
特盛三色海膽飯 ＄98（優惠期：即日至 11 月 30 日）
三色海膽飯劃分三個「區域」，由淡口的韓國海膽開始食，之後到中間的加拿大海膽，最後是味道最濃郁的北海道海膽，千祈唔好撈埋一齊！最好是先以匙羹，續一試味，再用紫菜包住嚟食，之後再拌米飯食，就食到最多層次。
【海膽狂迷】 旺中 vs 葵廣 4 大海膽手卷 邊間最正？
韓國海膽，色澤呈淺黃色，外層用火槍輕輕燒過，帶出甘香味。
加拿大海膽，淺橙色，質地實淨夠大瓣，有淡淡海水味，甘甘的。
北海道海膽，呈深橙色，睇落細細粒，但海膽味濃郁甘香，仲有海水味，質感 creamy。
溫馨提示：三色海膽飯每晚只供應 30 碗，要食好東西，就要早半小時以上排隊，但絕對值得。此外，加一服務費以正價 $238 計算，埋單價 $121.8。
西環鳴門魚市場居酒屋
地址：西營盤第一街 8 號縉城峰地下 2 號舖
電話：2640 1000
營業時間：12nn-3pm、5:30pm - 12mn
文、攝：Theo
【韓食推介】 3 小時韓式 Brunch 任食炸雞年糕五花腩
【零食放送】 最新 KitKat 一排食到 3 種味！
【懶人之選】 深夜總是餓 便利店 5 大叮呵 Best Pick
歡迎你 like 我哋 U Food Facebook Page / U Food Instagram ，取得我哋更新更快嘅資訊！
