【紫薯狂熱】 西灣河驚現！$3.5 紫薯餅
紫薯加芋圓，呢個組合真係無敵！諗到呢個甜品配搭嘅，係每晚都有人等位嘅「海記合桃坊甜品」。紫薯芋圓系列總共 6 款，仲可以畀 $8 追加一份紫薯圓 / 芋圓 / 紅薯圓㖭！
紫薯蓉芋圓西米露 $28
紫薯及芋圓簡直係食材勝利組，單睇賣相，橙色紫色白色仲有透明西米，影相勁搶鏡。
紫薯蓉大大球放於西米露上面，紫薯蓉質地都幾軟綿，係真‧紫薯味，香濃、好甜，仲咬到有啲紫薯粒粒。
西米露就比較失色，西米細細粒，咬落好腍、無乜咬口。雖然西米淋上椰汁，但椰汁太少，拌勻晒都唔夠味。只食到椰汁嘅死甜及淡淡嘅西米。
紫薯蓉芋圓豆腐花 $28
豆腐花上面同樣有一球紫薯蓉，但豆腐花太軟身、無乜承托力，紫薯蓉沉咗一半！
豆腐花有豆香，入口滑嘟嘟。不過豆腐花碎濕濕，糖水亦過甜。
【芋圓狂熱】 旺中無敵台飲 芋圓 x 珍珠奶茶
【豆花狂熱】 激抵！$5 有料豆腐花
紫薯蓉芋圓配香芋雪樂冰 $34
雪樂冰即係乜呢？未食之前仲以為係刨冰，但其實食落似雪糕，係芋頭味雪糕！味道似曾相識，係維記芋頭雪糕嘅味道呀！
不過，香芋雪樂冰夾雜少許芋頭粒。好啦，加少少分啦！
萬眾期待，另一個主角出場！芋圓嘅分量唔少，每碗至少有 15 粒。紫薯圓質地好腍，真係食唔出紫薯味！
紅薯圓完全無煙韌嘅口感，番薯味道係有嘅，不過好鬼含蓄！要淨食粒紅薯圓先嗒到真味道。
淺紫色係芋圓，芋頭味不見了。口感同樣是腍腍的，唔合格！
地址：太子西洋菜南街 232 號
電話：2399 7937
營業時間：1pm-1am
備註：土瓜灣、九龍城及尖沙咀分店同時有售
文、攝：Jessie
【本周焦點】 終於嚟喇！辻利茶舖 ifc 插旗
【零食放送】 神級組合台式小食 番薯 + 麻糬 + 紫薯
【暖身推介】 凍咖啡可以保暖 堅唔堅？
歡迎你 like 我哋 U Food Facebook Page / U Food Instagram ，取得我哋更新更快嘅資訊！
