玩法好簡單，最少 1 個人，最多 2 個人，喺限時 120 秒內，即 2 分鐘，成功食晒 10 件炸雞，10 件炸雞即刻免費請你食！口味有 6 款選擇：韓式香蒜炸雞、滋味甜酸炸雞、秘製炸雞、秘製辣醬炸雞、香脆芝粉雞及柚子炸雞，揀啱自己心水就快食喇！
放心放心！參加者不限性別、年齡，搵男友或 daddy 一齊嚟挑戰都 OK！最最最緊要清楚挑戰準則，雞食完後必須清楚見到乾淨、不連雞皮、雞肉嘅雞骨，睇睇上面幅標準雞骨圖先！
每碟炸雞都會有齊雞上髀、雞下髀、雞鎚及雞翼部分，保證公平！而且挑戰期間可以飲嘢，唔會要你乾啃嘅！不過要謹記，客人須有任何消費，先可享用免費炸雞，平平哋叫杯嘢飲先啦！挑戰失敗嘅話就唔好意思喇，請埋單～
食客挑戰！
現場食客即席挑戰，可惜挑戰失敗！不過只差一件炸雞咋！好可惜！快手啲嘅話應該唔係問題！
新品登場！大大嚿棉花糖炸雞
火焰鐵板棉花炸雞（無骨） $148
除咗有炸雞挑戰，BBQ Chicken 亦推出呢款火焰鐵板棉花炸雞（無骨）。一上枱就忍唔住不斷影影影，粉紅色嘅棉花糖勁‧吸‧引！女生們見到肯定尖叫！送上枱，店員會以火鎗將棉花糖燒融，甜甜嘅棉花糖散布喺香脆炸雞之上，又鹹又甜，鍾唔鍾意就睇你口味喇！
BBQ Chicken
地址：銅鑼灣謝斐道 500 號維安商業大廈地下
電話：3956 5395
營業時間：星期一至四 12nn-10:30pm，星期五至日、公眾假期及其前夕 12nn-1am
註：炸雞挑戰只限銅鑼灣及紅磡店，一人亦可參加。
文、攝：Joyce
歡迎你 like 我哋 U Food Facebook Page / U Food Instagram ，取得我哋更新更快嘅資訊！
