來自日本的 YOKU MOKU，最有名嘅係「招牌雪茄蛋卷」，初初嚟香港人氣度好高，由日本生產直送，食落有好香甜嘅雞蛋及牛油味，質感鬆化，咬住枝「雪茄」真係要慢慢嗒！另一款皇牌甜點就係「招牌南青山蛋糕卷」，配方及製法由日本當地監控，原味 Roll Cake 好香軟，中間的忌廉 creamy 又帶濃烈奶香，食一件已經大滿足﹗
餐廳位處利東街樓上位置，外面仲有露台位可望四周街景，感覺好悠閒。
室內裝修以時尚風為主，行 stylish 路綫。
餐廳名「3B」Blue Brick Bistro 好易認。
想一次過試齊兩款名物，除咗可以買番屋企，仲可以搵個下午去餐廳慢慢歎！事關 YOKU MOKU 利東街分店，樓上嘅姊妹餐廳 Blue Brick Bistro 就推出一個有齊兩款名物嘅下午茶。每兩位 $348（比一般餐廳或酒店下午茶划算），當中已包括每件價值 $58 既 roll cake，當然仲有其他有水準嘅甜點及鹹點，都算抵。
下午茶點 $348（2 位用）
餐廳名「Blue Brick Bistro」即係 3B，tea set 用特製「B」字餐架放食物，吸睛又有心思。
Tea set 有兩款招牌南青山蛋糕卷，原味奶香夠幼滑，奶茶味濃郁兼帶淡淡茶香，小記就愛原味多啲，皆因鍾情奶香。
跟餐有兩枝招牌雪茄蛋卷，食物豐富太飽，可外帶回家再慢慢食。
3B 下午茶用一個大「 B」字形嘅餐架放食物，盡見心思。甜點固然係主角，鹹點都不馬虎，款式都係常見的羅勒番茄沙沙配多士、煙三文魚青瓜卷等輕食，最特別係炸啤酒雜菜粟米餅，用麒麟啤酒開炸漿，混合粟米、洋葱、甘荀、西芹等蔬菜做成炸餅，香脆得嚟好清新。
炸啤酒雜菜粟米餅用麒麟啤酒開炸漿，混合粟米、洋葱、甘荀、西芹等蔬菜炸成餅，建議上枱趁熱食，好清新鬆脆。
意大利巴馬火腿、菠菜配多士，Parma Ham 不會太鹹，配菠菜夠 fresh。
羅勒番茄沙沙配多士，蕃茄微酸夠開胃。
法式尚蒂利朱古力蛋糕是驚喜，食落朱古力味夠濃郁，不過甜。
下午茶包咖啡、茶及果汁，如花果茶 Earl Grey、Genmaicha、Green Tea with Ginger and Orange 等，另外叫特式咖啡要加 $10。
YOKU MOKU 最新口味 roll cake「南青山蛋糕卷．抹茶味」$58，抹茶味不過於濃厚，反而奶味跟原味同樣濃郁，適合同時喜歡奶及綠茶的朋友。
Blue Brick Bistro 下午茶點
供應時間：2:30pm-5pm
地點：灣仔皇后大道東 200 號利東街地下 G35 號
電話：2865 0355
營業時間：11:30am-11pm
註：下午茶設加一
文：Celia、攝：Suki
歡迎你 like 我哋 U Food Facebook Page / U Food Instagram ，取得我哋更新更快嘅資訊！
