一個至正嘅花膠雞湯包，應該係……
湯：足料嘅花膠雞湯應該是黏口的，不能太油膩，飲落有雞味，而又唔太鹹。
湯料：有湯料食先有家的感覺！湯包湯料十足咁先至係正，一於幫大家量吓邊包最多料，湯料無煲到爛蓉蓉，可以食埋就最 perfect。
花膠：話明係花膠雞湯，花膠都無片太令人失望！即 check 有幾多片花膠同埋有幾厚！
價錢：愈平愈好，咁先係抵飲嘛！
湯味甜！原味家作
花膠雙螺煲竹絲雞 $58/12 Oz（平均約 $16.3/100g）
品牌主要提供健康即飲湯包，標榜無味精、無添加、無雞粉、無人造色素，用真食材煲成。湯包入面只有湯水，沒有湯料，有啲失望！不過根據包裝所示，湯包係以花膠、響螺、紅螺、竹絲雞、瘦肉、鮮淮山及金腿等材料煲成。湯色比較淡，湯面浮起少少油。飲落味道不太差，有雞肉的甜味，亦有海螺及花膠的海味香，但略嫌有點腥。湯有少少黏口感，鹹度啱啱好。品牌於全港有13 間分店，其中有 6 間都是位於港鐵站內，好方便！
湯包一嚿湯料都無，但勝在湯味甜而不太油膩。
評分
湯：★★★
湯料：
花膠：★
價錢：★★★★1/2
總分︰7.5
原味家作
電話：2311 2987
唔油膩！ 位元堂
花膠瑤柱響螺燉烏雞湯 $69/400g（平均約 $17.2/100g）
老字號位元堂都有出湯包，即食養生燉湯同樣標明不含人造色素、香料及防腐劑。湯包的湯料有 79 克，包括少許花膠碎、4 片螺片，又有烏雞件、瑤柱碎等。花膠碎到差啲睇唔到，雞件煮到碎濕濕、骨肉分離，唔太食到肉。湯色好淡，湯身較稀無膠質。4 間中湯味最淡，飲唔出雞味、肉味、花膠味，只有甜甜哋的味道及薑味。好在湯的鹹味適中，不太油膩。
湯料有 79 克重，有少許花膠碎、4 塊螺片、烏雞件、瑤柱碎等。
螺片好厚身，而且食落有甜味。
湯的顏色近似淡啡色，湯身好稀無膠質。
評分
湯：★
湯料：★★★
花膠：★★
價錢：★★★
總分︰9
位元堂
電話：2727 8911
最足料！華潤堂
花膠螺片燉竹絲雞 $79 /500 克(一盒 2 包，即 250 克/包）
（平均 $15.8/100g）
品牌主力健康產品及養生食品，原來都有推出即飲湯包。湯包以傳統高溫燉煮，再經過高溫殺菌處理，無香料、人造色素、防腐劑及味精。湯包有93 克的湯料，4 者中最足料！花膠有 4 片、雞 4 件、淮山 2 片、豬肉 4件、螺片 3 片、黨參 2 條。湯的色澤最深，湯味最濃郁，飲到有雞及豬肉的甜味。湯的膠質最重好黏口，有花膠香又有螺頭的甜。湯的鹹味恰到好處，飲完唔會口乾。
湯包有成 93 克湯料，全場最足！雞件好完整，而且唔會煲到乾晒，食落仲有雞肉味。
湯的色澤最深，湯面唔見有油。
評分
湯：★★★★
湯料：★★★★
花膠：★★★
價錢：★★★★
總分︰15
華潤堂
電話：2839 1100
雞味突出．官燕棧
花膠海底椰燉竹絲雞湯 $88/500g（平均 $17.6/100g）
品牌賣海味為主，於 2005 年開始推出即食湯包系列。根據包裝所示，湯以傳統高溫熬燉 4 小時，同樣不加味精、防腐劑或人造色素，仲有有原塊花膠！湯料重 79 克，有 3 件硬到咬唔開的海底椰、2 隻響螺、1 件豬𦟌、約 5 件雞，而原塊花膠則以 4 片碎上。湯味好鹹，無花膠的黏口膠質感覺，湯身較稠，雞味突出，但花膠同螺的甜味都欠奉。
湯料重 79 克，包括海底椰、花膠、響螺、豬𦟌及雞件。
原塊花膠則以 4 片碎上，算厚身有咬口。
雞味突出，但味道好鹹，而且無花膠的黏口感覺。
評分
湯：★★
湯料：★★★
花膠：★★★★
價錢：★★1/2
總分︰11.5
官燕棧
電話：2390 6668
總評：華潤堂勝！
華潤堂的湯包最足料，湯富膠質又有花膠香甜，雞味及豬肉的味道都可飲得到！飲完唔會口乾口渴，證明真係無味精，飲落好似阿媽靚湯！
文：Jessie 攝：Lok
歡迎你 like 我哋 U Food Facebook Page / U Food Instagram ，取得我哋更新更快嘅資訊！
