呢間位於元朗鳳群街的小店，其實係一間燉蛋專門店，位置不顯眼，加上開業不久，只有元朗友先知。呢間舖好特別，獨沽一味賣 3.7 牛乳燉流心鮮蛋白，真係好專門喎！老闆蘇師傅表示呢種燉蛋方法其實係屋企祖傳，特點係全人手炮製兼無加水，口感味道同其他店食到的唔一樣。
門口有大大個宣傳牌，仲話呢個係「舌尖上的甜品」！
雖然門口的招牌寫上的係北海道 3.6 牛奶，但師傅話為令味道更濃香，最後唔介意成本貴少少改用 3.7 牛奶。
全碗牛奶燉蛋白只有奶、蛋白及糖，師傅打發完材料後還要慢慢走表面的氣泡，燉蛋表面才會平滑，好花心機！
北海道 3.7 牛乳燉流心鮮蛋白 $30
燉蛋白凝固度剛好，搖一下蛋白會震騰騰，但又唔會散開，入口滑嘟嘟，差啲滑入喉嚨！因為用 3.7 牛奶做，奶味好濃，難得唔會蓋過蛋白的味道。因為少糖關係，不會太甜，味道非常自然，喜愛食燉蛋白的人必試！
蘇記燉蛋專門店
地址：元朗鳳群街萬豐大厦地下 15 號舖
電話：9072 9135
營業時間：5pm-11pm
文、攝：Froggie
歡迎你 like 我哋 U Food Facebook Page / U Food Instagram ，取得我哋更新更快嘅資訊！
