香港日式百貨選擇多，AEON Living Plaza 固然出晒名，原來差點被遺忘嘅 UNY，旗下都有 $12 雜貨店。佢喺樂富 UNY、西環西寶城及九龍灣德福 PIAGO 有共 3 間分店，貨品都係 $12，但店內間隔及擺設整齊兼光猛，感覺好小清新，好似行緊高檔家品店咁！
我去人流較多嘅樂富分店搜尋，最吸晴嘅係好多法式貴婦風壓花玻璃器皿，有雕花圖案、坑紋花邊等等，晶瑩剔透細細件，帶復古 feel，既可以用糖果，又可以載首飾小物。都係唔好過度理智去諗問買嚟做乜，因為 $12 咁抵，已令你失去理智！
除咗華麗玻璃器皿，店內仲有好多實用家品，例如走小確幸 feel 的動物飯碗、水杯等等，又有歐洲款瓷器，好容易滿載而歸。
華麗玻璃杯走 vintage 風，可用作雪糕或芭菲杯，令食甜品變成賞心樂事。
日式雜貨設計走簡單路綫，好似左邊嘅盛蛋器，隻蛋其實係鹽樽，又可以放在盛蛋器上做裝飾。旁邊的玻璃瓶可以裝醋或豉油，另外法式小瓷器瓶，可當裝奶放 cappuccino，好精緻。
實用小物類：（左）膠質漏斗可摺扁，方便收藏；（右）兩隻設計相似的小膠杯，一樣可摺扁兼外帶，環保又實用，變身小 sake 杯或功夫茶杯都得。
想將富士山私有，呢個絨布杯墊唔好錯過。
自助迷你磨刀器，只要將刀鋒放在磨刀器卡位上，再將刀前後拖拉，石磨位就可以磨利把刀。
有時食水果或小甜點想環保唔用竹籤，買呢套的骰小叉就好用。
雜貨店會緊貼節日，萬聖節未到已經有裝飾品賣。
想買摩登玻璃瓶做家居點綴，這裏都搵到。
貓奴至愛的貓咪圖案水杯
店內貨品有不同風格。
簡約精美奶壺
日式花紋瓷器
可愛兔兔瓷碗
非洲叢林 feel 瓷碗
身為貓奴嘅小記，見到呢隻碗係即時拎荷包買走。
除咗廚具，仲有好多家居用品，例如貓貓膠扇。
$12 長遮真係好抵，買多把做 spare 以備不時之需。
UNY（樂富分店）
地址：九龍聯合道 198 號樂富廣場 3 樓
電話：2337 1663
營業時間：10am-10pm
文：Celia、攝：Nova
歡迎你 like 我哋 U Food Facebook Page / U Food Instagram ，取得我哋更新更快嘅資訊！
