大概好多人都同我一樣，對皮蛋嘅認知只係得深/墨/啡綠色，但原來除咗仲有金黃色。呢隻被稱為黃金皮蛋的金牛鴨皮蛋（簡稱金蛋），外貌與平日食開的皮蛋無異，同樣都是有一層灰泥包裹，但點解內裏會係黃金色？並唔係因為機因變異或唔夠時間醃製，亦唔係蛋黃變壞，只是我們平日食的「原色」是廣東醃法，而金蛋則是四川醃法，所以才會出現黃金色的效果。
金牛鴨皮蛋 $25 （一盒 6 隻）
同樣以鴨蛋製的金蛋剝開灰泥後，無論外形與顏色，都與平日食開的皮蛋一樣，從外表睇真係分唔到。
金蛋剝殼後蛋白部分晶瑩通透，完全可看到內裏的蛋黃！卻沒有像「原色」般的有雪花效果。蛋白外層的質感似軟身啫喱，滑嘟嘟，非常黏手；而蛋黃部分同樣是黃色，仲有流心效果，賣相一流。
味道如何？金蛋的阿摩尼亞味沒一般皮蛋強烈，比較容易入口，除了蛋白較鬆散外，整體上的質感亦跟平日的皮蛋一樣，帶少少黏性；唯一不同的是蛋黃因少了阿摩尼亞味，蛋香味比一般皮蛋濃好多，且食留喺口中久久不散。配酸薑食最醒胃，加些花椒油、醋、辣油等做川式風味，更刺激過癮。
售賣點：雲貴川土特產
地點：荃灣眾安街 87 號
電話：從缺（老闆娘話招牌上的電話已取消，同埋佢話舖頭冇電話的）
營業時間：9am-7pm
文：Froggie、攝：Chow
歡迎你 like 我哋 U Food Facebook Page / U Food Instagram ，取得我哋更新更快嘅資訊！
