一件豆腐，係最尋常、家常食材，嫲婆豆腐、蒸豆腐、炸豆腐、打邊爐豆腐，細細個食嘅時候以為係一樣，大個逛街市，先發現豆腐舖裏面有好多種！為咗一次過搞清豆腐嘅身世品種，我去咗深水埗嘅老字號公和荳品廠，請教老闆蘇先生。
蘇老闆
分辨不同種類豆腐前，先要知道豆腐嘅製法先。製作豆腐，要先將大豆磨成豆漿，經過幾次過濾隔渣滾，煮滾後撞石膏，再放在木板上固定。唔好以為好簡單，當中既要講技術，又要講經驗，是一門大學問。蘇老闆話，豆腐簡單分軟、硬兩種，喺製作上的分別在於有無經過「壓水」步驟。硬豆腐在製作時須以重物壓着大約 20 至 25 分鐘，降低箇中含水量，質感因而較厚較實，食落口感強啲，豆味亦較突出。店中熱賣嘅煎釀豆腐就係用硬豆腐炮製，豆味香濃又不會一夾即散。軟豆腐呢，因為沒壓榨過，含水量高，質感也較嫩滑水潤。
煎釀豆腐
前：硬豆腐、後：軟豆腐
| 硬豆腐 | 軟豆腐 | |
| 特點： | 水分少，密度高，豆味較突出。質感偏向厚實。 | 適用於煎炒，好像煎釀豆腐 |
| 食法： | 含水量高，較軟身，質感較水潤，較嫩滑。 | 適合用來滾湯、蒸煮、打邊爐 |
同場加映：豆卜又點嚟？
豆卜，又名油豆腐，喺豆漿煲煮過程中加入鹽水，慢慢攪拌後再油炸而成。公和嘅煎釀豆卜一向好食，外層甘香，咬落很鬆，內裏質感又夠細密，吸「湯」力特強，最啱打邊爐！
公和荳品廠
地址：深水埗北河街 118 號地下
電話：2386 6871
營業時間：6:30am-9:15pm
文︰Joyce
歡迎你 like 我哋 U Food Facebook Page / U Food Instagram ，取得我哋更新更快嘅資訊！
