小記一入到去 7-Eleven，眼球即被糖果欄附近一個勁靚嘅花花設計紙盒吸引住。睇真啲，盒內水杯杯蓋有粒藍色立體珍寶珠，原來係珍寶珠出品！白色底，襯彩色珍寶珠 logo 同花花，好 colourful，即刻想據為己有！
原來唔係單買，係換購嘅，方法好簡單，只要買任何 3 件珍寶珠或萬樂珠產品，加 $26.9 即可換購一個。小記行咗將軍澳區同大埔區嘅幾間便行店，仲有貨換，不過咁搶手嘅水杯，真係手快有手慢無！
為咗換水杯，我買咗兩包新口味嘅珍寶珠軟糖，有砂糖嘅軟糖是「珍寶珠棒棒橡皮糖」，咬落好多砂糖，少許掩蓋原來的果汁味，也滲有輕微藥水味。另一包是「珍寶珠啫喱杯橡皮糖」，咬落彈牙有𡁻口，唔會過甜，不錯！
包裝盒設計已經好吸引，妹子至愛。
立體水杯印有珍寶珠 logo，杯蓋配以紅邊及立體珍寶珠，好 sharp！
杯蓋上的藍色立體珍寶珠是亮點！
砂糖軟糖「珍寶珠棒棒橡皮糖」（左）及果汁糖「珍寶珠啫喱杯橡皮糖」。
「珍寶珠啫喱杯橡皮糖」 $7
果汁味濃不過甜，口感彈牙有咬口。
「珍寶珠棒棒橡皮糖」$7
糖果味略嫌被砂糖掩蓋。
立體水杯就放在當眼位。
各 7-Eleven 分店
換購日期：由即日起至 8 月 23 日
註：買任何 3 件珍寶珠或萬樂珠產品，再加 $26.9 可換購水杯一隻。
歡迎你 like 我哋 U Food Facebook Page / U Food Instagram ，取得我哋更新更快嘅資訊！
