Roberto 同拍檔阿芙都係怕悶之人，二人合作開業大半年的 Cheeky Pasta 出名愛玩嘢，之前有火燒菊花意粉、龍鬚糖等，將零食變正餐。天氣熱，繼續玩，今次創出 Wham Bam Ginger Creme 薑汁撞奶意粉，以獨家自製嘅忌廉奶混合薑汁作為意粉的醬汁，配冰凍青瓜條食，咬一口意粉，好，夠，薑！果然醒神又開胃！味道無想像中咁怪，仲幾好味！唔想畀個薑味停落嚟，再食一口凍青瓜絲，味蕾立即被清洗，薑味又再湧出嚟，所以 Roberto 話呢款意粉星期日最好賣，「星期六飲完酒，瞓醒後食薑可以開胃嘛，哈哈！」
Wham Bam Ginger Creme $62
薑汁撞奶意粉，薑汁 + 青瓜食完勁醒神！
鮮橙門面好搶眼，仲有小吧枱位畀人坐低慢慢歎。
店中仲有另一個夠薑玩意，就係同雪條品牌 「N*ice Pops」合作製雪條，今次唔係做例牌生果、nuts 口味，而係將熱食變甜品，變成兩款新雪條！好似 ABC soup on a stick，以自家製的雜菜湯加入字母粉，並混合果汁，咬一口係清新番茄香，又酸又甜，中間更食到字母粉，有咬口！另一款 Ginger vinegar cucumber smash 靈感是薑醋汁拍青瓜，將青瓜和車厘茄打成蓉，並混入薑醋汁製成，入口酸酸甜甜，咬到絲絲青瓜好清新，要食到一半才嘗到中間的薑醋汁，酸味及青瓜混合，feel 到口腔好複雜，又好鬼馬。酸咪咪，so refreshing！
ABC soup on a stick $30
以自家製的雜菜湯加入字母粉，並混合果汁，咬一口滿滿清新番茄香。
Ginger vinegar cucumber smash $30
青瓜和車厘茄打成蓉，混入薑醋汁而製，入口酸酸甜甜。
Cheeky Pasta
地址：灣仔汕頭街 4 號地下 B2A 號
營業時間：12pm-9pm
電話：2325 2725
文：Celia、攝：Ken
歡迎你 like 我哋 U Food Facebook Page / U Food Instagram ，取得我哋更新更快嘅資訊！
