鯽魚餅變雪糕~

兩年前，小編去韓國旅行食過，一試難忘，估唔到而家喺香港都買到！咁耐冇食過忍唔住買咗個來試下。大家可能都會以為韓國呢個叫鯛魚燒，但係明明鯛魚燒係日本野來喎！好混亂呀！係呀，其實韓國鯽魚餅都係好耐以前喺日本傳入，不過韓國人就唔用鯛魚嘅形狀而係鯽魚形。

好喇好喇，廢話少講，係時候講下味道喇。雖然變咗雪糕，但係仍然保留咗鯽魚餅原有嘅紅豆餡。一咬落去，個皮比起小編喺韓國食過嘅厚身同煙韌，幾唔錯。雪糕係香草味，但係就比較似牛奶雪糕亦都唔會太甜。而紅豆蓉就得好少，似堆 jam 得來冇乜紅豆嘅質感，味道就似紅豆冰用嗰啲紅豆咁甜，不過同雪糕一齊食味道都係比雪糕蓋過。仲有，建議大家唔好食咁飽先好食佢，因為佢比起一隻手掌仲大！