海膽控注意 足半板海膽熱狗

憑超邪惡半溶芝士熱狗成功彈起嘅 Iconic H，最近趁海膽當造期推出至尊海膽熱狗，用上甘香豐腴的韓國時令海膽，味道鮮甜無腥味，仲要不惜工本落足半板海膽，就連沙律醬都混入海膽，配以法蘭克福腸、紫菜、翡翠苗等，餡料多到滿瀉。

小店又將北海道松葉蟹肉加入熱狗內，啖啖蟹肉鮮甜爽彈，伴以微辣的明太子醬，好開胃。同場加映原個菠蘿啤，大大個菠蘿挖空後，倒入麥味重的 Warsteiner 啤德國啤酒、菠蘿肉、菠蘿汁，勁 fresh！

Iconic H