今次揀咗兩間最hit嘅外賣App做測試，分別是全球最大網上外賣速遞平台嘅Foodpanda，以及今年初才正式登錄香港的Deliveroo！實試之前，先了解一下兩個外賣App嘅來頭！
Foodpanda
於德國成立，兩年前來港，是暫時全球最大網上外賣速遞平台，合作的餐廳超過250間，服務範圍包括香港及九龍區部分地方，行政總裁 Ralf Wenzel 曾經表示，希望可以於 2017 年將服務覆蓋全港，大家畀啲耐性等等。
Deliveroo
倫敦過江龍，2015年底開始於香港運作，開業 4 個月已揾到 300 間餐廳合作，中菜、西餐、日本餐廳、果汁、甜品等都有得揀。Deliveroo 以準時做主打，保證落單次後 32 分鐘內就可以將外賣送到。可惜，覆蓋範圍有限，九龍區的朋友只能食葡萄！
試啲乜？
測試時間為12:30，是最繁忙的 lunch time。為咗公平起見，今次揀咗同地區、同一間餐廳，送同一款食物到小記公司，睇吓邊間送餐速度快啲、食物會唔會 chok 到變樣、味道又會係點呢？
味道尚可：外賣的食物先用紙袋盛載，然後再入多個純白色的膠袋。負責送外賣的車手沒穿製服、膠袋又沒任何foodpanda的logo，完全沒辦法認出工作人員！經過差不多 1 小時送到的外賣已經凍咗，好在漢堡包沒壓到變三文治、雞翼無亂糟糟、薯條的醬汁都沒漏。
食物仍暖：外賣的食物全部放入紙袋，然後再放入保溫袋。負責送外賣的車手雖然沒穿製服、但保溫袋有 Deliveroo 的 logo，一眼就認到！由於運送時間較短而且有保溫袋，食物可以keep到微暖，所有食物都沒壓到變形或漏汁的情況，但無論是Deliveroo 還是 foodpanda 都好，送到的薯條已經黏成一體，仲要濕咗影響口感。
有28間餐廳揀：入到App先要輸入送外賣的地址，然後個App會seash服務範圍內的餐廳。於小記的公司範圍內，一共有28間餐廳可以選擇，每間餐廳都列明估計的送餐到達時間，由45分鐘至300分鐘不等！
有 21 間餐廳揀：入到 App 一樣要輸入送外賣的地址，然後再彈出可以揀的餐廳。Deliveroo 的選擇比較少，而且主要以西餐為主。每間餐廳都列明估計的送餐到達時間，最快30鐘就送到。
定價
Foodpanda
定價可能貴啲：食物的定價比堂食的貴，今次嗌咗餐廳招牌漢堡堂食是$65，foodpanda 外賣要$89；芝士辣肉醬薯條堂食$44，foodpanda 外賣 $60；6 件水牛城炸雞翼堂食是 $68，foodpanda 外賣 $80！不過亦有餐廳的外賣價與堂食一樣，而且 foodpanda不會額外收運送費用，又可以揀貨到付款、PayPal 或網上付款。
Deliveroo
食物的定價大多數同堂食一樣，但有部分餐廳會對外賣價作出調整。同樣嗌咗餐廳招牌漢堡、芝士辣肉醬薯條及6件水牛城炸雞翼價錢分別為$85、$58及$75，平過foodpanda，不過Deliveroo要收取送餐服務費，訂單多於$120，會收$20服務費；總額低於$120，需要額外畀$55。提提你，Deliveroo只接受以信用卡付款。
準時送到？
Foodpanda
未能準時送到：小記於12:30nn 落單，輸入完地址、電話等所有資料後，於 12:46nn 確認接受訂單並會於 55 分鐘內送到。期間於1:10pm 收到訊息話送外賣的車手已經從餐廳拎咗食物及正在運送他途中。最後於13:31pm送到，總共用咗 1 小時，與估計的 55分鐘內有少少出入。
Deliveroo
準時送到：小記於 12:45nn 落單，輸入完所有資料、確認接受訂單並會於13:28pm送到。雖然收唔到報告行蹤的訊息，但可以透過 App 睇到外賣的進程。最後於13:17pm送到，快過預計時間。
文：Jessie、攝影：chow
歡迎你 like 我哋 U Food Facebook Page / U Food Instagram ，取得我哋更新更快嘅資訊！
