三多炸髀唔係一味以大取勝，新鮮炸起的雞髀呈金黃色，邪惡得來又好吸引。食落唔覺有雪味，有微微的醃料味，如果你嫌味道唔夠，店內有辣粉任你落，辣味好刺激！肉質都算嫩滑，唔會炸到過火令到雞肉變得乾爭爭，撕開雞髀時仲有肉汁滴出嚟！炸髀建議即炸即買即食，放得太耐的話，雞脾內的熱力會一直「煮」熟雞肉，好易出現過熟、肉質變嚡的情況。
小店唔係得炸脾，仲有炸薯皮、炸芝心丸、椒鹽雞軟骨、炸腐皮蝦卷、粉腸粉等，粉腸粉亦有豉油肉碎及香辣肉碎兩款選擇。腸粉炒到條條上晒豉油色，辣味好夠好嗆。腸粉混埋肉碎、芽菜及葱粒，好惹味。太辣的話，嗌杯以新鮮橙肉mix奶的飲品「柯檸」解辣，橙味色乳酪沙冰飲落好fresh，邊個話橙溝奶一定會痾呀！？
三多炸髀
地址：元朗又新街40-48號榮豐大廈地下E號舖
營業時間：3:00pm-2:00am（星期一至星期五）； 2:00pm-2:00am（星期六、日及公眾假期）
相關報導
本土派 雪糕雞蛋仔
歡迎你 like 我哋 U Food Facebook Page / U Food Instagram ，取得我哋更新更快嘅資訊！
