這間位於水街的 Oppa Budae，原來是石塘咀熱爆小店 Oppa Chicken 的新 Line，而這個鐵板菜式正是新店的招牌，老闆娘 Annie 見 Oppa Chicken 開業以來反應好好，可惜地方太細，平日店外都要排長龍。加上她和老公都鍾意 gathering 整嘢食招呼朋友，於是開間大規模一點的店子，可主打多元化的韓國料理。
店子裝潢似韓式 pocha (小酒館)，掛滿用韓文寫菜式名的小牌子，一邊又畫滿客人的塗鴉，同朋友來又 warm 又好氣氛。自知餐廳位置比較僻，Annie 設計菜式時就想到加入一點 gimmick 吸客。她見香港流行鐵板菜式，而芝士又長 hit，於是把自己拿手的炒辣雞混合這兩個元素，仲諗到在客人面前即場炒熟，食慾當堂 double up！
眼見她一動手，客人即舉晒手機，相當好氣氛！把雞肉蘸上半融芝士再放入口，雞肉本身已經香辣惹味，加上芝士，更加香口！鐵板上還有年糕、炸番薯片、椰菜特配料，同樣不可錯過！另外，叫得做哥哥部隊，部隊鍋除了傳統口味仲有個坊間少見海鮮 deluxe 版，辣湯加入大量海鮮一齊煮，鮮味十足。
特別推介：
芝士鐵板雞 $228
鐵板上放滿用韓式辣醬、蒜頭等醃足一日的雞肉、年糕、炸番薯片、椰菜特配料，炒 10 分鐘至食材熟透，再在爐邊加入mozzarella，食時將香辣惹味嘅辣雞塊 dip 半融芝士食，好香口！
Oppa 無骨雞塊 $128
去骨雞髀同雞胸肉加入韓式醃料及新鮮洋蔥醃足一日再炸，食落啖啖肉之餘又非常脆口，而且醃得夠入味，唔點醬都好味。
哥哥海鮮部隊鍋 $298
海鮮 version 部隊鍋，鍋底放滿辣椒醬，加入上湯滾滾下會變成紅色。海鮮材料非常豐富，大蝦、青口、蜆、帶子等加埋皇帝菜同豆腐，鮮味滿瀉，像港式打邊爐。
焦糖芝士蛋糕刨冰 $52
老闆娘將自己鐘意食的幾款甜品共冶一爐，刨冰澆上煉奶後再加埋口感實在的芝士蛋糕、酸甜juicy 的菠蘿片同雪糕，口感非常豐富。
奇異果燒酒 $65
韓國燒酒同鮮榨奇異果汁和疏打水混和，飲落酸咪咪，開胃得酒精度低，女仔實鍾意。
哥哥部隊
地址：西環水街東利大廈 1J 地舖
電話：6644 6549
營業時間：11:30am-3pm，6:30pm-11pm (星期二休息)
收費：只收現金，星期一、三至五晚市設加一，星期六、日及公眾假期全日加一
交通：港鐵香港大學站 B1 出口
泊車：華明中心 $25/hr
平均消費：午市$60、晚市$250
相關報導：
巴閉過江龍 專利鐵板黑豚
宵夜歎 韓式串燒放題！
韓兄弟 主打地區料理
大埔 發現心機韓菜
歡迎你 like 我哋 U Food Facebook Page / U Food Instagram ，取得我哋更新更快嘅資訊！
