每年秋冬係秋刀魚最肥美嘅時節，秋刀魚廣泛分佈喺太平洋北部水域，秋冬時會隨浮遊生物遊到北海道。油分重嘅秋刀魚，最好係原條鹽燒，魚皮香脆，魚肉鮮嫩，再配蘿蔔蓉同檸檬汁，先食到秋刀魚嘅原味。
鹽燒秋刀魚 ($180)
簡單以海鹽塗抹於魚身，不需去除帶甘苦味嘅內臟，以爐火燒烤至魚皮香脆、魚肉嫩滑嘅狀態；製法簡單，但好考師傅工藝。海鹽份量會依隨魚身大小及魚脂份量而改變，燒烤火候亦要合宜。簡易配上檸檬汁，檸檬汁嘅酸味同魚嘅微好match，展現秋刀魚原始鮮美、濃厚油脂甘味。
秋刀魚刺身伴三點壽司 ($190)
柚子胡椒、炙燒同薑茸蔥花可以更突出到秋刀魚嘅鮮美，一次享受三重口感。
炙燒辛辣秋刀魚刺身 ($190)
切成薄片嘅秋刀魚刺身經炙燒帶出香味，配上辣椒油、乾辣椒絲、紫洋蔥、蔥肉、檸檬片一起品嚐，味道層次更豐富。
秋刀魚刺身 ($180)
將連著薄皮嘅秋刀魚刺身輕沾山葵末、醬油，配埋薑茸同蔥花，細緻品嚐魚肉嘅甘甜。
梅煮秋刀魚 ($180)
酸酸甜甜嘅梅子烹調秋刀魚，酸甜之味醒胃之餘，亦提升了魚肉嘅甜味同油香。做主菜或佐酒料理都ok。
千両出咗 2 款秋季限定清酒－初孫秋上純米吟釀($98/150ml, $190/300ml, $430/720ml)同神開秋酒特別純米酒($85/150ml, $160/300ml, $368/720ml)，配搭秋刀魚料理。
歡迎你 like 我哋 U Food Facebook Page / U Food Instagram ，取得我哋更新更快嘅資訊！
