口味、材料、辣度各有風味，找來居港多年的日本人大塚悠介為大家推介即食咖喱，原來花款口味真係多到你唔信，再贈大家吃即食咖喱的貼士，足不出戶也可歎一頓風味咖喱餐。
日本人大塚悠介
「喺日本，每個家庭都會做咖喱，我細個時，媽媽最少一星期做兩次，做咖喱飯時，就會一人一碟咖喱飯加一份沙律。日本媽媽在家做咖喱，大多數用咖喱磚，然後加入自家的秘方調配味道，例如配炸豬扒吃的醬汁、茄汁、豉油、芒果醬，甚至啤酒，真是五花八門！
「來到香港後，因為工作忙，所以就少用咖喱磚，即食咖喱包反而更方便，特別適合單身男士！畀個貼士大家，除了配白飯吃，亦可將放過夜的咖喱配烏冬，因為咖喱放久了，味道會變淡，配烏冬吃就剛剛好，又或者用來配多士也別具滋味。以下幾款各有不同味道，就由我跟大家品評一番吧！」
辣到飛起
Oriental 特辣咖喱 $28
果然係超級辣，食一啖舌頭便有麻痺的感覺，飲咗成杯水啊！難得是辣得來沒有搶過咖喱的香味，如果追求吃辣咖喱的話，這是最佳選擇！
best match多士
小童版
即食果汁咖喱 $28
食得出香甜的芒果及蘋果味，好似我細個時食咖喱的味道！這種口味甜咖喱風味非常適合小朋友及女生。
best match烏冬
海鮮味突出
襟裳番屋即食三文魚咖喱 $42
選用北海道產的三文魚，再加入鮭醬油調味，所以三文魚的味道十分濃郁，反而咖喱味比較淡。
best match多士
Ichiban NO.1
浪花牛筋黑咖喱 $36
用墨魚汁混成黑咖喱，但沒有過分濃烈的墨魚味，反而襯托出牛筋的香味，令牛筋與咖喱混為一體，有一試難忘的感覺啊！
best match白飯
老字號
函館中辣咖喱 $46
是創立於明治 12 年的品牌，此品牌有豚肉、海鮮等不同口味，不過咖喱的味道比較清淡，配麵食比較合適。
best match烏冬
內附雞蛋
即食牛肉咖喱 $33
牛肉味與咖喱味十分平衡，屬於中等辣度，還附有煎蛋一隻，懶人至愛啊！
best match白飯
Secret Tips
啤酒
如果用咖喱磚煮咖喱，可以加啤酒，有些日本人認為可令蔬菜及肉類更軟腍。
醬料
炸豬扒醬、茄汁、芒果醬等，這些帶甜的口味加到咖喱中，更添層次。
All Curry from city'super（2736 3866）
(原文摘自《U Magazine》文：黃茵、Winnie 圖：Sky、Paul)
