蕃茄薯仔湯食譜｜3步完成蕃茄薯仔豬骨湯 養顏抗氧化功效！

蕃茄薯仔湯｜番茄薯仔湯做法簡單又有營養，只需蕃茄及薯仔即可，加入豬骨更可令湯水更香甜。蕃茄薯仔湯有養顏抗氧化功效，蕃茄有豐富的茄紅素及維他命C，營養又有益。按著簡單蕃茄薯仔湯食譜3步就煲好，內附煲蕃茄薯仔湯小貼士，新手不妨試試啦！

↓點擊圖片放大↓

+17

+16

蕃茄薯仔湯做法：蕃茄薯仔湯要煲幾耐？

想煲出香濃美味的蕃茄薯仔湯，時間掌握是關鍵。一般來說，蕃茄薯仔湯最快煲煮 1 小時即可，簡單快捷。若喜歡蕃茄和薯仔呈偏軟爛的口感，可煲煮至 1.5 小時，薯仔質感會更鬆軟綿密，蕃茄的酸甜亦會更入味。

煲蕃茄薯仔湯小貼士 1. 先炒香蕃茄，味道更香濃

薑片加油炒香，放入已切塊的蕃茄，蕃茄炒至軟身出汁，釋放蕃茄的茄紅素和酸味，之後再加水煲湯，湯底會更酸香濃郁。

煲蕃茄薯仔湯小貼士 2. 挑選偏粉質的薯仔，更粉糯入味

鬆軟偏粉質薯仔比爽口的薯仔更適合用於煲湯，薯仔去皮切塊後可先以清水浸泡10-15分鐘，瀝乾後再煲煮，湯頭會更清澈。

煲蕃茄薯仔湯小貼士 3. 豬骨及肉類先汆水，去除血水腥味

豬骨、雞肉需先汆水處理，去掉血水雜質。煲湯時，待水滾後再加入肉類，可避免湯底變得渾濁。另可加數片薑，以辟除肉類或魚的腥味，並增添香氣。

蕃茄薯仔豬骨湯 做法及步驟：

1. 凍水落薑、紹酒、豬骨，汆水去除血水雜質
   （*切記用冷水，用中小火慢慢加熱至水滾，雜質浮起。）
   ↓點擊圖片放大↓

   

   

   

   +5

   

   +4

   

   

   
2. 蕃茄切塊，薯仔去皮切塊
   
   ↓點擊圖片放大↓

   

   

   

   +2

   
3. 燒熱鑊爆香薑片及蒜頭，落蕃茄、薯仔、豬骨及熱水，煲約1小時即成
   
   ↓點擊圖片放大↓

   

   

   

   +7

   

   +6

   

   

   

   

   

完成了！番茄薯仔湯好開胃，加入西施骨更香甜，而且只需要一小時就煲好，做法簡單快手，一於在悶熱的夏天煲來飲，補充水分啦！

↓點擊圖片放大↓

+6

+5

蕃茄薯仔湯有什麼營養？

蕃茄薯仔湯是常見的家常湯水，富含多種對人體有益的營養素，是老少皆宜的美味湯水之選。蕃茄含有豐富的茄紅素和維生素C，具增強免疫力、抗氧化功效，有助延緩衰老。另一主角配料薯仔則富含碳水化合物、膳食纖維、鉀質和維生素B6，能補充身體所需能量、促進腸道蠕動及改善便秘、幫助平衡體內鈉含量，還能消除水腫。

蕃茄薯仔湯卡路里高嗎？

每碗約250毫升的蕃茄薯仔湯熱量約150-170卡路里（不包括湯渣），若加入瘦肉等配料，熱量會相應增加，減肥人士建議可少吃湯渣，以減低身體攝取的卡路里。