藝人阮小儀（小儀）識食就係人都知，講到煮野食都一樣難佢唔到！今次小儀獲邀參與「SEAFOOD LOVES SAKE.」活動，親自教大家點樣pair up海鮮配清酒，透過清酒將海鮮鮮味再度提升，想知小儀呢個咁正嘅鮮味食譜，就要拉落去睇啦～
小儀特別透露，雖然以下呢兩款港式小炒好多人都識、又易整，但精粹在於點樣去揀清酒，要知道港人都係日本控，亦經常飲清酒，但一般只會喺食日本料理時先會飲。所以今次小儀將「日本清酒X港式小炒」咁新鮮組合連繫起來，實在令人流晒口水！
超惹味香口薑蔥炒蟹 配真澄潻黑KURO 純米吟釀/玉乃光 純米大吟釀 備前雄町
清酒可以抑制海鮮腥味，保留口中鮮味，令海鮮更齒頰留香。而每款唔同口味海鮮都有其高配合度嘅清酒去配餐。以重鮮味同濃郁為特徵嘅醇酒，最啱就係配搭返同樣濃厚風味嘅港式料理，就好似係薑蔥炒蟹，你可以挑選真澄潻黑KURO 純米吟釀同埋玉乃光 純米大吟釀 備前雄町等嘅醇酒去配搭，兩款「重口味」拼湊一齊，估唔到可以帶出咁平衡嘅味道！
（食譜）
(2-3人分)
花蟹 1隻(約14両至1斤)
薑(切片) 100克
蔥(切段) 150克
乾蔥粒、蒜蓉 20克
調味料
蠔油 1湯匙
雞粉 1茶匙
糖 半茶匙
生粉 適量
生抽 1茶匙
雞湯或清水 200毫升
做法：
1. 先下油爆香薑片至有焦香味，撈起備用，跟著再炒蔥白，炒到差不多時，便放埋蔥尾綠色部分一齊炒香，同樣撈起備用。
2. 用少許生粉略撈勻蟹件，然後燒熱油慢火煎，稍後再放埋蟹蓋入鍋煎，以細火煎，像煎麵底一樣。
3. 蟹件煎到約四成熟，先撈起備用。
4. 跟著爆香乾蔥粒和蒜蓉，然後放入蟹件，灒酒，落雞湯或水。
5. 用適量蠔油、雞粉、糖調味，冚蓋兩分半至三分鐘左右。
6. 這時放入薑蔥同炒，加入兩、三滴生抽，吊出蟹肉鮮味。
7. 最後加少許生粉水同炒，炒至蟹件乾身便成
超鮮甜可口蒜蓉粉絲蒸扇貝 配楯野川 清流 純米大吟釀/ 真野鶴純米吟釀
而以香同味都係簡單爽快嘅爽酒，本身酒味非常百搭，最啱配搭較淡身同以鮮甜原味食材為主嘅料理，如蒜蓉粉絲蒸扇貝，可將當中細膩又柔甜嘅味道再提升。爽酒一般包括Sparkling系、本釀造酒系、生酒系等，當中推介楯野川 清流 純米大吟釀同埋真野鶴純米吟釀去做呢款配搭。
（食譜）
(2-3人分)
扇貝 6隻
粉絲 一札
調味料
蒜頭 4粒
指天椒 一隻
生抽 4湯匙
米酒 2湯匙
麻油 1湯匙
糖 1茶匙
鹽 少量
蔥 適量
做法：
1. 先洗淨扇貝，去除內臟，放於碟上
2. 切碎蒜頭、指天椒備用
3. 粉絲用清水浸泡約15分鐘至軟身，剪成數段，並把粉絲平放於扇貝上
4. 下油爆炒蒜蓉、指天椒，後加入生抽、米酒、鹽、糖、麻油，煮至杰身，把醬汁盛起
5. 逐一將醬汁倒於扇貝上
6. 以大火隔水蒸5-7分鐘至熟透，撒上蔥花即成
早前JFOODO揭曉咗以飲食業界為對象嘅「日本清酒與廣東海鮮菜」問卷調查結果，揭示「清酒與海鮮」嘅配搭將會成為香港的最新飲食趨勢！所以，噚日小儀聯同U Magazine齊齊搞咗個「線上烹飪教室」，教大家煮食同時仲有清酒師Ivan解說每一款清酒嘅特點、點去配搭海鮮、同用咩酒器去盛載等等，唔講唔知，原來揀清酒都有咁多學問，未睇嘅朋友可以按以下鏈結重溫。
另外，由即日起至12月22日，及2021年1月5日至18日期間，「SEAFOOD LOVES SAKE.」分別於AEON百貨（黃埔分店、康怡花園分店）及一田百貨（葵芳分店、元朗分店）設置專賣區，推出海產食材與日本清酒嘅特別推廣，俾大家可以喺屋企親自炮製同清酒相配嘅海鮮料理。屆時亦有專業清酒師即場講解兩者如何配搭。而購買特選海鮮及指定清酒嘅頭200名客人更可獲贈精緻清酒袋乙個，記得要留意啦！
唔想自己煮嘅朋友如果都想一試兩種鮮味配搭，就可以留意Uber Eats聯同六所高級中式食府推出嘅十多款「SEAFOOD LOVES SAKE.」特別配搭菜單，由即日起至1月5日*，足不出戶都可以細味品嚐日本清酒同廣東海鮮！
*部份合作餐廳有可能提早結束活動菜單
想了解更多「SEAFOOD LOVES SAKE.」活動詳情：
官方網址：https://sake-jfoodo.jetro.go.jp/hongkong/cantonese/main.html
官方Facebook專頁：https://www.facebook.com/seafoodlovessake/
資料由客戶提供
