甜品控注意！小編最近發現MUJI無印良品推出了多款全新夏日甜品，當中口味包括士多啤梨味乳酪雪葩、瀨戶檸檬味乳酪雪葩、抹茶紅豆沙冰、焙茶紅豆沙冰、荔枝椰果蒟蒻飲品、吱吱裝即食啫喱及百香果檸檬果凍等。士多啤梨味及瀨戶檸檬味乳酪雪葩現時更有優惠價$12 (原價$18)，想試的朋友快點入手啦！一齊睇睇食後感+口味推介~
乳酪雪葩
瀨戶檸檬味乳酪雪葩 $12 (原價$18)
食用前需放入冰箱冷凍6小時，食落口感清爽，入面還有一些啫喱，多重口感。整體味道偏酸，不會太甜，喜歡偏酸的朋友可以試試。
↓點擊圖片放大↓
士多啤梨味乳酪雪葩 $12 (原價$18)
選用日本福岡縣甜王士多啤梨，味道酸酸甜甜，清新開胃，入面同樣有一些啫喱，夏日解暑必試！
↓點擊圖片放大↓
抹茶紅豆沙冰 $12
食用前需放入冰箱冷凍，抹茶味幾香濃，入面還有粒粒紅豆，抹茶控必試！
↓點擊圖片放大↓
焙茶紅豆沙冰 $12
雖然焙茶味吱出來的賣相不討好，但食落充滿焙茶焦香，入面同樣還有粒粒紅豆，口感豐富。
↓點擊圖片放大↓
吱吱裝即食啫喱 (4款)
白桃啫喱 $18
味道香甜清新，啫喱口感順滑。
蘋果啫喱 $18
青森蘋果味好清香好突出，不會像一般蘋果啫喱或蘋果汁的太死甜。
芒果沙棘啫喱 $18
味道偏酸，沙棘味道略嫌蓋過芒果味，不太食得出芒果味。
伊予柑啫喱 $18
啫喱質地順滑，充滿酸甜清香的柑橘味。
百香果及檸檬果凍 $20
果凍是台灣產的，包裝配色好像百潔布的配色，口感是軟嫩順滑的愛玉，有別於平時超市買到的蒟蒻果凍。兩款口味的果凍都係偏酸的，檸檬味更帶有陣陣清新青檸香。
↓點擊圖片放大↓
荔枝椰果蒟蒻飲品 $15
荔枝味香甜，入面還有啫喱和椰果粒，多重口感。
(*小編於MUJI皇室堡分店買到的)
MUJI夏日新品
MUJI分店地址：https://www.muji.com/storelocator/?c=hk
<<提醒各位購買前留意訂購平台的使用條款及細則，一切以訂購平台及餐廳公佈的價錢為準。數量有限，售完即止；所有優惠細則更新至文章發佈日期，訂購平台及餐廳保留更改優惠權利，U Lifestyle 概不負責。>>
