text│Sakura photo│權
這幾年，多了不同主題的 food court，但主題多數落在裝修之上，但 K11 Art Mall 新開的卻有不同，整個場所都以韓菜為主題。美食廣場佔地 5,000 呎，屬中級規模，裝修也貫徹韓國元素。有5間韓國食店進駐，包括百年韓式中華料理恭合春、韓式健康養生粥品店、炸雞店、烤肉專門店及布帳馬車美食店，幾有 gimmick！
【shop 1│過江連鎖炸雞 Nene chicken】
這間港韓都有多間分店的炸雞店進駐這裏，招牌炸雞用上秘製炸粉漿，以韓國空運到港的菜油高溫油炸，雞皮鬆脆。K11店更推出芝海炸雞四重奏，食齊4款口味之餘，仲可以蘸上熱融芝士，好邪惡！
芝海炸雞四重奏 $248 共 4 款口味，包括原味招牌、白郡主、韓式甜辣和蒜香醬油。
【shop 2│百年炸醬麵店 恭合春】
這間在韓國經營超過100年的炸醬麵店，其中炸醬麵是代表，亦係不少韓劇主角的comfort food。選用韓國直送麵糰製，麵條在現場製作，招牌炸醬麵以春醬（韓式黑豆醬）、豬肉、蔬菜粒等材料炒製。亦供應炸醬炒飯、芥末海鮮雜菜拌粉皮等。
招牌炸醬麵 $88、海鮮炒碼麵湯 加 $18 以韓式黑豆醬「春醬」、豬肉、蔬菜粒等炒製，味道甘甜，做法沿用百年秘方。
涼拌兩張皮 $148、$188 這款其實是芥末海鮮雜菜拌粉皮，拌上特調醬汁，風味十足！
【shop 3│韓國熱炒路邊攤 Jang Pocha】
美食廣場自家品牌，供應韓國布帳馬車菜式，即路邊攤的經典美食，推介鐵板熱炒海陸空，有齊炒豬皮、無骨雞、辣炒小章魚，配上魚糕湯，無得飛韓國，嚟呢度「偽」韓一下也不錯！
鐵板熱炒海陸空配飲品 $198 - $318 有齊炒豬皮、無骨雞、辣炒小章魚，配上魚糕湯，香辣惹味！
秘製滷豬腳 $178 豬腳口感爽彈，濃郁入味！
【shop 4│韓國養生粥 Juk Story】
韓國健康養生品牌，主打粥品、釜飯及韓國料理，推介章魚醃辣白菜粥和莞島鮑魚粥，味道清怡，終於食到唔係橙色的韓國料理！
章魚醃辣白菜粥 $78、莞島鮑魚粥 $88 韓國人視粥品為養生佳品，多以海鮮入饌，所以用料豪華。
【shop 5│靚料韓國燒烤 馬場洞】
這店以招牌濕式熟成烤肉而馳名，招牌是油脂香濃的 1++頂級韓牛，係牛魔王首選，記得選配韓國DAMUN 專上覃恩手工米酒佐食，肉類及飲料都比一般美食廣場級數高檔！
1++ 韓牛套餐 $848 屬最高檔韓牛，濕式熟成，有韓牛肋排肉、韓牛肉眼和韓牛霜降肉 3 個部位，估唔到美食廣場有韓燒食咁高級。
韓生拌牛肉 80g（跟餐） 韓牛套餐內項目，剁碎的韓手，腍滑有𡁻頭，牛味濃郁。
DAMUN 專上覃恩手工米酒 $188 透過發酵生米技術釀製，百分百人手製造，充滿米香。
The Jang
地址：尖沙咀河內道 18 號 K11 Art Mall 1 樓 107 號舖
電話：3797 8839
營業時間：11:30am - 10pm 備註：因應防疫政策，營業時間或有更改
