text│amy photo│kent
齋雞粒這款懷舊「口立濕」，源於從前物質不富裕的年代，那時大家將麵粉加水炸成麵筋，再加入麥芽糖、砂糖等調味模仿雞粒鵝粒做零食，時至今日已買少見少。在超市或少數雜貨店買到的，大都是內地工場機器化生產，不是有朕油溢味，就是口感硬實。難得元朗還有一檔老字號，堅持每天店內新鮮炒製齋雞粒，現做那種鬆化程度絕對不是機器化生產的可媲美。
說的是位於元朗又新街的冠環球，這老字號有肉乾大王的美譽，自家製的肉乾早已賣到街知巷聞，原來店子自家製的齋雞粒、花生糖及薑糖都好受歡迎，當中齋雞粒更創下過日賣數百磅的紀錄，好厲害！
第三代負責人 Ben 表示，「而家已無人會好似我哋咁現炒現賣齋雞粒㗎喇！做法唔難，但好花工夫，又賣得唔貴！」的確，齋雞粒的用料及做法都不複雜，食材只有炸麵筋、麥芽糖、砂糖、水及咖喱粉，但就要有心機先做得好。
Ben 說炸麵筋要選本地製作的，大小要均勻，口感要鬆脆，有靚麵筋後就可以煮糖水，水煮滾後加入麥芽糖、砂糖及咖喱粉煮約30 分鐘至成為濃稠的糖漿，過程中不能心急用大火，否則糖漿會易燶，之後加入炸麵筋炒時既要令麵筋均勻蘸上糖漿又要夠快手，因為糖漿會愈炒愈黏，少點臂力都做不到。而由於是人手炒製，店子每次只會炒十磅左右，賣完再炒，每日炒足十多次，夠哂新鮮。
齋雞粒炒好攤涼後就可即磅即賣，新鮮炒好的齋雞粒口感超鬆脆，同時沾在上面的糖漿又帶點煙韌及輕微拉絲的效果，食落甜甜的又帶輕淡的辣，惹味得令人停不了口。除了招牌原味，近年竟還多了麻辣及周末限定的鹹蛋黃味等選擇，估唔到這款懷舊小食都咁跟得上潮流，難怪近年除了一眾街坊，還多了不少區外人山長水遠專程來捧場。
原味齋雞粒 $80 磅
口感鬆脆令人食唔停口，最重要係無油溢味，是元朗名物之一。
麻辣齋雞粒 $80 磅
原味齋雞粒加上由辣椒粉、花椒粉等自家調的麻辣粉，食落辣中帶麻，嗜辣者實鍾意。
原味齋雞粒 $80 磅
口感鬆脆又帶點煙韌，香甜中又有非常輕淡的咖喱辛香，令人食唔停口，最重要係無油溢味。
糖漿熄火後會愈炒越黏，所以落炸麵筋後要快手兜勻，同時又要確保麵筋均勻蘸上糖漿，少點臂力都做不到。糖漿煲至稠杰度適中後，便可倒入炸麵筋。煮滾水後再加入砂糖、麥芽糖及咖喱粉煮約半小時至稠身的糖漿，過程中不能貪快開大火，否則很易燶。齋雞粒炒好後要先攤平放涼，口感才會更鬆脆。齋雞粒選用本地新鮮製作的炸麵筋做，大小、色澤均勻，脆口又無油溢味。
【info】
冠環球
地址：元朗大馬路 34E 號任安樓地下
電話：2944 6208
營業時間：星期日至五 10am-9pm，星期六 10am-10pm
