text│Sakura photo│Kee
位於梅窩泳灘附近的咖啡店由外國人經營的，整幢都是純白色，樓底高空間闊落，放滿小盆栽、針織手作擺設，有點殖民時代會所的感覺，非常 ig-able。店家仲非常歡迎毛孩嚟湊熱鬧，周末不妨帶狗狗來歎世界。
店子提供輕食為主，選用本地食材，好似坊間比較少見的燒茄子奄列，以本地茄子炮製出一款摩洛哥風味美食，將原條茄子連皮以辣椒粉、孜然粉、蒜等燒至金黃色，再用奄列蛋包着，淋上番茄醬和加上芫茜就完成，食落味道香惹，口感得意，配上酸種麵包，食法帶異國風情！
Tea time 來可以試下店家自家製英式鬆餅和蛋糕。鬆餅即叫即焗，外層金黃外脆內鬆軟，富牛油香，塗上士多啤梨果醬及忌廉，酸甜有致。蛋糕每日都有不同款式，當天就有蘋果肉桂芝士蛋糕，芝士味濃，面層是木糠，中間就夾着粒粒肉桂蘋果肉，味道爽甜。大家亦可以選擇 take away 咖啡美食到銀礦灣泳灘享用，吹住海風野餐，喺香港度假也可以好優質。
Bonus Point
梅窩熟食中心+銀礦灣沙灘
梅窩碼頭附近有熟食中心，幾間餐廳都可望到銀礦灣海景。下午歎完cafe，晚上可以吃埋海鮮才走。
【info】
Pause cafe
地址：大嶼山梅窩涌口街 21 號地舖
電話：2383 3362
營業時間：星期二至日9am - 6pm，逢星期一休息
交通：中環6號碼頭（船程約35-50mins）東涌巴士站→3M巴士（車程約45mins）
