精選6間人氣茶樓推介　飲茶必食創意點心／點心放題／懷舊點心

MungYu

中式料理

家樂坊

百年老號翻生 | 推車仔點心食出舊香港嘅真味！

時光倒流一百年——花碼價錢牌､阿姐推住蒸氣騰騰嘅點心車穿插枱間,仲有伯伯拎住壺人蔘烏龍｡呢家酒家1909年開業,始於清末｢茶樓王｣譚晴波,曾經係中環威靈頓街傳奇,後來變身蓮香樓,而家竟然逆市翻生!最近喺旺角重開,懷舊裝修滿滿復古vibes,似足80年代茶樓嘅熱鬧場景!試業期間已經人山人海,等位都要有心理準備,我試完只能講:｢懷舊唔係噱頭,係真.手功較飛｣｡ 小菜試咗清蒸忘不了魚,馬來西亞河魚王,食風車果大所以帶果香｡魚肉蒸得剛熟清蒸╴果香撲鼻,魚肉嫩滑帶甜,入口真係有陣似蜜瓜嘅清甜!不過魚刺多,要慢慢食,試過真係｢忘不了｣~ 燒味師傅係前都爹利會館猛人,蜜汁叉燒絕對要encore!半肥瘦梅頭,燶邊蜜糖脆殼,肉質鬆化到似食緊和牛,仲有陣淡淡炭香｡旁邊懷舊金錢雞(雞肝+冰肉+叉燒三層疊)邪惡到爆,肝香豐腴,舊式酒樓先肯花工夫整｡ 見阿姐推住車仔大叫｢蝦餃燒賣~｣｡點心全人手製,無預製貨｡鮮豬膶燒賣係神級懷舊貨,豬膶厚切唔韌,燒賣肉餡混咗少少馬蹄,爽口得嚟唔油膩;冰花雞蛋球(即沙翁)外脆內軟,砂糖咬落喀嚓聲,係小學旅行食到嘅版本!不過蝦餃皮略厚,負責人話老師傅堅持用傳統竹壓皮,唔用機製薄皮,｢舊時就係咁㗎啦｣｡嗯,情懷搭救~ 但晚市點心一律$42,後生仔可能會覺得貴｡負責人Eric話:｢請返嚟嘅老師傅全部60+,佢哋肯出山,就係唔想手藝失傳｡｣聽到呢句,突然覺得碟叉燒沉重咗｡ 總結:值得幫襯嗎? 如果你追求高效率打卡呃like,呢度未必啱你,忙起上嚟仲會漏單;但想體驗真正港式酒樓文化,睇住阿姐推車仔､飲啖濃茶食件馬拉糕,呢度係時光機｡成間酒家100%香港製造,師傅同姐姐嘅熱情同手藝,係香港飲食文化嘅活化石!環境同服務滿分,人均$200-400,性價比高｡ 呢家酒家,唔只係賣點心,仲係賣情懷,唔只係一餐飯,係一場時光旅行｡｢傳統同生存點平衡?｣呢家用行動答:寧願慢,都要真｡離場時望住點心車上最後一籠糯米雞,心諗:但願呢架車,唔會咁快走到終點｡ 留言區有地址及餐單 #懷舊茶樓#旺角美食#點心#中菜餐廳#打造完美髮型#甜品控集合吧#我要食蛋糕#以油養膚締造水光肌#請您食月餅#打卡美食#UCreator#美食推介#香港美食#九龍美食#旅行美食

E’s Travelogue

打卡熱點

襟江酒家

懷舊點心車🤤！飲茶回憶返晒嚟！🍵

有點心車嘅酒樓你又見過未? 今次去咗呢間懷舊感十足嘅酒樓飲茶. 令我諗起細個同屋企人去飲茶嘅時光. . 飲住杯茶, 睇定想食咩先. 雖然餐牌上面有好多款食物, 但唔係全部都有得叫. 要睇吓點心車有冇先得. 我覺得有啲似開盲盒咁. . 第一轉我拎咗三籠點心同一碟腸粉. . 蟹籽燒賣皇 (HK$32-大點) 依款係切肉燒賣嚟. 有蝦係入面㗎. 食落口感唔會好硬好實咁. . 錦繡牛肉球 (HK$28-中點) 口感彈牙. . 蠔皇鮮竹卷 (HK$28-中點) 好多汁. 襯熱食好好食. . 蜜味叉燒腸 (HK$28-中點) 腸粉好滑. . 除咗點心車嘅點心, 仲有期間限定小食. 啲姐姐會捧住一盤食物問你有冇興趣. . 蝦多士 (HK$58 - 廚部小食) 蝦好大隻. 多士好酥化, 唔油膩. . 酥炸魷魚鬚(HK$58 - 廚部小食) 魷魚鬚好大條. 唔會好厚粉. . 見到煎糕嘅餐車經過. 即刻去睇吓有咩食. 可惜得返兩款食物. . 虎皮尖椒(HK$32-大點) 辣椒有少少辣, 都幾好食. . 香煎芋頭糕(HK$32-大點) 實實淨, 勁多芋頭. . 第二轉拎咗兩款點心. . 懷舊灌湯餃(HK$48-優點) 灌湯餃一定要趁熱食. . 四寶滑雞札 (HK$42-頂點) 雞扎好多料. . 我錯過咗架糖水車啊! 不過俾我遇到依個布甸. . 蓮蓉西米焗布甸 (HK$35-特點) 唔係好甜. 蓮蓉比例啱啱好, 食完唔會好滯. 西米有少少彈牙. 熱辣辣食好正. 依個一定要試! . 整體嚟講, 呢間酒樓點心質素唔錯, 有得同點心車姐姐互動係一個有趣嘅體驗嚟. 星期六日食客都幾多, 如果驚多人, 建議平日嚟飲茶會好啲. . 🍴襟江酒家🍴 旺角登打士街56號家樂坊8樓801號舖 #UCreator#打卡美食#好去處#chill#全新景點#打卡#懷舊酒樓#旺角飲茶#點心車#隱世打卡點

Polly Pang

港式美食

得閒飲茶 (太子店)

飲茶

☸️寶石媽媽美食好介紹☸️ 寶石媽媽一直都愛去酒樓飲茶架,但寶石媽媽唔鍾意一早飲,因為一早飲茶太飽了｡ 所以今次介紹全日都有得一盅兩件既好地方｡ 得閒飲茶 Let’s yum cha 有好幾間分店,我最鍾意去太子分店,好近太子港鐵站,鐘意幾時去去得! 今次約了三五知己一齊去,因為咁樣先食得多款式呀｡ 得閒飲茶 Let’s yum cha主打傳統和特色創意點心,所有點心即叫即蒸,用心製作,點心價錢又平民化｡老闆曾擔任大酒樓的點心部總廚,30多年做點心經驗｡曾參加香港旅遊發局主辦的比賽｢2011美食之最大賞｣﹣榮獲至高榮譽金獎､甜品創意大獎､蝦餃之王美譽｡ 蝦餃係一定要叫的點心,這是飲茶的規矩,亦係對飲茶的專重｡ 之後要叫返個蟲草花魚翅灌湯餃好好懷念以前,當爸爸媽媽叫得灌湯餃,一定係有好事發生了｡ 醬皇蒸鳳爪,山竹牛肉球係媽媽至愛,而我最愛的是鳳爪汁同牛肉球的喼汁｡ 黑金流沙包絕對係一款武器,因為熱辣辣貪快食,一定會焫親架,就算放凍左都係好好味,但真係要小心,流心包好流好容易滴到衫架｡ 春風得意腸係香脆可口｡ 鍋巴什果沙律絕對係童年滋味｡ 千島醬脆皮蘿蔔糕係大推,因為我好愛佢個種外脆內軟既口味,配左千島醬既香甜,我一個可以食一碟囉｡ 最後叫左蒜蓉蒸蝦飯,用蒸籠蒸,真係乾爽而且蝦味入晒啲飯入面｡正! 原來最近大眾點評頒發必吃榜榮譽,Yahoo Food ,多間港媒,大陸媒體都有採訪蝦餃之王｡ 如果飲茶飲到悶悶地,想食不一樣的點心,就真係要去得閒飲茶試試啦! ✳️得閒飲茶 Let’s yum cha ✳️ ✳️香港太子運動場道7B號地舖✳️ #太子#太子美食#食好西#美食#聚會#foodie#高質 #香港美食 #pollywings_foods #香港探店#香港必食#吃吃喝喝的日常#美食日常#香港美食#香港旅遊攻略 #飲茶#點心#一盅兩件#燉湯#腸粉#流心包#叉燒包#蝦餃#燒賣