鍾意食榴槤的朋友要留意喇！來到夏日，不少餐廳、零食食品都會推出榴槤口味的甜品、小食，榴槤撻、榴槤雪條，但榴槤酒你又試過未？最近有新加坡公司研發了一款榴槤酒，採用極品貓山王，配上威士忌，各位榴槤控一定要試試～
上月有新加坡品牌The Durian Whisky推出榴槤酒，100%使用貓山王果肉釀造，再加入威士忌以獨家專利的發酵技術製造。一支260毫升售價為SGD$98(約港幣$562)，700毫升SGD$198(約港幣$1136)。
這款榴槤酒的酒精濃度(18%)比一般的威士忌低，試過的網民都表示喝起來濃郁creamy，似帶酒味的榴槤奶昔，想飲的朋友就可能要叫新加坡的朋友代購喇！
資料及圖片來源：The Durian Whisky
