鍾意食香蕉的朋友要留意！平時只係會見到熟透的黃色香蕉及未熟的綠色香蕉，又或者有些人會見過紅色香蕉，但藍色香蕉你又見過未？最近歐美地區流行一種夢幻藍色香蕉，味道口感都似足雪糕，被譽為蕉界Häagen-Dazs！
夏天食蜜瓜、桃？原來已經out！最近網絡上面就瘋傳一款藍色香蕉，在歐美極受歡迎。呢隻名為Blue Java Banana的香蕉其實來自東南亞地區，有「雪糕香蕉」(Ice Cream Banana)之稱，原來因為食過的人都形容其味道似雪糕。
藍香蕉屬天然非基因改造的水果，未熟前有著夢幻的藍色，熟透後會變黃，果肉與普通香蕉一樣呈奶白色，不過口感就特別creamy，而且香味極濃，味道及口感都似雲呢嗱雪糕。
不過呢款藍色香蕉香港就暫時未有，想食的朋友就可能要到外國旅行時留意下喇！
資料及圖片來源：NovoTaste、Fast Growing Trees.com
