想必大家一定有食過街頭小食的雞蛋仔，但除了原味，仲有好多特別口味都好好食！近日「恒發雞蛋仔」新推出兩款秋冬限定鹹口味雞蛋仔，仲有街坊人氣之選的鮮榴槤夾心及芋頭泥夾心雞蛋仔，款款都真材實料，超多餡！
店主每天都會購買新鮮金枕頭及貓山王，逐粒拆下榴槤果肉，整成果蓉做餡，真材實料！
新鮮榴槤夾心雞蛋仔（$38）及貓山王雞蛋仔（$50），粒粒雞蛋仔都食到榴槤果蓉，榴槤味濃郁！
芋頭泥夾心雞蛋仔（$25），啖啖都食到芋泥，口感香滑。
踏入秋天，老闆娘近日特別新研發兩款秋冬限定鹹香口味！
臘腸芝士雞蛋仔（$35），用臘腸及潤腸加上芝士，味道好夾，陣陣鹹香味～
「百感交集」雞蛋仔（$30）有明太子、粟米、五香肉丁、蟹柳絲等及特製辣醬，小小辣，幾惹味～
恒發雞蛋仔
地址：九龍城衙前圍道64號曉逸軒地下1號舖
營業時間：星期一至日 11am - 11pm
