北上食麥記竟貴過香港!港人大呻$63魚柳包餐「唔合理」 1文睇清2026全球巨無霸價格差距

週末約埋親友北上係唔少港人的指定動作,但原來北上物價可能會嚇你一跳!有港男日前在深圳羅湖口岸麥當勞點選一個普通雙層魚柳包套餐,結帳時竟發現價格貴過香港,大呻「唔合理」!翻查《經濟學人》最新公布的 2026 年《巨無霸指數》,中國內地的麥當勞定價確實遠高於亞洲幾個國家!

羅湖麥當勞套餐逾$60 事主大感意外

有名網民日前於連登討論區發文,表示自己相隔兩三年再次前往內地,期間因考慮到飲食衞生,決定光顧深圳羅湖口岸的麥當勞。他點選了一份包含雙層魚柳包、中薯條及中可樂的套餐,結帳時發現金額高達$53元人民幣(折合逾$63港元)。事主對此表示不解,指出「明明舖租同人工都最平,點解可以貴咁多? 定係羅湖而家變咗好似香港機場咁? 淨係佢先咁貴」?

《巨無霸指數》揭內地快餐定價超港日

若從國際快餐價格作比較,相關感受亦並非全無根據。根據《經濟學人》公布的《巨無霸指數2026》(Big Mac Index 2026),在統計的全球52個地區中,中國內地的巨無霸單點定價折合約為3.66美元。該價格不僅高於位列全球最便宜第7位的日本(3.03美元)及第9位的香港(3.21美元),更接近南韓(3.74美元)的水平。

以下為《巨無霸指數2026》中定價最高與最低的前10名地區(以美元計算):

排名 全球十大最貴地區 價格(美元) 全球十大最平地區 價格(美元)
1 瑞士 $9.08 台灣 $2.47
2 烏拉圭 $8.76 印度 $2.51
3 挪威 $7.52 印尼 $2.52
4 瑞典 $7.26 埃及 $2.65
5 丹麥 $7.14 菲律賓 $2.84
6 英國 $7.08 越南 $2.89
7 歐元區 $7.05 日本 $3.03
8 以色列 $6.36 烏克蘭 $3.19
9 波蘭 $6.25 香港 $3.21
10 哥倫比亞 $6.21 南非 $3.36

 

網民嘆北上物價今非昔比

帖文發布後隨即引起網民熱議,不少熟悉內地消費生態的網民指出,交通樞紐分店的定價向來較市區高昂,直言「火車站店係貴過出面又用唔到團購券」,亦有人反駁事主對租金的看法,指出「邊個同你講羅湖租平」,並解釋「車站附近人流咁高,一定貴,近年北上人流升咗咁多,業主都係貪婪」。此外,大批網民對深圳近年物價上漲深有同感,紛紛留言指「而家深圳消費貴過香港啦」,更有人感嘆「個個想當年,你去深圳大商場睇吓食一餐幾錢先講」,認為隨著內地商場及口岸消費水平大幅提升,現時留港消費反而更具性價比。

▼網民帖文+留言▼

 

資料及圖片來源:LIHKG、Bigmacindex.App、CANVA

有港人在深圳羅湖口岸麥當勞購買雙層魚柳包套餐,價格高達人民幣53元(逾63港元),比香港同類套餐更貴。有網民指出,交通樞紐分店定價向來較高,且近年內地商場及口岸消費水平已大幅提升。

根據《經濟學人》2026年《巨無霸指數》,中國內地的巨無霸單點定價折合約3.66美元,高於日本(3.03美元)及香港(3.21美元),接近南韓(3.74美元)的水平。

↓【限時搶⚡】蘇三甜蜜黑芝麻芒果冰蘇↓

↓果香撞芝麻香↓


↓【Chill賞芝麻祭🎁】送您驚喜黑芝麻獎賞✨↓

↓ 一連5星期!約定您一齊捕捉限時搶‼️↓

more