又到食大閘蟹蟹粉的季節!上海姥姥推出全新秋季限定蟹粉系列,現正進行限時7折優惠。多款精選蟹粉菜式由大廚精心設計,選用甘香金黃的蟹粉,配上本幫烹調技藝,讓各位吃貨以超值價錢品嚐時令鮮味。優惠於全線上海姥姥及筵・上海姥姥分店同步上架,即睇必食推介!
上海姥姥蟹粉系列限時7折優惠
上海姥姥由即日起推出秋季限定蟹粉系列,所有蟹粉菜式均可享有7折優惠。大廚精選甘香金黃的時令蟹粉,融入多款精緻本幫菜式中,非常適合約埋親朋好友一齊分享,感受濃郁的秋日鮮味。
精選人氣蟹粉菜式推介
今次蟹粉系列中,特別推介兩款必試菜式。首先是鐵板蟹粉脆豆腐,熱辣辣的鐵板呈上外脆內嫩的豆腐,再淋上金黃色的蟹粉,上枱時發出滋滋聲響,蟹油香氣撲鼻,口感層次豐富。另一款是黑金蟹粉蝦多士,金黃酥脆的蝦多士,配上濃郁的蟹粉與矜貴的黑松露,味道非常契合,極具賣相與奢華感。
是次秋季限定蟹粉系列7折優惠適用於全線上海姥姥及筵・上海姥姥分店。優惠為限時供應,售完即止。想趁秋天品嚐最肥美的蟹粉,記得把握機會約朋友一齊去歎喇!
來源:上海姥姥 Shanghai Lao Lao
<<提醒大家,優惠及價錢以官方或門市最新公佈為準。數量有限,售完即止;所有優惠細則更新至發佈日期,U Food 概不負責。>>
飲食熱話
-
尖沙咀中菜館$598八道菜蟹宴 專人拆蟹服務!六両大閘蟹/蟹粉魚翅/花膠/蟹粉小籠包
踏入蟹季,尖沙咀精緻上海淮揚菜餐廳「个園竹語」推出全新升級版「六両大閘蟹.珍饈八味金秋宴」(優惠價$598/位;兩位起),以八道匠心菜式呈現大閘蟹的極致鮮美,嚴選⾜六両江蘇大閘蟹公蟹,更會有專人拆蟹服務,食得更輕鬆~ 套餐由四道精緻前菜揭開序幕,「糟香醉鮑魚」、「上海蔥油海蜇絲」、「糖醋小排骨」、「煙燻溏心蛋」,份量精緻開胃。「个園現拆蟹粉燴魚翅」以每日現拆蟹黃蟹肉,加入以老雞、火腿等燉製長達6小時的鮮雞湯,再配以魚翅慢火煨制入味。主角大閘蟹蟹公蟹膏豐腴,更有不少白膏,不過尾韻略帶微甘。 其他菜式「私宴海派燻魚配芋餅」靈感來自上海本幫燻魚,秘製醬汁醇厚酸甜,魚肉外酥內軟,底層的芋餅以外有驚喜,芋香十足而且口感略帶煙韌。另外「揚州蘿蔔扣花膠」及「蟹粉小籠包」水準都不俗。个園竹語「六両大閘蟹.珍饈八味金秋宴」共設八道菜式,每位港幣$598,兩位起,供應期由9月29日起,建議提早一日預訂。 个園⽵語 地址:九龍尖沙咀廣東道25號海港城港威商場3樓3202號舖 電話:2116 8328 WhatsApp:9858 9099 營業時間:星期⼀至星期⽇ 11:30am - 4:30pm ; 6:00pm - 10:30pm
閱讀更多
-
堅信號:秋天限定蟹粉宴,金箔小籠包鮮味爆汁
香港人氣上海菜品牌「堅信號」,以招牌生煎包起家,今次來到屯門時代廣場店,屯門地鐵站及巴士站行過去好方便。 秋天推出「流金蟹粉」系列,價錢雖然貴少少,不過作為蟹迷都覺得這值! 蟹粉饅頭脆片系成餐最得意嘅前菜。饅頭切半炸到金黃脆卜卜,上面鋪滿橙黃色蟹粉,一啖咬落去脆同鮮夾埋一齊,好過癮。 金箔蟹粉小籠包系焦點,小籠包頂層綴咗一小片金箔,賣相高級咗,透薄外皮包住金黃色湯汁,一咬開肉汁湧出嚟,蟹香濃郁得嚟唔會腥。小籠包皮比較薄易穿,食嘅時候要小心啲。 蟹粉薺菜炒年糕,年糕煙煙韌韌,掛滿蟹粉醬汁,薺菜清香與蟹粉中和,食完都唔覺太膩。 本來諗住嚟食個生煎包醫肚,見到有蟹粉限定就試吓,金箔小籠包真系有驚喜,蟹味好鮮。蟹粉饅頭脆片脆口得嚟幾特別,年糕就最有飽足感,近排經過堅信號,可以一試。 {{hket:campaign display="自助餐回本攻略"}}{{/hket:campaign}}#打卡美食#香港美食#小籠包#hkfoodie
閱讀更多
-
🏮十里洋場煙花地,風雲際會上海灘
十里洋場(銅鑼灣)|金秋大閘蟹饗宴🦀 🏮「十里洋場煙花地,風雲際會上海灘」,餐廳以此為底蘊,將老上海嘅奢華同傳奇重現喺餐桌。裝潢用復古月門、琉璃光影同絲絨雅座,營造懷舊氛圍,再加入現代簡約線條,古今交融。呢間主打淮揚菜,屬中國四大菜系之一,由擁有三十餘年經驗、專研上海菜嘅行政主廚掌勺,炮製道地淮揚風味,今次同朋友過嚟食依個金秋大閘蟹饗宴🤩 金秋大閘蟹饗宴🦀套餐原價$1080一位,登記做會員就有買一送一優惠✨成套菜單由前菜、湯品、主菜、多款蟹粉菜式、炒飯去到甜品都包齊,一次過用唔同做法品嘗蟹味,安排好有心思。 首先係淮陽四小品✨拼盤入面有油爆高郵河蝦、興化豬面頰、蓑衣黃瓜、拌紅蜇海蜇頭同女兒紅醉雞。高郵河蝦鮮甜彈牙;女兒紅醉雞酒香溫潤唔嗆口;海蜇同蓑衣黃瓜清爽脆口,先行打開胃口,為後面濃味蟹菜做好準備。 跟住係十里蟹皇竹笙翅✨湯底蟹香醇厚,竹笙吸盡鮮湯,口感滑溜滋潤,濃而不膩,暖笠笠飲落非常舒服。 套餐主角**清蒸大閘蟹(六両)**✨絕對係今餐最大驚喜!簡單清蒸先可以原汁原味,六両大閘蟹份量夠曬,拆開殼滿滿蟹膏,蟹膏超甘香,暫時係我食過最好味嘅一間,質感綿密幼滑,鮮香滲出。 之後有四點筋紅炆鮑魚✨四點筋就係豬腳,炆得軟腍入味,入口幾乎唔使咬,膠質滿滿;旁邊配埋鮑魚厚身彈牙,成碟裹住濃稠鮑汁,油潤香濃,配埋小棠菜剛好平衡。 兩款蟹粉菜式:蟹粉芙蓉帶子蟹斗同蟹粉百合青瓜苗✨一濃一清好平衡。蟹斗入面蟹粉份量十足,芙蓉蛋滑嫩;百合青瓜苗清新爽口,剛好中和蟹粉嘅油潤感,唔會一路食落好滯。 蟹粉揚州炒飯✨飯粒乾身分明,每粒飯都均勻沾到蟹粉香,蟹香突出但唔會蓋過飯香,油份控制得唔錯,係成餐入面嘅一大亮點。 甜品係夠薑芝麻湯丸✨食完成餐蟹宴,最適合嚐一碗薑湯芝麻湯丸驅寒。薑味充足但唔會辛辣,湯丸咬開流心芝麻香,作為收尾好完美。 服務員態度有禮,上菜節奏舒服,會適時幫忙換碟。兩個人食份量超多。整體套餐濃淡交替,以唔同烹調方式演繹蟹粉同大閘蟹。單單呢隻六両大閘蟹嘅甘香蟹膏,已經令我想回訪,適合鍾意淮揚菜同大閘蟹、想感受老上海氛圍嘅朋友專程過嚟打卡食蟹。依晚餐廳仲有現場音樂表演,歌手獻唱懷舊金曲,加上樂手伴奏,用餐氣氛好有沉浸感。 評分:最高5分 治癒度:👩⚕️👩⚕️👩⚕️👩⚕️👩⚕️ 抵食度:💉💉💉💉💉 翻兜指數:🩺🩺🩺🩺🩺 十里洋場(銅鑼灣) 香港銅鑼灣新寧道1號利園三期B1樓B01-B10號舖 📍港鐵銅鑼灣站F1出口4分鐘路程 #healingbobo#hkfoodie#foodiehk#香港#美食#香港美食#香港必食#香港探店#香港打卡#香港好去處#銅鑼灣#銅鑼灣美食#淮揚菜#大閘蟹#蟹宴#大閘蟹推介#晚餐推介#10Shanghai#十里洋場
閱讀更多