鍾菜館/鍾廚點心優惠｜最平$7起歎手工點心！$9食鮮鮑魚燒賣

cyl1226

香港攻略

尖沙咀$7點心？仲要有海景？平到笑！🥟

最近睇 IG,見到好多人介紹尖沙咀有幾間酒樓竟然有 $7､$8､$9 嘅平價點心!媽媽話依個根本係｢時光倒流 30 年｣嘅價錢呀(30 年前我都仲未出世!😂)~ 我哋今日揀咗其中一間去試!一去到現場門口爆滿 ,最後等咗整整一個鐘先有得入座｡ 裡面 $7､$8､$9 嘅點心各有 5 款,仲有 $88 / 2 隻嘅乳鴿!(特價點心會定期轉款㗎,大家去食可能又唔同~) 我哋嘅戰鬥力超強,一口氣叫咗 14 籠/碟點心,連茶位加一,埋單居然只要 $170 港幣!真心覺得超抵呀~ 不過唔係樣樣都好食,以下依幾款係我同爸爸媽媽一致大推嘅好食名單: 鮮蝦蒸韭菜餃 $7 鮮蝦小棠菜餃 $8 香煎蓮藕餅 $8 (媽媽認為依個最好食~) 鮮鮑魚燒賣 $9 (鮑魚真係彈牙㗎) 大良脆鮮奶卷 $9 (一碟得兩條唔夠分,所以叫左兩碟) 金湯素翅灌湯餃 $9 羅漢齋素腸粉 $9 (出奇地竟然係好食,不過唔食芫荽嘅就唔岩啦) 用依個價錢,仲有維港海景可以睇,真係好平好正~下次等我再去試埋尖沙咀另外幾間特價點心,幫大家做個大比拼!😎 你哋有冇去過呢間飲茶呀?定係有其他又平又好食嘅點心推介? 📍 酒樓: 鍾廚 (尖沙咀) 🏢 地址: 尖沙咀北京道1號8樓802號舖 ⚠️ 記得 Save 低依篇,下次帶埋公公婆婆爺爺嫲嫲去飲茶! #尖沙咀美食#海景餐廳#週末好去處#點心#小焗食好嘢

gn_gnyt

香港攻略

鍾廚

放題式抵食點心！🤤 $7/籠仲唔快啲衝？

真係估唔到!以為自己眼花👀呢間尖沙咀酒樓,叫點心時,發現有優惠點心,寫住$7､$8､$9,以為係一件嘅價錢,原來唔係,係一籠 🔅淨係食優惠點心,每人食十籠八籠,已經飽到攬住個肚走,人均唔使$100 🔅限時90分鐘🔅 🔅優惠點心有十多款,真心質素唔差,性價比極高｡ 🔅有十款茶葉俾你選擇,完整一包自己沖泡,方便又衛生 早上大約11:00到達,已經好多人,走嘅時候,出面等位已經爆晒場,好誇張 🔗鍾廚 (尖沙咀) 📍尖沙咀北京道1號8樓802號舖 ☎️83008055 @thechungshk @gn_gnyt #ucreator #香港特色 #點心 #維港#尖沙咀點心優惠#平價點心放題#性價比高酒樓 #性價比

hkfoodiesavvy

香港攻略

潮囍薈

$7、$8、$9 飲茶篇

🍴潮｡囍薈🍴 📍尖沙咀彌敦道100號The ONE 12樓全層 ☎️852-8300 8050 尖沙咀The ONE 飲茶割喉戰,$7､$8､$9優惠點心,吸引朋友話要一試,他樂意提早取飛等侯｡我們被安排坐在𥦬旁,環境開揚舒適,全場滿座,但也不太嘈吵,頗適合一家大細聚會｡ 我哋叫了多款特價點心和炒飯試試,包括以下: ✨鮮鮑魚燒賣 每粒配有原隻鮑魚,鮑魚肉質鮮甜彈牙, 性價比十足｡ ✨鮮蝦蒸韭菜餃 蝦味鮮甜爽彈,韭菜香氣明顯但唔會太嗆,味道偏清新鹹鮮｡ ✨椰蓉鹹蛋黃流沙包 外層鬆軟､椰香濃郁,入面鹹蛋黃流心爆沙,鹹香同微甜交織,又香又油潤｡ ✨金湯瑤柱灌湯餃:餃子細滑爆汁,南瓜湯味濃湯,加上瑤柱,更添鮮味,鹹鮮濃厚､正👍 ✨香煎蓮藕餅 外表煎到香脆微焦,蓮藕口感爽脆,外香內嫩,真的不錯😌 ✨碧綠小棠菜餃 小棠菜清甜,餃子餡清爽,食落舒服清新｡ ✨XO醬豉汁蒸鳳爪 XO醬香氣味濃,帶少少海鮮和蒜油香;再加豉汁鹹香入味,鳳爪軟糯帶膠質,味道偏重鹹香｡ ✨香芋鮮腩卷 芋頭香味濃､口感綿密帶黏糯;鮮腩肥瘦相間,煮到軟腍,食落濃郁飽滿｡ ✨混醬蒸腸粉 腸粉滑嫩帶米香,甜醬､麻醬混合一起,味道香濃,與腸粉十分搭配☺️ ✨懷舊手工糯米包 舊茶樓點心風味重現,軟糯咸香｡ ✨瑤柱蛋白炒飯 蛋白令口感更清爽滑嫩,瑤柱帶明顯鮮香提升飯味;通常粒粒分明､鹹鮮濃度中等偏高,香氣足但唔會太油膩｡ 整體所有食品味道都不錯,性價比高,如不怕排隊,可試試😆