【火鍋推介】人氣酒家「海港」突發推出無限時任食海鮮火鍋，每位只需 HK$218 起，更震撼是星期一至日均適用！一個價錢包你食盡 5-8 款時令生猛海鮮盆、特級安格斯牛，仲有火鍋配料同指定啤酒無限任飲！U Food 編輯立刻為你拆解這個超抵火鍋的 5 大精選食材及分店詳情！
海港酒樓$218 起歎盡 5 大精選食材
今次海港的無限時火鍋主打極高性價比，一個價錢已經包攬以下 5 款精選食材（A-E），保證回本：
A. 時令海鮮盆：每日嚴選 5-8 款時令生猛海鮮，鮮味十足。
B. 自選火鍋湯底 (四選一)：金茸菇豬骨鍋 / 粟米蘿蔔湯鍋 / 芫茜皮蛋湯鍋 / 日式昆布湯鍋。
C. 頂級牛肉 (二選一)：可選特級安格斯牛肉 (每位 HK$218)；或加碼升級至日本黑毛和牛 (每位 HK$248)，享受入口即溶的油脂甘香！
D. 巨形水餃皇：每位足料大水餃一隻。
E. 時令蔬菜：健康蔬菜一份。
除了以上 5 大主角，基本火鍋配料同樣是無限任食，更包辦指定啤酒及飲品無限任飲，絕對是糧尾大胃王救星！
海港酒樓任食火鍋收費詳情與供應分店
出發瘋狂打邊爐前，請留意以下供應時段及分店限制，記得提早訂座：
供應時間：星期一至日，晚上 5:30 開始。
收費細則：2 位起計，另收加一服務費。
小童優惠：1米至1.2米半價，小童1米以下免費（非常適合家庭客！）。
訂座熱線：3516 8200
指定供應分店：
- 海港酒家：將軍澳新都城一期店、藍田啟田店
- 海王漁港：馬鞍山新港城店
來源：海港飲食集團
<< 提醒大家，購買前留意訂購平台的使用條款及細則，一切以訂購平台及餐廳公佈的價錢為準。數量有限，售完即止；所有優惠細則更新至文章發佈日期，訂購平台及餐廳保留更改優惠權利，U Lifestyle 概不負責。>>
飲食熱話
-
香港攻略
半島漁港/阿翁火鍋館
任食火鍋歎海鮮🦀🍲🍽️
半島漁港/阿翁火鍋館 (深水埗) 📍 深水埗西邨路19號南昌薈1樓F102號舖 係時候打邊爐🍲｡朋友聚會相約南昌薈半島海港/阿翁火鍋館貪其有無限時任飲任食火鍋,仲贈送海鮮拼盤､鮑汁鮑魚花膠､刺身拼盤､重慶辣雞鍋｡地理位置方便南昌站A出口過馬路,直到南昌薈商場一樓｡ 湯底款式眾多,有冬瓜瑤柱鍋､皮蛋芫荽湯､招牌鴛鴦鍋､滋補藥膳鍋､秘製麻辣鍋､蕃茄薯仔鍋､姬松茸什錦鍋,總有一款啱口味｡ 刺身拼盤:肉質細嫩,入口帶有天然的海洋鮮香與淡淡甘甜｡脂肪分佈均勻,入口柔滑,帶有奶油般的油潤感｡肉質柔軟卻不失彈性,入口即化,帶來高級的細緻感三文魚🍣､嫩滑帶子､彈牙螺頭､軟糯甜蝦,整體新鮮,婢美日本料理店｡ 海鮮拼盤:竟然有花蟹,肉質紮實,鮮嫩多汁､大大粒扇貝,仲有彈牙肥美蟶子!海蝦呈上時仲郁緊!脹卜卜墨魚仔､仲有啖啖肉肥美生蠔入口帶有海水的鹹鮮與清爽,彷彿置身海岸肉質柔嫩,帶有天然的鮮甜,部分品種更有微微果香｡高品質生蠔油脂豐富,入口有奶油般的滑潤感｡ 鮑汁鮑魚花膠:以鮑魚熬製的醬汁,色澤深沉,味道鹹香中帶甘甜,濃厚卻不膩｡鮑魚鮮甜:肉質厚實緊緻,帶有海洋的鮮香與微微鹹甜,入口高級細膩｡花膠煮至軟糯,吸收鮑汁後帶有黏滑膠質感,入口柔潤,滋補養生｡鮑汁滲入花膠與鮑魚,讓整體味道更圓潤,鹹香､鮮甜｡ 至尊水餃皇:大隻飽滿､皮薄餡靚,見稱,入口鮮香多汁,肉質鮮嫩,配合火鍋湯底更能突顯鮮味,餃皮厚薄適中,煮後不易破裂,保持彈性｡ 打邊爐配料非常多,太多不能盡錄,但係食個美國雪花肥牛都已經回晒本,仲未計佢色澤均勻送贈嘅阿翁極級牛頸脊:濃郁肉香 ,油花均勻,嫩滑彈牙是一款高級牛肉部位,牛味濃｡ 蔬菜及面類有好多款,唐生菜娃娃菜,油麥菜皇帝菜等,金菇,苦瓜,合掌瓜､正有得任夾涼拌青瓜和涼拌雲耳｡ 飲品方面有多款汽水啤酒任飲,有忌廉,可樂橙汁,巨峰提子等､當然唔少得有烏龍茶,鴨屎香檸檬茶茶｡ 總結: 食到捧住個肚走 精緻海鮮拼盤刺身火鍋 #深水埗#南昌#南昌薈#阿翁火鍋館#半島漁港火鍋刺身拼盤海鮮拼盤花蟹海蝦蟶子鯇魚牛頸脊鮑魚花膠雞煲任飲任食回本啤酒汽水
閱讀更多
-
香港攻略
福龍門海鮮火鍋酒家
$288 雞煲+海鮮火鍋任食！CP值極高！
食放題最怕質素參差,但呢間｢福龍門｣真係有驚喜!✨ 不止是任飲任食,3人以上仲要無限時!而且食材都非常講究,絕對是聚會首選!呢個價錢有龍躉片同生猛鮑魚食,老闆係咪開善堂?😂 🌟 必食三部曲: 1️⃣ 第一味:香辣惹味雞煲 一開爐就聞到超香嘅炒雞味!雞肉炒得好入味,口感嫩滑唔乾柴,辣度仲可以自己揀｡食完雞煲之後,記得唔好就咁加湯,因為呢度可以重新選一款湯底打邊爐! 2️⃣ 第二味:滋補花膠雞湯底 強烈推薦呢款湯底!裡面真係有大隻雞髀肉,最正係啲厚切花膠,入口啖啖膠原蛋白,鮮甜滋潤｡火鍋之前記得先飲一碗精華雞湯,真係暖心又暖胃!🍲 3️⃣ 第三味:生猛海鮮拼盤 海鮮控一定會尖叫!拼盤內有鮑魚､海蝦､大蜆,仲有市面少見嘅龍躉魚片｡最誇張係鮑魚入鍋前仲喺度郁,新鮮程度爆燈!蝦肉鮮甜彈牙,龍躉片鮮味十足,完全唔係一般平價放題嘅質素｡🐟🦐 🍻 飲品甜品同樣精彩: • 全場飲品､甚至連啤酒都係無限供應! • 甜品仲有驚喜嘅包裝雪糕,為呢餐畫上完美句號｡🍦 📍 福龍門海鮮火鍋酒家 地址:深水埗長沙灣道270號御匯大廈1樓 電話:2877 7688 / 2877 7680 ⚠️ 溫馨提示: 呢度經常爆場,想食嘅朋友記得一定要事先預約呀!📞 #香港美食#深水埗美食#雞煲放題 #花膠雞湯#打邊爐
閱讀更多
-
香港攻略
呢間係位於旺角瓊華中心嘅台式養生火鍋店，可以無限時任食！亦可以揀19:30前埋單會有折扣優惠～ 足足有19款湯底可以選擇，真係誇張！ 我地揀咗C餐（SRF極黑和牛餐) 因為當中嘅和牛肩脊肉暫時缺貨，呢個餐自動upgrade 咗可以食埋本身要$608先有嘅霜降牛小排🥰 鴛鴦鍋揀咗爆漿熔岩莞茜豆腐鍋同藥膳花膠雞涮涮鍋～ 🐮極上Prime Grade霜降牛小排就最肥美，雪花分佈密，軟滑多汁，牛味濃郁。 🐮Prime grade安格斯牛頸脊，紋理清晰，肉質好嫩滑。 🐷西班牙伊比利亞黑毛豬肉片，肉質軟嫩肥美，肥瘦比例剛剛好。 🐮Prime Grade 美國安格斯牛肉，油花相對比較少，牛味最濃。 仲有好多火鍋配料可以order，最方便係丸同菜都可以用qr code落單，唔使成日走出去。 佢有四款手打肉丸同水餃都好好食～ 海鮮方面因為食肉已經食得太飽。淨係叫咗魚同一碟蝦，都好新鮮爽口。 飲品方面有好多選擇，亦都有酒精飲品提供。我最鍾意愛文芒果茉莉花茶，口感濃厚，飲咗三支🥰 雪糕有幾個牌子可以任食，movenpick有士多啤梨同雲呢拿味可以任拎，輕鬆回本！ 📍馬祖無限時台灣養生涮涮鍋 (旺角) 地址：旺角彌敦道628號瓊華中心11樓 #養生火鍋放題 #吃到飽 #打邊爐 #足料火鍋 #旺角美食 #清潔神隊友
閱讀更多
