近日有港人新入職兩餸飯店，竟在後台見到一張「員工福食通告」，列明4大規矩：一律只可食兩餸一飯、7款貴價回本菜式禁食、廳面員工午膳最多20分鐘，做足6小時以上亦只得30分鐘。通告曝光後即惹來大批網民熱議，直斥安排太苛刻，連食個飯都冇得好好休息。
兩餸飯「福食規矩」7大貴價/回本菜式全禁食
該名打工仔在 Threads 上發文，指自己最近換了新工作，第一天上班便在後台發現一張以「員工福食通告」為題的告示。從事主上傳的相片可見，通告白紙黑字列明4大嚴格規矩。當中最引人注目的，是店方明確指出了員工「不能進食」的菜式，幾乎囊括了成本較高或受歡迎的「回本菜」：
- 規矩1. 禁食名單： 不能進食以下菜式，包括蝦球、牛仔骨、臘腸、原條蒸魚、魷魚鬚、蒸鱔、扣肉。
- 規矩2. 份量限制： 福食只可選擇「兩餸一飯」。
- 規矩3. 嚴苛限時： 廳面員工工作 6 小時以下，午膳時間不可超過 20 分鐘；6 小時以上不可超過 30 分鐘。
- 規矩4. 環保要求： 請勿使用一次性餐具。
事主坦言看到通告後感到相當驚訝與無奈，遂將照片公開，並向廣大打工仔請教：「大家評下理，會唔會太刻薄？」
網民一面倒批「極不人性化」：20分鐘連消化都未完
帖文發佈後迅速引來大量網民圍觀。雖然有部分網民理性指出，僱主不讓員工進食原條蒸魚或牛仔骨等指定菜式，主要是出於「成本控制」的考量；但絕大多數人認為，在時間控制上實在過於苛刻，缺乏對員工基本的體諒。即睇網民留言點講：
- 包食係好事20分（鐘）太少，起碼30至40。
- 乜嘢話？食飯唔可以超過20分鐘想哽死人咩？就算吞咽都吞唔切…食個飯真係苛刻。
- 唔食嗰堆嘢我覺得可能都係錢嘅問題，但係得 20 分鐘真係好大鑊，食到咁快好容易胃痛！
- 就算做服務業辛苦，坐陣休息吓都應該啦，20 分鐘食飯連唞氣都無時間。
- 嘩，原條蒸魚同蒸鱔都唔俾食，算唔算計到盡？
- 個廿分鐘有無人工先，係公司食，唔洗等，有飯鐘錢我就覺得ok，好多大機構迫你食一個鐘飯，但無錢。仲要準時出去準時返，如果公司無地方食飯前後唔見左起碼十分鐘。出得去叫得餐，都唔見左半個鐘，可能都係得半個鐘食。
- 有咩問題?飲食業從來都無一個鐘食飯時間架啦。
- 好多仲要自備飲料，唔俾飲水吧飲品。
↓點擊圖片放大↓
資料及圖片來源： Threads@tinathediva_c／UHK
茶餐廳手寫單驚現愛心表白？內地客超心動：你是我的西多士？港人爆笑揭真相
大家去茶餐廳食飯，有沒有留意過伙計寫的手寫單？那些猶如「密碼」的簡寫，往往只有行內人才看得懂。最近有內地網民在社交平台分享，指自己看到一張非常特別的茶記手寫單，單上除了點了凍檸茶和西多士外，中間竟然畫了一個手繪愛心，令樓主甜笑猜測是否什麼隱藏的港片情節，有網民更估「你是我的西多士？」帖文隨即引來大批熱心港人留言「解密」，不單大方揭開那個神秘愛心的真正密碼，更踢爆這張手寫單的「真實來頭」，原來一切都是一場美麗又浪漫的誤會！
員工只能選擇「兩餸一飯」，且蝦球、牛仔骨、原條蒸魚等7款貴價菜式嚴禁食用。
廳面員工午膳時間最多20分鐘，工作滿6小時以上則為30分鐘，此安排被網民批評太苛刻。
