東京過江龍一人一鍋LE-TA-SU連開3間分店！$68起食牛五花套餐／即睇選址＋全港分店地圖

Lingyaulingling

香港攻略

關西—A5 和牛壽喜燒

關西一 💓 中環日式壽喜燒料理

中環有間關西風味壽喜燒店,一人火鍋日本A5和牛冇收加一,高質又性價比高! 環境以日式簡約風裝修,有Bar桌及座位,好有日本小店嘅感覺呀 而家仲有期間限定嘅日本黑毛和牛牛板腱!,每日只限賣18份呢! 極上A5肉眼壽喜燒套餐 特選A5牛小排壽喜燒套餐 每個套餐都包前菜､野菜盛合､日本產黑毛 A5和牛､日本蛋､日本米飯或讚歧烏冬､仲有甜品🍮 日本A5果然冇失望,肉眼油脂分布超均勻,入口即化 牛小排就肉味濃郁都是極品,只加壽燒汁已惹味無窮! 野菜盛合豐富,有冬菇､金菇､洋蔥､豆腐等等 甜品方面各一選雪糕或者蕨餅 還有飲料蜂蜜梳打 清新解渴 @kansaione 中環荷李活道26號地舖

Savour_Life

香港攻略

壽喜・關西 Suki Kansai(尖沙咀店)

價靚高質日牛🐮 壽燒喜$168起！

今日介紹呢間係主打高CP值嘅關西風壽喜燒,餐廳採用日本直送黑毛和牛,套餐由$168起,仲要唔使加一😆｡有齊前菜､120g A4和牛､野菜､蘭王蛋､主食(白飯/烏冬)同甜品,CP值爆高,午市都full house😲｡ 有幾個套餐選擇,鍾意油香重､肉質滑嫩嘅就揀肉眼;鍾意牛肉味濃就揀赤身;兩款之間就揀特選肩胛,仲有時令稀有部位牛板腱,肉質比較爽口｡ 極上肉眼壽喜燒套餐 $288/180g(大盛) 肉眼油脂豐富,霜降紋理均勻,口感柔軟細滑,肉汁香濃｡ 日本黑毛和牛牛板腱壽喜燒套餐 $258/180g(大盛) 1隻牛只有1% 板腱,肉質鮮嫩爽口,有濃郁嘅肉香｡ 特選肩胛 $48/40g 肩胛部位每隻牛只有3至5公斤,油花均勻,有濃郁嘅肉香｡ 餐廳有打卡優惠,讚好FB/追蹤IG/大眾點評收藏打卡,將食物影相,上傳到社交媒體,hashtag壽喜關西,就送:40g和牛赤身一份或者330ml生啤一杯(白/黑)｡ 餐廳:壽喜·關西 地址:香港尖沙咀金馬倫道33號The Cameron1樓101號舖 #壽喜關西#尖沙咀#尖沙咀美食#壽喜燒#壽喜 ⁠

yukie_kiekie

香港攻略

牛大人台灣火鍋吃到飽 (荃灣店)

日本黑毛和牛A4+套餐好豐富好味😋

我一直都好鍾意打邊爐,之前去【牛大人】食120分鐘日本A4黑毛和牛火鍋放題,好豐富呀🤩 無論係湯底､肉類､海鮮或小食都好高質👍🏻 《日本黑毛和牛A4+ 套餐》每位更贈送澳洲M9和牛牛丸2粒及海鮮拼盤 湯底方面,我哋揀咗本月限定的｢聰明魷魚沙茶鍋｣及｢養生菇菌燉雞鍋｣ 鴛鴦湯底｡呢度嘅特色湯底用全天然食材製作,店員建議先飲湯後火鍋｡ ｢聰明魷魚沙茶鍋｣附送木魚配料,倒入鍋裡一齊煮｡好香木魚及櫻花蝦香味,沙茶味都好濃郁｡ 而｢養生菇菌燉雞鍋｣ 有大大隻雞,好多菇菌｡雞湯味道濃郁､好重菇味,好滋補好好飲👍🏻 呢個套餐主打的｢日本黑毛和牛A4+｣真係超級正!超嫩滑,又好重牛味! 而｢伊比利亞黑毛豬梅肉｣係我食過最滑嘅豬!豬肉超嫩,好好味!好驚喜🤩 套餐贈送的澳洲M9和牛牛丸係非一般的牛丸!入面有好多肉汁,亦好重牛味👍🏻 贈送的海鮮拼盤亦好豐富!有生蠔､帶子､鮑魚､魷魚｡ 生蠔幾大隻!煮熟後,蠔仍然鮮甜飽滿｡ 帶子好嫩,一啲都唔韌,有鮮味｡ 鮑魚好爽口!沾上餐廳的特製牛肉醬油特別好味｡ 魷魚幾厚肉､夠彈牙｡ 另外,｢鮑魚三吃｣亦好吸引! ｢鮑魚三吃｣包括古法醉鮑魚､美乃滋鮑魚酥､柚子燒汁鮑魚 花鵰鮑魚 — 好重酒味,夠惹味 柚子鮑魚 — 柚子醬汁酸酸甜甜幾開胃 美乃滋鮑魚 — 鮑魚配沙律醬估唔到又幾夾幾滋味! 呢度除咗肉類､海鮮､亦有好多款台式小食幾吸引,我哋都試咗其中幾款: 蝦蝦霸霸脆多士 — 好鬆脆,入面都幾多蝦肉,沾埋沙律醬食幾正! 日本和牛橘梨伴豆腐 — 似柚子味+魯肉炸醬拌豆腐,味道幾得意,幾解膩,有驚喜!👍🏻 阿嬷豆乾魚蓉麵 — 麵條係選用香港老字號“永樂粉麵廠”粉麵,真係好彈牙! 用木魚碎炒,味道好香､帶微甜,幾滋味! 烏金墨汁手作腸 — 墨魚汁好出,油脂好香 三和夜市雞皮卷 — 雞皮好香,脆邊,豬肉餡料唔錯 夜市撈脆薯 — 炸得幾脆,表面的味粉好惹味,好有台灣夜市嘅味道! 海苔鹽酥雞 — 滿滿海苔粉,雞肉嫩滑 滷味五香雞胗 — 鹹鹹甜甜,嚼勁十足 飲品方面都有好多選擇!有罐裝飲料､樽裝烏龍茶､亦有特飲｡ 芒檸蜜西米爽 — 呢杯特飲有檸檬的酸+芒果粒的甜 ,配埋大大粒西米爽,清爽開胃 港式檸檬茶18+ — 呢款係酒精特飲,檸檬茶配伏特加,幾爽幾解膩 📌惠顧｢日本和牛｣套餐就可以任飲｢港式檸檬茶18+｣ 如惠顧｢極上和牛｣套餐+$68/位就可任飲; 其他套餐單點 $58/杯｡ 最後食埋甜品｢蜜桃愛玉冰｣ — 蜜桃甜,愛玉清爽,食完好清新､好爽､好解膩｡好午市/晚市全部套餐都可點選呢款甜品｡ 今餐真係食得好飽好滿足呀😋 有得食,仲有得玩遊戲贏禮物!😍 凡惠顧牛大人極上和牛､純種全血和牛或以上套餐,均可參與經典遊戲:💠｢東南西北·回到童年時｣💠 每檯一次,餐廳會送出童年玩具/牛大人小禮品｡我哋都贏到對手型筷子🥢 #UCreator#火鍋#香港美食{{hket:campaign display="xmasmoments"}}{{/hket:campaign}}#牛大人