香港9間必食麵包店推介 爆紅牛油年糕／福岡獲獎過江龍／創意港式菠蘿包

唔少香港人都鍾意買麵包做早餐或者做下午茶，近年香港越嚟越多特色烘焙店跟上熱潮推出各種特色麵包，由創意港式風味到韓國爆紅邪惡牛油烤年糕通通都有！小編精選出本地9間社群U Creator認證高質麵包店推介，麵包控記得save低啦！

➤立即下載U Lifestyle App
➤詳情懶人包

香港麵包店推介｜1. 享樂烘焙

相信「享樂烘焙」絕對係唔少麵包控心中嘅愛店！由新蒲崗開到九龍灣、荔枝角、元朗、荃灣，主打各款高CP值創意麵包，並標榜全天然牛油，深受港人歡迎。除咗必食招牌Bagel之外，布甸撻、抹茶蜜瓜包、紫薯麻糬包，甚至前陣子大熱杜拜開心果糯米糍都係麵包店人氣之選！

地址：新蒲崗大有街3號萬迪廣場地下E鋪（總店）

↓點擊圖片放大↓

+4

+3

香港麵包店推介｜2. 初麥手作烘焙

提到近期Threads爆紅烘焙店，不得不提北角及銅鑼灣都有分店嘅「初麥手作烘焙」！小編每次經過見到都排長龍，熱賣款有時仲會搶購一空！小店主打每日新鮮出爐嘅創意麵包及貝果。必食融合台灣風味嘅「招牌芋泥布丁包」、「南瓜乳酪Bagel」、近期大熱「牛油烤年糕」，仲有小編私心推介嘅鹹香「明太子鹽卷」～

地址：北角英皇道483號東寶大廈地下G舖

> “little.miss.picky” 分享初麥手作烘焙必點款式<

↓點擊圖片放大↓

+5

+4

香港麵包店推介｜3. MOROPAIN

福岡高質過江龍麵包店「MOROPAIN」都係尖沙咀打工仔其中一間茶點大熱之選～由獲獎無數嘅麵包師諸永裕士主理，店面裝修採用日系文青水泥灰風格，打卡都勁有feel！品牌主打各款創意精品麵包，每日新鮮出爐約40 款麵包。招牌日式蜜瓜包於麵團中加入乳酪，令成個包外脆內軟，而香港限定「提拉米蘇蜜瓜包」每日限定時間出爐，都係唔少麵包迷瘋搶之選！

> “hkeateateat” 分享福岡過江龍麵包店必買之選<

地址：尖沙咀加連威老道29號地舖

↓點擊圖片放大↓

+8

+7

香港麵包店推介｜4. Red Bridge Bakery

韓國過江龍「Red Bridge Bakery」同樣深受一眾精品麵包迷愛戴。佢選用法國高級麵粉同牛油及韓國無添加天然食材，招牌牛角包更係米芝蓮廚師盲測第一名！有鮮果忌廉、芝士火腿、士多啤梨等多款口味選擇。店內開放式廚房可以見到師傅即場烘焙，保證食到最新鮮嘅麵包～

地址：尖沙咀梳士巴利道18號維港文化匯K11 Musea B2樓B205號舖

> “BallBallTiger_” 拍片分享韓國過江龍麵包店食評<

↓點擊圖片放大↓

+11

+10

香港麵包店推介｜5. CASABAKE

觀塘工廈入面原來都收埋咗一間高質麵包店！「CASABAKE」主打每日新鮮製作牛角包及撻，特別係招牌千層酥皮撻最近大受一眾網民熱捧，選用法國牛油製作，酥脆且層次豐富。人氣糕點包括「杜拜朱古力」、「丸久小山園抹茶」、「三重特濃開心果撻」、「麻糬牛角包」～

地址：觀塘駱駝漆大廈第三座4樓A1室

> “Chicbite.hk” 分享觀塘人氣烘焙店千層酥口味推介<

↓點擊圖片放大↓

+4

+3

香港麵包店推介｜6. 木子烘焙

位於新蒲崗嘅「木子烘焙」主打每日手工製作新鮮麵包，用12小時低溫慢發酵，選用日本麵粉同紐西蘭牛油，務求打造出軟熟、濕潤嘅日式麵包。必試招牌「明太子海鹽卷」有淡淡海鹽味同香濃明太子味、「抹茶烏龜公仔包」造型可愛吸睛，都係店內人氣之選～

地址：新蒲崗彩虹道235號啟鑽苑啟鑽商場地下G15號舖

> “Whatthefood.hk” 分享木子烘焙必買包點及價錢<

↓點擊圖片放大↓

+8

+7

香港麵包店推介｜7. Taste+Bakery

位於天后嘅「Taste+Bakery」主打每日新鮮人手製作嘅創意麵包同Bagel，開放式廚房可以睇到麵包製作過程。Bagel口味多達9款，近期熱門嘅鹽卷、千層酥都係必點之選。社群U Creator就形容Bagel口感軟熟煙韌，而且價錢實惠，值得麵包控專程一試！

地址：天后銀幕街29號地舖

> “Foodstalkers HK” 分享天后人氣烘焙店人氣口味選擇<

↓點擊圖片放大↓

+9

+8

香港麵包店推介｜8. 嘉多娜餅屋

超人氣烘焙店「嘉多娜餅屋」以自創「法式布丁包」聞名，定期推出各款創意麵包新品，吸引唔少麵包迷長期幫襯！除咗有熱賣「開心果燒餅」之外，全新推出嘅「奶凍法包」用法包分別包住抹茶、朱古力同黑芝麻3種口味，每日限量定時出爐，想食就記得預時間去排隊啦！

地址：油麻地碧街54號地舖

> “D&M Foodlosophy♡” 分享嘉多娜餅屋新品推介<

↓點擊圖片放大↓

+10

+9

香港麵包店推介｜9. The Forest Bakery+

有冇諗過原來我哋成日食嘅「菠蘿包」仲可以同泡芙、曲奇結合一齊！人氣烘焙店森林麵包全新概念店「The Forest Bakery+」最近進駐尖沙咀 K11 Art Mall，推出一系列以港式「菠蘿包」為主題嘅商品！除咗可以入手超萌菠蘿包公仔之外，仲有脆皮菠蘿包泡芙、焦糖布甸菠蘿包、叉燒流心蛋菠蘿包等創意麵包，真係無嘢係做唔到，只有你諗唔到！

地址：尖沙咀河內道18號K11購物藝術館B1樓Kiosk 17

> “Gretaso28” 詳細分享K11全新人氣麵包店亮點<

↓點擊圖片放大↓

+7

+6

*人氣款式每日數量有限，售完即止，建議出發前先向個別商戶查詢最新供應情況。以上所有資訊僅供參考，視乎當日食材供應及店內最新公佈為準。

【召集Foodies🫵🏻】Buffet 導「嚐」員招募計畫 🍴✨

招募Foodie l 分享食評生活賺額外收入！
立即登記➡️ https://ulapp.hk/x0tuk

🔔 Follow《U Community社群》Instagram 同讚好 Facebook 專頁，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。

圖片來源：IG帳戶@jakenmebakery、@ly_bakery、FB帳戶@Kadorar Bakery、社群U Creator@Pig7station、@Gretaso28、@D&M Foodlosophy♡、@Foodstalkers HK、@Whatthefood.hk、@Chicbite.hk、@BallBallTiger_、@hkeateateat、@nocarbs_nolife
、@little.miss.picky