盒裝豆腐點解要浸水？日本廚師揭3大神奇用途！原來呢款豆腐煮之前要洗？同場加映5款家常豆腐食譜

平時去超市買盒裝豆腐，大家有無發現包裝入面一定裝滿水？雖然睇落好似係為咗令豆腐保持「水嫩」，但原來呢啲水大有文章！最近日本大廚Papuchan就喺網上分享咗豆腐包裝水嘅「3大神秘用途」，唔少網民睇完都話：「長知識了！」即刻睇下豆腐背後嘅冷知識啦！

日本大廚Papuchan近日在網上發文，親自為大家拆解豆腐「充填水」的3大神奇用途，並提醒大家原來街市散裝豆腐與超市盒裝豆腐的處理方法大有不同！

盒裝豆腐浸水3大神奇用途公開

根據日本廚師的專業解釋，包裝內的液體被稱為「充填水」，主要有以下三個核心功能：

 

 

 

1. 最強緩衝墊：豆腐質地非常脆弱，包裝內充滿水可以提供有效的緩衝，減緩運送過程中的震動同碰撞。這樣就算經過長途拔涉，送到大家手上時豆腐依然可以保持完整，不會變碎。
2. 阻隔外部污染（防氧化）：水可以阻隔豆腐直接接觸空氣。由於氧氣會加速食物氧化並滋生細菌，這層水就變成天然的保護屏障，有效延長保鮮期。
3. 鎖住豆香與口感：水分可以防止豆腐本身的水分流失，維持其軟滑的口感。如果沒有這層水，豆腐好快會乾爭爭，豆香味亦會隨之流失。

---

豆腐需要清洗嗎？

相信大家都會有疑問，究竟煮豆腐之前需要清洗嗎？Papuchan則向大家解釋原來盒裝豆腐和散裝豆腐有分別：

 

 

• 盒裝豆腐：煮之前唔使洗！ 廚師Papuchan指出，盒裝豆腐入面的水是採用接近飲用水標準嘅高衛生程序填充。所以由超市買回來的封口盒裝豆腐，其實可以直接落鑊煮，不需要特登清洗。
• 散裝豆腐：一定要洗！ 如是在街市買沒有密封、浸在大水盆入面的散裝豆腐，因為長期暴露在空氣入面，容器衛生情況亦難以預料，建議煮之前一定要先用清水簡單沖洗，確保食用安全。

---

2招正確保存豆腐法

有時煮飯剩返半舊豆腐，如果處理唔好，好快就會有酸味。專家建議可以這樣保存：

 

1. 更換乾淨清水： 倒掉原包裝入面的液體，將剩餘的豆腐放入乾淨的容器。
2. 完全淹沒： 加入乾淨的清水，並確保水量完全淹沒豆腐。之後密封放入雪櫃冷藏，但記得最好在1至2日內 食完。

---

5款豆腐簡易食譜

豆腐食譜 1. 蟹黃豆腐煲

今日就教大家製作一個簡單家常菜，撈飯一流的平價版蟹黃豆腐煲，改用蟹柳及蛋黃，材料比較便宜，而且15分鐘就整到，各位新手想煮晚餐都可以試試這個簡易家常小菜啦！

蟹黃豆腐煲做法：

1. 豆腐切粒，汆水備用
2. 蛋黃蒸約10分鐘，加熱後壓成蓉
3. 落油後，放入咸蛋黃蓉炒香，然後分次加入蟹棒絲、豆腐、清雞湯、胡椒粉，鹽，最後亦可按個人喜好加入生粉水，上碟後可加入蔥花伴碟

• 【蟹黃豆腐煲】完整食譜

 

豆腐食譜 2. 黃金咸蛋豆腐

咸蛋是近年大熱的食材，配上豆腐美味同樣好味，材料又平又抵食，大約$10就有交易，真是一個不錯的懶人食譜呢！

咸蛋豆腐做法：

1. 將豆腐切件，汆水備用
2. 咸蛋黃可蒸約5分鐘或放到微波爐加熱30秒，然後壓成蓉
3. 加入牛油和咸蛋黃蓉，放入豆腐拌勻
4. 加入紹酒、胡椒粉、鹽調味即可

• 【黃金咸蛋豆腐】完整食譜

 

豆腐食譜 3. 椒鹽豆腐

大牌檔的椒鹽豆腐可說是每次必點的菜式，但自己動手整同樣做到，喜歡吃香口「鑊氣」小炒就可以一試以下食譜！

椒鹽豆腐做法：

1. 先將辣椒、蔥、紅蔥頭、蒜頭切小粒備用
2. 將硬豆腐印乾水修後，切成小方塊
3. 粟粉混合黑椒，讓豆腐撲上薄薄一層的粉
4. 煎香豆腐，變成金黃色後拿起備用
5. 炒香蔥頭、蒜頭，放入豆腐、辣椒、蔥、椒鹽，炒均上碟即可

• 【椒鹽豆腐】完整食譜

 

豆腐食譜 4. 麻婆豆腐

喜歡食辣的朋友，就可以試試這個川菜代表──麻婆豆腐，食起來辣之餘又十分醒胃，再配上一碗白飯簡直一流！

麻婆豆腐做法：

1. 先將豆腐切粒，並放入鍋中汆水
2. 加入油後把免治豬肉落鑊輕輕炒香，然後加入蒜粒、豆瓣醬拌均
3. 當豬肉炒至8成熟後，則可分次加入辣椒油、豉油、糖、豆腐、生粉水，待收汁後即可

• 【麻婆豆腐】完整食譜

 

豆腐食譜 5. 豆腐芝士蛋糕

除了主菜之外，豆腐亦可以用來製作甜品，這個豆腐芝士蛋糕食譜，不單簡單易整，而且也十分美味，蛋糕豆腐味道十分濃郁，但又不會太甜，新手製作一次就可以成功，大家不妨試試這個豆腐甜品食譜啦！

豆腐芝士蛋糕做法：

1. 將消化餅壓碎，加入牛油壓成餅底
2. 蒸煮豆腐汆水，再壓成泥狀
3. 將熱牛奶加入魚膠粉攪勻
4. 把已放軟的忌廉芝士攪拌，要分次加入糖、豆腐、牛奶溶液，然後倒入模中，放入雪櫃冷藏2小時以上

• 【豆腐芝士蛋糕】完整食譜

 

資料來源：《YAHOO JAPAN》