$1餐飲優惠︱全港逾10大$1優惠大集合 麥當勞$1大可樂／惠康$1搶A5和牛／$1歎至尊燒鵝（附優惠詳情）

$1優惠︱由即日起，多間人氣連鎖店推出震撼折扣，麥當勞除了有$1大可樂回歸，更有McCafé $1 咖啡隱藏驚喜，惠康亦設有直播瘋搶$1 A5和牛。此外，各大酒樓如半島漁港、多彩皇宮亦推出$1燒鵝及$1花膠，就連Ruby Tuesday及賞茶都有$1小食飲品加購。即睇以下$1優惠餐飲著數，教大家點樣用1蚊掃盡全港美食！

麥當勞$1優惠︱麥當勞$1大可樂優惠

麥當勞$1大可樂回歸！由即日起至3月27日一連5日，麥當勞App用戶只需打開應用程式，即可憑優惠券以$1換購大杯裝汽水。今次優惠不限於可口可樂，連無糖可樂（Coke Zero）、雪碧及芬達都有份。

優惠日期︰2026年3月23日至3月27日（星期一至五）
供應時間︰早上11時後
領取方式︰登入麥當勞App領取電子優惠券

註︰不適用於海洋公園、沙田馬場及跑馬地馬場等部分分店。數量有限，售完即止。

麥當勞$1優惠︱麥當勞$1隱藏版McCafé咖啡優惠

除了$1大可樂回歸外，在麥當勞App中更發現「$1即磨咖啡」隱藏優惠！但今次優惠並非人人都有，而是麥當勞隨機派發予部分特選用戶的專屬福利。

↓點擊圖片放大↓

+4

+3

↓點擊圖片放大↓

部分特選用戶在麥當勞App內會獲派「$1咖啡」電子優惠券，只需$1即可換購一杯McCafé即磨熱咖啡，簡直是早晨提神、午後醒腦的超筍選擇。

• 麥當勞推$1即磨黑咖啡！McCafé咖啡3大熱賣口味 即磨鮮奶咖啡 (Latte) /熱即磨黑咖啡 (Americano)/ 熱椰香鮮奶咖啡

優惠形式：系統隨機派發，僅限麥當勞App「特選會員」使用，並非人人都有
換購價：憑券以$1換購「細杯裝」McCafé熱咖啡一杯
可選款式︰熱即磨鮮奶咖啡 Latte/熱即磨黑咖啡 Americano/熱椰香鮮奶咖啡 椰香Latte​
使用方式︰打開麥當勞App → 進入「優惠券」版面 → 查看是否獲派「$1咖啡」隱藏券 → 於指定期限內到分店掃碼換領

註︰優惠券數量有限，設使用期限，逾期無效。優惠受麥當勞條款及細則約束，麥當勞保留最終決定權。

惠康$1優惠︱一連3晚$1限量掃A5和牛/帝王蟹腳

惠康今年破天荒首度舉行直播購物節「#開Livewithwellcome」，一連三晚（2026年3月24日至3月26日）送出震撼全港的$1激抵價！最誇張的是，今次不是普通零食，而是連貴價日本A5和牛及北海道熟帝王蟹腳都有機會$1帶回家。

↓點擊圖片放大↓

除了$1貨，惠康仲大方派錢！直播期間會送出總值約$7,500的電子現金券。加上網購滿$399即享免運費，宅在家中睇Live掃貨，直接送貨上門，完全不用自己搬屋！

• 惠康優惠｜一連3晚人氣產品$1發售+首度開LIVE狂派$7,500現金券 瘋狂搶A5和牛/帝王蟹腳 附直播時間表！

這次直播由人氣主持東方昇、廿四味 Brian及Uncle K 健叔輪流坐鎮，每晚主題不同，除了$1貨品，現場更有近百款產品以「直播特價」發售。大家預先下載惠康 App並登入帳戶，準備好裝滿你的購物車啦！

↓點擊圖片放大↓

活動日期：2026年3月24日至3月26日（星期二至四）
直播時間：每晚8時至9時30分
直播平台：惠康官方Facebook專頁及Instagram同步直播

美心$1優惠︱美心MX $1凍厚椰拿鐵

美心MX驚喜推出限時$1超震撼優惠，平時賣超過$20的人氣特飲「凍厚椰拿鐵」，現在只需$1就能入手！這款拿鐵以香濃咖啡基底混和絲滑厚椰奶，口感層次豐富，絕對是下午茶消暑、醒腦的神器！

↓點擊圖片放大↓

↓點擊圖片放大↓

+5

+4

今次優惠主要是回饋Eatizen 美心薈會員，如果還未註冊，只需用手機App領券，即可在全線分店（部分除外）享受這份「跳樓價」驚喜。

• 連鎖餐廳美心MX優惠 $1換購「凍厚椰拿鐵」附換領教學! 全線美心MX分店供應

推廣日期︰即日起至2026年3月29日
適用分店：全線美心MX分店（大會堂及西九高鐵站分店除外）
換領方法︰須為Eatizen（美心薈）會員 → 下載並登入Eatizen App或美心 MX App → 進入「優惠券」頁面，領取「$1 凍厚椰拿鐵」電子券 → 到門市落單時，出示優惠券條碼掃描，即可以用$1換購

註︰每張優惠券只限單一發票使用一次、數量有限，換完即止，優惠受條款及細則約束。

意粉屋$1優惠︱意粉屋$1任食蒜蓉包

連鎖西餐廳意粉屋 The Spaghetti House 突發推出超狂「雙重優惠」，當中最吸睛的是午市只加$1就可以瘋狂任食蒜蓉包。意粉屋的蒜蓉包一向以「外脆內軟、蒜香濃郁」聞名，平時單點都要幾十蚊，現在加$1就能無限續碟，CP值爆棚！

↓點擊圖片放大↓

+3

+2

想享受這個$1著數，就要留意優惠必須「全枱客人一同加配」，例如2個人就要加$2，4個人加$4，如此類推。

• 意粉屋優惠$1任食蒜蓉包+限時4日全日88折 !

推廣日期：即日起至2026年3月31日
適用時間：星期一至五午市時段
適用分店：全線意粉屋分店適用

註︰每單只限用一次，蒜蓉包數量有限，供應完即止。

半島漁港$1優惠︱晚市$1燒味3選1

連鎖酒樓「半島漁港」突發推出超震撼的「$1 燒味三選一」快閃優惠，只要在星期一至五晚市時段，2位或以上同行開枱，即可以$1瘋狂價歎到招牌燒味一份！

↓點擊圖片放大↓

今次優惠誠意十足，3款主打燒味都是酒樓的人氣之選，包括至尊燒鵝、極品BB豬，以及海南文昌雞，最啱約家人朋友開大枱慢慢吃。

• 連鎖酒樓突發$1燒味優惠！狂劈$1歎燒鵝＋乳豬＋文昌雞／即睇指定優惠時段 (全港9間分店)

↓點擊圖片放大↓

+4

+3

優惠日期及時段︰由即日起於星期一至五晚市供應，公眾假期及節日除外（只限堂食）
適用條件︰2 位或以上，晚市堂食即可享用，每枱限享一次

半島漁港指定分店︰

1. 元朗店︰元朗鳳琴街22號金龍樓地舖及1樓（電話︰2668 5577）
2. 秀茂坪店︰觀塘秀茂坪邨秀茂坪商場2樓203號舖（電話︰2668 8896）
3. 油塘店︰油塘鯉魚門道80號鯉魚門廣場2樓208B舖（電話︰2698 3833）
4. 將軍澳店︰將軍澳唐德街1號將軍澳廣場1樓104號舖（電話︰2368 3588）
5. 南昌店︰九龍南昌站西邨路19號南昌薈1樓F102號舖（電話︰2368 1918）
6. 荃灣店︰荃灣眾安街68號荃灣千色匯1期6樓（電話︰2666 6822）
7. 天水圍店︰天水圍天華路33號T Town North 1樓N105-109號舖（電話︰2836 9988）
8. 灣仔店︰灣仔軒尼詩道71-85號熙華大廈地下及一樓（電話︰2666 0998）
9. 馬鞍山店︰馬鞍山烏溪沙路8號迎海薈地下2A號舖（電話︰2668 9022）

註︰燒味每日新鮮燒製，數量有限，賣完即止。

逸月軒/逸豪軒$1優惠︱晚市$1燒鵝皇/珍珠花尾斑/文昌雞3選1

逸飲食集團旗下兩大熱門酒樓「逸月軒」及「逸豪軒」，最近聯手推出超瘋狂的「$1 招牌菜」限時優惠。晚市堂食2位起入座即可用$1激抵價歎一款招牌菜式，包括至尊燒鵝皇、珍珠花尾斑或海南文昌雞，無論一家人飯聚或朋友開枱都相當吸引。

• 連鎖酒樓突發$1燒鵝皇大劈價！$1歎珍珠花尾斑/南海文昌雞 教1招即享優惠 (附優惠時段)

↓點擊圖片放大↓

+3

+2

優惠時段︰星期一至日，晚市堂食供應
入座要求︰必須2位或以上堂食
優惠詳情︰至少點選1款正價小菜，即可加$1換購3款招牌菜其中1款

逸月軒/逸豪軒適用分店︰

1. 逸月軒︰荃灣楊屋道18號荃新天地2期1樓130-135號舖（電話︰2690 3168）
2. 逸豪軒︰荃灣德士古道36-60號荃薈商場2樓S215-S215A舖（電話︰2662 3348）

註︰$1優惠只限三款招牌菜其一，不能同枱多款同時以$1點選。$1優惠不可與「至抵食晚飯優惠套餐」同時使用。

多彩皇宮酒樓$1優惠︱$1鮑汁冬菇扣花膠/燒鵝燒雞/老虎斑

老字號「多彩皇宮酒樓」突發推出3月份超狂「$1 經典菜式」晚市優惠，今次陣容極度奢華，由滋補鮑汁扣花膠到原隻脆皮燒雞、甚至清蒸老虎斑通通只需$1。現在只要5位或以上惠顧晚市，全枱即可以$1換購鮑汁冬菇扣花膠，而且是每人一客。

• 酒樓優惠｜老字號粵菜酒樓破底價 1蚊嘆鮑汁冬菇扣花膠、清蒸金邊老虎斑、至尊燒鵝皇、脆皮燒雞

↓點擊圖片放大↓

+9

+8

除了花膠，多彩皇宮還針對不同人數推出了多款$1經典小菜︰

推廣日期︰即日起至2026年3月31日
供應時段︰每日晚市時段（約下午5時30分起）
地址︰石硤尾南昌街美彩樓地下/美彩樓1樓
訂座電話︰2778 0278 / 2778 0278

註︰需「全枱惠顧」及達指定人數方可享$1價，菜款及數量有限，建議提早致電訂位及查詢當日供應。

大埔京都大酒樓$1優惠︱早茶$1精美點心

近日有網民在Facebook群組「香港酒樓關注組」分享，指大埔連鎖酒樓「京都大酒樓」推出早茶$1點心優惠，逢星期一至六早茶時段，多款人氣點心通通只需$1！而且款式日日不同，包保有驚喜！人氣點心必吃有蟹籽燒賣皇、鮮蝦菜苗餃、潮州蒸粉果、鮮蝦炸雲吞，以及水晶蝦餃皇等。

優惠日期︰逢星期一至六
優惠時段︰早上6時30分至11時30分

註︰每位食客每款$1點心限叫一件，數量有限，售完即止。

Ruby Tuesday$1優惠︱$1加購炸雞粒/松露青口/雞翼拼盤

美式連鎖餐廳Ruby Tuesday推出「3月盛饗盛享」快閃優惠，其中最吸睛的是「$1加購小食」，晚市堂食消費滿指定金額，即可以$1換領多款人氣小食，包括脆炸雞粒、忌廉松露青口、雞翼拼盤及經典芝士薯條，「簡直平過食快餐！」

• Ruby Tuesday突發$1歎炸雞粒/松露青口/雞翼！教1招免費送薯條+120分鐘任飲／網民: 平過食快餐 (附優惠日期)

↓點擊圖片放大↓

+2

優惠日期︰即日起至2026年3月31日
供應時段︰每日下午5時後（只限堂食）
適用分店︰全線Ruby Tuesday分店
換領方法︰堂食單一帳單消費滿指定金額（例如滿$200，實際門檻以店內公布為準），並於結帳時出示餐廳宣傳圖示或向店員表示使用「$1加購小食」優惠

註︰每張帳單只限以$1加購指定小食一次，數量有限，售完即止。

賞茶$1優惠︱$1加購白桃烏龍

人氣台式手搖品牌「賞茶」正式登陸上水中心，為慶祝新店開幕，特別推出一連7日的「開幕驚喜加購」活動。不但每日都有不同的人氣飲品供加購，價格更逐日下調，由$7開始減到最後一日只需$1就能飲到清爽的白桃烏龍，手搖迷絕對不能錯過！

• 連鎖茶飲$1開幕優惠! $1歎珍珠奶茶/白桃烏龍/荔枝蘆薈

↓點擊圖片放大↓

+8

+7

優惠日期︰2026年3月18日至3月24日（星期三至二）
優惠玩法︰於賞茶上水中心店購買任何正價飲品1杯，即可按當日指定「加購價」再加購一杯指定凍飲；買2杯正價飲品即可加購2杯，以此類推

每日指定加購飲品一覽︰

• 2026年3月18日（星期三）：+$7 桂花烏龍蘆薈
• 2026年3月19日（星期四）：+$6 粉粿蕎麥茶
• 2026年3月20日（星期五）：+$5 珍珠蜂蜜綠
• 2026年3月21日（星期六）：+$4 椰果奶綠
• 2026年3月22日（星期日）：+$3 荔枝蘆薈
• 2026年3月23日（星期一）：+$2 珍珠奶茶
• 2026年3月24日（星期二）：+$1 白桃烏龍

香港國際試食節$1優惠︱$1入場門票/魚蛋/果乾

年度美食盛事回歸！「香港國際試食節暨優質食品博覽 2026」將於2026年4月3日至7日，一連五日登陸灣仔會展。今屆規模超大，現場設有近500個美食攤位，最吸睛的一定是多款「$1 瘋狂優惠」。由入場門票到會場限定食品，通通只需$1！

• 香港國際試食節2026登陸會展！4.3一連五日逛500攤位 $1搶魚蛋紅酒/免費派金豬燒肉（附免費領票連結）

↓點擊圖片放大↓

+3

+2

$1優惠必搶清單

• $1門票︰展期內每日首1,000名於現場購票的人士，即可以$1超激抵價入場（正價門票$10）
• $1彈牙順德魚蛋︰展位1C-K17(業昌食品有限公司)，每日早上11時起，以$1限量發售順德魚蛋（每日限20盒，每人限購1盒）
• $1有機超級食物︰展位1A-U07(華御堂 Cinagro 有機系列)，每日精選部分貨品低至$1或$10發售，包括有機熟亞麻籽、冷榨亞麻籽油、五黑養生粉等（每款每日限量10件）
• $1台式蜜餞果乾︰展位1B-M31 & M32(Juwan Trading)，指定口味台式果乾每日限量$1（每日20包）；另有指定粉類產品以$10特價登場

活動日期︰2026年4月3日至7日（星期五至二）
活動地點︰灣仔香港會議展覽中心
活動開放時間︰早上10時至晚上8時（最後一日至晚上7時）

註︰以上資料以主辦方公布為準。