身邊總有一位朋友係「茶飲星人」，無論行街行到攰、返工返學壓力大，都需要一杯珍珠奶茶續命！作為手搖控嘅小編就私心整理出香港10間人氣珍珠奶茶店，由台灣過江龍、邪惡芝士奶蓋，到低負擔嘅清爽水果茶通通有齊，而且遍布港九新界！即刻save低呢個post參考下～
Table of Contents
- 【白色情人節必去】社群請您食Starò星空傳情晚餐✨
- 1. 龜記茗茶（尖沙咀 | 沙田 | 葵芳）
- 2. Le Jus （銅鑼灣 | 啟德 | 沙田）
- 3. 倆仨杯 （尖沙咀 | 灣仔 | 啟德）
- 4. TEATOP第一味（元朗 | 鰂魚涌 | 火炭）
- 5. 春水堂（尖沙咀 | 灣仔 | 太古 | 東涌等）
- 6. 吃茶三千（旺角 | 尖沙咀 | 銅鑼灣等）
- 7. 絲茶Silk tea（旺角 | 鰂魚涌 | 尖沙咀等）
- 8. 萬波Wanpo Tea Shop（馬鞍山 | 將軍澳 | 觀塘 | 旺角等）
- 9. 再睡5分鐘（觀塘 | 旺角 | 啟德等）
- 10. NUTTEA（尖沙咀 | 九龍灣 | 赤鱲角機場等）
【白色情人節必去】社群請您食Starò星空傳情晚餐✨
臨近白色情人節， 社群請您免費去人氣星空主題餐廳Starò，同另一半或者好姊妹歎「星空傳情晚餐」，歎即開生蠔、鮮拆龍蝦等，仲包埋即影即有同夢幻雪花相架！即日起至2026年3月22日，簡單登記就有機會免費去食，同重要嘅人度過浪漫嘅星空約會～
1. 龜記茗茶（尖沙咀 | 沙田 | 葵芳）
唔係所有手搖飲品都係「廢水」！台灣過江龍「龜記茗茶」係其中一個健康選擇，佢主打天然新鮮古早味茶飲，創立至今有超過150間分店，就連MAMAMOO玟星都有幫襯過！近年亦分別於葵芳、沙田同尖沙咀設有分店，網民力推招牌「紅柚翡翠」；「茶王奶茶」就適合鍾意濃厚茶底嘅朋友，各位手搖控又試咗未呢！
地址：各區分店詳情見官網
2. Le Jus （銅鑼灣 | 啟德 | 沙田）
如果您係果昔控，咁呢間果汁店「Le Jus」就啱晒注重健康又鍾意鮮果口味嘅您！佢主打用無添加糖及代糖製嘅成嘅新鮮水果奶昔，保留水果最天然嘅營養纖維，絕對係上班族福星！網民大推「芒果椰奶乳酪」酸酸地之餘帶點鮮甜，唔會太Heavy，每杯都係真材實料！
> “Snowycookingmama” 分享Le Jus必點之選<
地址：各區分店詳情見官網
3. 倆仨杯 （尖沙咀 | 灣仔 | 啟德）
台式小店「倆仨杯」主打創新台式茶飲，除咗3間分店外，更聯乘Youtuber小薯茄於旺角朗豪坊開設主題店。秉承「放鬆是一種選擇」嘅宗旨，以親民價錢及多款創新飲品、台式小食為客人帶嚟輕鬆嘅用餐體驗，平均HK$60就食到一餐！啱晒假期聚餐或者想搵間平價餐廳再飲杯杯珍珠奶茶嘅您～
地址：各區分店詳情見官網
主題店地址：朗豪坊12樓01號鋪倆仨杯x小薯茄主題店
4. TEATOP第一味（元朗 | 鰂魚涌 | 火炭）
台灣過江龍「TEATOP第一味」採用自家南投茶園出產台灣茶葉，每日新鮮沖泡，保證茶味濃厚！必點「108杯王」，由台灣師傅手工將自家烏龍茶細火慢焙108小時，茶韻香濃，另外仲有「招牌青茶3Q」、「竹香白柚飲」等人氣之選，醇茶控必試啊！
地址：鰂魚涌海光街4A號地舖
> “luvv.sharing” 分享TEATOP必點茶飲推介<
5. 春水堂（尖沙咀 | 灣仔 | 太古 | 東涌等）
珍奶控必飲台灣過江龍「春水堂」珍珠奶茶！作為珍珠奶茶發源地，主打Q彈口感嘅珍珠，小編都好鍾意佢哋啲珍珠細細粒好有咬口！佢除咗有多款醇茶及奶茶之外，仲有多款台式餐點如黃金香酥雞、牛肉麵等等，同時滿足您食飽飲飽嘅願望！
地址：各區分店詳情見官網
6. 吃茶三千（旺角 | 尖沙咀 | 銅鑼灣等）
相信手搖控都一定有聽過「吃茶三千」，目前喺香港已經有18間分店，遍布港九新界，可見有幾受歡迎！佢憑住高質鮮奶茶及台灣茶葉，被網民稱為「手搖界Hermès」，更多次獲得國際殊榮～「國王珍珠奶茶」、「松針綠茶」系列及「水仙桂花蜜」都係必試之選～
地址：各區分店詳情見官網
> “frostiewithfood” 分享吃茶三千全新葡萄系列<
7. 絲茶Silk tea（旺角 | 鰂魚涌 | 尖沙咀等）
如果您係奶蓋迷，咁就一定要試下香港品牌「絲茶Silk tea」，主打將港式奶茶用創新手法及台式手搖飲技術呈現出嚟，保留經典港式茶飲風味同時，更加符合大眾喜好！經典「三重茶皇」、「黑鑽茶皇」必試，另外佢嘅芝士奶蓋都係出名濃郁，點餐後30分鐘內可以無限添加，根本係奶蓋迷天堂！
地址：各區分店詳情見官網
8. 萬波Wanpo Tea Shop（馬鞍山 | 將軍澳 | 觀塘 | 旺角等）
台中過江龍茶飲店「萬波」目前喺香港開設9間分店，由天水圍到旺角都有分店，而且每一間人龍不斷！主打將高品質原茶及配料結合，打造出創新可口嘅手搖飲品！招牌「紅蘋島嶼」、「金萱珍波粉」、「黑糖珍珠鮮奶」都係店內人氣之選！
地址：各區分店詳情見官網
9. 再睡5分鐘（觀塘 | 旺角 | 啟德等）
同樣超人氣嘅台灣過江龍手搖店點少得由台灣Youtuber滴妹創立嘅「再睡5分鐘」，目前喺香港已經設立10間分店！佢主打口感綿滑細膩，厚達約3公分嘅「棉被厚奶蓋」系列，同時都係手搖店嘅銷量冠軍！小編最鍾意飲佢哋嘅「棉被午茉綠」、「日安紅厚奶歐蕾」，奶香味重又唔會蓋過佢本身嘅茶味，加埋珍珠仲dope！
地址：各區分店詳情見官網
10. NUTTEA（尖沙咀 | 九龍灣 | 赤鱲角機場等）
另一間奶蓋迷愛店必屬台灣過江龍「NUTTEA」！佢主打用堅果萃取堅果奶製作出奶蓋，再用台灣茶製成香濃堅果奶蓋茶，使用純植物奶，表面再灑上堅果增添口感層次，健康而且茶底甘醇，係唔少香港人嘅茶飲之選～招牌「繽紛火龍果奶蓋茶」、「伯爵朱古力堅果奶蓋茶」都係網民力推必飲品！
地址：各區分店詳情見官網
招募U Creator l 出Post賺額外收入！
立即登記➡️ https://ulapp.hk/x0tuk
🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
圖片來源：官方網站@龜記、@倆仨杯、@春水堂、@萬波、IG帳戶@nuttea_hongkong、@silk.hk、社群U Creator @Snowycookingmama、 @luvv.sharing、 @frostiewithfood、 @Abbieabbie
-
特色茶飲
利東街
🧋台式珍珠奶茶x港式絲襪奶茶
港式香濃奶茶一向是我杯茶!絲茶Silk以港式絲襪奶茶作茶底與台灣手搖飲品文化融為一體,配搭黑糖珍珠､芝士奶蓋及仙草等食材,製作出多款特色手搖飲品!今次行經利東街,見到有絲茶,終於可以一嚐滋味啦! 門店裝潢精緻,今次我同珠爸分別點了兩款招牌飲品: 🧋三重港茶皇 $38 以港式絲襪奶茶作茶底,一杯有齊芝士奶蓋､奶茶､黑糖珍珠,仲有焦糖脆脆!我點了少甜少冰,味道剛剛好👍🏻 正常糖應該會幾甜… 港式奶茶味突出,入口香滑,珍珠煙靭甜度適中,飲完真係好想再encore! 🧋黑糖港茶波波 $32 同樣口感柔滑,茶味濃厚,加埋黑糖珍珠,啱晒嗜甜的珠爸✨ 💬個人覺得性價比✅ 皆因大大杯,味道合哂口味｡下次見到,一定encore三重港茶皇💓 *-｡-｡-｡-｡-｡-｡-｡* 📍絲茶 (灣仔) 灣仔皇后大道東200號利東街地下G39號舖 #灣仔美食#灣仔好去處#利東街#絲茶#silktea#三重港茶皇#黑糖港茶波波#港式奶茶控#打卡美食#相機食先#不專業食評#hkfoodie#foodie#hkigfoodie#hongkongfoodblogger#人人生日快樂#甜甜蜜蜜過新年#2025chillguy#ucreatorhk#ucreator
閱讀更多
-
特色茶飲
龜記茗茶
📌 葵芳│龜記茗茶│一喝便愛上的台灣過江龍
葵芳兩大商場一直都是手搖店的修煉場，選擇跟款式眾多實在多不勝數；早兩月開始又有來自台灣的人氣品牌來到香港開設本地的首間分店，主打健康天然古早味道，就跟中同們來試試這家 紅柚翡翠 $42（珍珠 +$5） 蘋果紅萱 $38（蘆薈 +$7） 碎銀普洱鮮乳 $36（珍珠 +$5） 先來店家的招牌飲料，這個在台灣月售100萬杯超誇張，來到香港也是人氣飲料啊！加入新鮮西柚肉再配上代表「翡翠」的綠茶，酸酸甜甜好清爽啊！飲品真的有非常多的西柚肉，每飲一口啖都飲到絲絲柚肉，再另加由蜂蜜製成的琥珀珀珍珠，口感豐富，綠茶茶香帶回甘～ 選了三分糖，不過對於我們來說也已經太甜，如果不嗜甜的朋友可以直接走甜會比較好 另一款同樣是店家的人氣特色飲品，新鮮蘋果汁搭配集合茶香、花香、熟果香三種口味的三韻紅萱，喝起來非常順口，茶底本身甘醇渾厚也回甘，蘋果香甜味道芬芳，建議加配蘆薈令增加口感，一喝就愛上了！糖度很適合調成一分糖，因為會更突顯出茶味跟蘋果香～ 開業至今已成了銷售排行榜前五名，味道實在很好自己很喜歡這個 還是首次喝碎銀普洱，聽店員介紹才知道這款茶葉是帶有微微的糯米香！去年首次接觸了這種如此有特色的中國茶之後就很喜歡了，自帶糯米的香氣本來就已經夠特別，加上牛奶又會有另一種風味～ 這杯實際上的比例是以鮮牛奶為主打，茶味不會太重但每一口都會喝到淡淡的茶香，口感因為牛奶而變得香滑；聽從店員推介加入蜂蜜珍珠，飲品會滲出微微蜂蜜的香甜，值得一試 店家是來自創立於2017年的台灣過江龍手搖茶飲品牌，不少在台灣旅行的港人早已對這間手搖店並不陌生～ 以堅持新鮮、健康、天然為理念，供應的款式以茶為主調，再搭配其他的天然食材，簡單純粹的味道，最重點是可以喝得健康點啊！對於想喝手搖又怕糖份高的朋友（包括我）來說這個很適合，下次要再來試試別的 📌 龜記茗茶 葵芳興芳路223號新都會廣場2樓266號舖 傳送門👉🏻 https://www.instagram.com/guiji_hk ◎ ◎ ◎ ◎ ◎ ◎ ◎ ◎ ◎ ◎ 😊 更多美食資訊分享 👇🏻 IG : likkolifelog Openrice: iamNICO #蘆薈 #珍珠 #蘋果 #蜂蜜 #西柚 #普洱 #水果 #葵芳 #香港美食 #新都會 #新都會廣場 #生果 #水果茶 #果茶 #葵芳美食 #茶飲 #手搖飲 #手搖 #手搖飲料 #台灣茶飲 #葵芳新都會 #特色茶飲 #掃街 (此文章由U Blog 同步發佈至社群)
閱讀更多
-
特色茶飲
THE SOUTHSIDE
【黃竹坑新蒲點！台飲過江龍🤩】
【黃竹坑新蒲點!台灣過江龍茶飲店登陸】 巨型900ml茶飲+松子仁脆脆+免費叉電仲有學生優惠 各位朋友!發現到黃竹坑最近開左呢間｢過江龍｣台灣人氣茶飲店 813 MUSIC BOBA TEA 啊!唔使飛台灣都可以飲到正宗台茶,仲要超大杯､超足料,插埋蘇叉電兼有Wi-Fi,啱曬打工仔見客,學生聚腳好去處~ 📍 霸氣登場!900ml巨無霸size 講到最吸睛,一定係佢個 Max size 900ml 杯裝!拎上手真係重過部iPad,杯身仲有心思咁印咗時鐘顯示唔同時區,打卡一流!唔係得個大字,飲落真材實料,茶底全部每日新鮮沖泡,唔用茶粉,誠意分爆燈! 🔥 必飲推介!茶飲迷試勻呢幾款 · 松子仁緹紅:真‧松子仁炒到香噴噴,脆口到不得了!飲落紅茶底濃郁,但完全無蓋過松子嘅堅果香,口感同味道層次雙重享受~ · 奧利奧緹紅:Oreo控必嗌!碎餅乾掛滿濃厚奶蓋,佢哋用紐西蘭Anchor牛奶打製,奶香順滑,同紅茶甜度平衡得啱啱好,邪惡但好難戒啊! · 黃金香柚(清新香茶系列):唔想飲奶嘅朋友,呢杯無奶系列好清爽!香水茶底好出,夾埋酸甜香柚果肉,解膩一流,熱天飲爽返晒! 🍗 小食驚喜!唔係得茶咁簡單 叫得｢過江龍｣點會淨係得飲~ 香酥雞塊外皮炸到金黃脆口,咬落去啖啖肉唔係粉團,食完唔會喉嚨乾,同茶飲簡直絕配! 💻 貼心免費Wi-Fi+插蘇位 呢度擺明係｢長坐友善｣!全場有Wi-Fi,仲有插蘇位免費叉電,返工帶部laptop嚟做嘢,或者放學同班friend傾project,坐足半日都得~ 🎉 著數速報!學生哥有著數 學生出示證件即享 88折!用Keeta落單再有 9折,計落好抵飲~快啲mark實地址啦! 地方闊落,打卡位多,枱同凳都坐得舒服,好適合約班friend嚟吹水､放空,甚至對住部腦 hea 足一日~茶飲真心大杯扎實,環境舒服到唔想走,加上學生折扣同叉電設施,絕對係黃竹坑新晉 hea 點!睇完post心郁郁?快啲去試下啦~ 🍵✨ 813 MUSIC BOBA TEA 📍地址:黃竹坑香業道11號The SouthSide地下LG18室 ⏰時間:星期一至日 11:00am - 11:00pm #黃竹坑美食#奶蓋茶#脆脆口感香港茶飲推薦#休閒好去處#過江龍茶飲#學生優惠#叉電茶店#珍珠#奶蓋#UCreator#仙草#芋圓#奶茶
閱讀更多
