外國超Hit的「魚子醬麥樂雞」香港都食到啦！全新「魚子醬創新實驗室」Morley Gasto & Bar 破格登場！餐廳前身為札根香港20年的高級食材批發商，今次親自落場開Bar，主打以平民價錢大歎頂級魚子醬！必試網紅食法「魚子醬麥樂雞」、全港首創魚子醬Cocktail、$299歎12年頂級魚子醬Set，更有$128無激素鵝肝飯，以及雙重黑松露 Gelato等，即睇小編試食推介！
魚子醬的創新實驗室 Morley Gasto & Bar
平時覺得魚子醬高高在上，淨係去 Fine Dining 先食到？全新概念餐廳 「魚子醬的創新實驗室 Morley Gasto & Bar」 絕對會顛覆你對魚子醬的想像！餐廳老闆本身是營運了 20 多年的高級食材進口和批發商，眼見零售業務轉型，突發奇想直接開設實體餐廳，將最頂級的食材以超親民的價錢帶給食客，並希望透過這間「創新實驗室」與客人有更多交流。當中最矚目的，絕對是神還原外國網紅爆熱食法的「魚子醬麥樂雞」，即睇 U Food 編輯精選的 5 大必食亮點！
▼即睇menu▼
必食亮點一：外國爆紅打卡「魚子醬麥樂雞」
近期外國麥當勞及網紅界掀起一股「魚子醬食法」熱潮，將平民麥樂雞配上矜貴魚子醬！Morley Gasto & Bar 完美還原這個極致邪惡的神級配搭！
Caviar Nuggets ($199)
組合包含 9 件炸到金黃酥脆的麥樂雞，配上 2 份精選魚子醬。麥樂雞的香脆油香，與魚子醬爆發的鮮甜鹹香完美結合，打卡必叫！
必食亮點二：$299 平民價歎12 年頂級魚子醬組合
邊個話食魚子醬一定好貴？作為高級食材批發商，餐廳推出極高CP值的入門必點套餐：
Caviar Bump Set ($299)
選用西伯利亞與俄羅斯品種雜交、經過長達 12 年養殖孕育的 Hybrid 鱘魚子醬。魚子顆粒飽滿，色澤由金黃至深棕不等，入口帶有極醇厚的堅果與奶油風味。
* 正宗食法配搭： 附上自家製的俄羅斯布林餅 (Blini) 及法式酸奶 (Creme Fraiche)，利用微酸的奶香中和鹹度、提升鮮味；套餐更附送 2 杯 Vodka Shots，儀式感拉滿！
必食亮點三：$128 激抵高質主食！無激素鵝肝 / 煙燻牛扒
除了魚子醬，這裡的主食同樣大有來頭，而且價錢貼地：
匈牙利純粹鵝肝飯 ($128)
嚴選匈牙利出口的「無激素鵝肝」，煎至外脆內嫩，油香大爆發，撈飯一流！
荔枝蘋果木燻牛扒飯 ($128)
牛扒採用荔枝木混合蘋果木，經過足足 6 小時的低溫煙燻，肉質軟嫩多汁，帶有淡淡果木幽香。
必食亮點四：全港首創！魚子醬 & 黑松露主題 Cocktail
食高級食材當然要配美酒，餐廳的 Mixologist 特別研發了極具創意的特飲：
Morley 魚子醬雞尾酒 ($158)
全港首創！以龍井 (Longjing)、Riesling 白酒、青蘋果及米味噌 (Rice miso) 調製，味道層次豐富清爽，與魚子醬是絕配。
Forest Twilight 黑松露雞尾酒
以 Tequila 及 Mezcal 為基底，加入百里香、蘑菇、煙燻李子及松露油，充滿神秘的大地森林氣息。
必食亮點五：極盡奢華！魚子醬清酒 / 雙重黑松露 Gelato
甜品控注意！這裡的意式雪糕 (Gelato) 絕對會令你驚喜：
魚子醬清酒 Gelato ($69)
採用日本清酒，交由香港本地專屬廠家新鮮生產，酒香醇厚順滑。
季節限定 Truffle on truffle gelato ($158)
極度重手！將新鮮黑松露打成蓉直接融入 Gelato 基底，面頭再瘋狂刨入大量新鮮松露片，每一啖都是極致的松露香氣！
魚子醬的創新實驗室 Morley Gasto & Bar
地址：銅鑼灣耀華街30號地舖
營養時間：
星期一至星期四 : 12:00-12:00
星期五: 12:00-0200
星期六至日: 15:00-02:00
飲食熱話
-
日式料理
龍亭
睇完黑白大廚走咗去試好野，魚子醬&和牛龍蝦都dope !😂
今日同朋友慶祝生日, 訂左個｢尊貴魚子醬松本和牛花龍蝦盛宴 ｣$1188 漬物三色品: 三文魚他他漬物(配薄荷葉喺底,幾清新) 三文魚上顎配口感唔錯 橡果巴馬火腿沙律(配魚子醬加黑醋) 原罐Raphael Kaluga 25 years魚子醬伴鐵板鱈魚脆片 (Caviar with Codfish Chips) 他他醬好有驚喜,口感滑身,微酸帶甜｡鱈魚片燒得好脆,配他他醬係超好食｡魚子醬外觀粒粒分明及閃亮,氣味清鮮唔太腥,口感爆開､油潤｡ 用珍珠母或水晶匙品嚐魚子醬享受到豐富層次｡ 慢煮溏心鮑魚 (Slow-cooked Poached Bacon) 肉質嫩滑彈牙,味道鮮甜,加上鮑魚中心帶有半液態的熟稔程度,一試愛上 鐵板原隻野生花龍蝦 (Iron Plate Original Wild Lopster) 龍蝦肉質鮮甜彈牙,口感不錯｡配上紫蘇葉一齊食用,葉香同龍蝦甜味互相襯托,令味道達到平衡｡ 鐵板A5松本和牛薄燒 (配有一粒切到好似蘑菇咁精緻嘅櫻桃蘿蔔解膩) 薄燒鎖住肉汁,肉質鮮嫩,油脂香氣能帶出原味,搭配山葵享用提升鮮味並平衡油膩感,肉香和山葵配搭得宜｡ 最後以香濃花膠燉湯(Fish Maw Soup)和黑松露海鮮炒飯(Grilled Seafood Fried Rice) 做收尾｡ 是日甜品係黑糖燕窩柚子雪葩｡ 生日仲有得送個畫碟! #日本菜#壽司#刺身#拉麵#OMAKASE#日本
閱讀更多
-
打卡熱點
BARCODE
維港靚景圖書館，美食天堂！🤤📚
📍Bochord ✨圖書館feel望住維港靚景 📌銅鑼灣 📍 地址:銅鑼灣告士打道280號世貿中心11樓1101號舖 呢度環境好似靜靜雞嘅圖書館,仲有無敵維港海景,chill到爆! 🥂 Tasting Menu $1388 🐙 前菜1:西班牙墨魚配皇家魚子醬 薄切墨魚搭頂級魚子醬,仲有煙燻魚卵同柚子辣椒泡沫,層次豐富又fresh! 🐟 前菜2:吞拿魚腹刺身 入口即溶嘅Toro,配紅蘿蔔絲同吞拿魚油凍,生薑同浮游生物醬令鮮味爆棚｡ 🐚 52度帶子 日本帶子煮到52度啱啱好,配香辣荷蘭醬同雙魚泡沫,香氣同口感一流! 🦀 海膽撻 日本海膽同紫蘇泥整成滑溜餡料,甜美鮮味到極點,海膽控一定愛死! 🦀 前菜3:清蒸藍蟹 新鮮藍蟹肉配梅子素麵,青椒蔥醬汁加墨魚汁醋薄膜,灑上脆卜卜紅蔥頭,層次感滿分! 🍲 湯:海鮮藏紅花湯 海鮮湯配海膽醬同日本鰤魚刺身,濃郁鮮甜,飲完好滿足! 🍖 前菜4:伊比利亞火腿配黑松露 36個月熟成火腿,搭牛肝菌同夏季黑松露片,香到暈! 🍤 主菜1:炭燒太平洋大蝦 大蝦用海鮮照燒醬炭燒,配迷迭香蒜泥同蝦油奶油,味道濃郁又層次分明! 🥩 主菜2:澳洲M9和牛肋排 63度低溫慢煮和牛肋排,柚子牛肉醬汁同珍稀虎掌菌,豪華得來好滋味! 🍰 甜品:海鹽焦糖朱古力慕斯蛋糕 64%黑朱古力慕斯,帶海鹽焦糖同烤榛果脆片,甜得啱啱好,完美ending! 🍹 Mocktail:Follet 百香果､鳳梨醋同檸檬水調出來,酸酸甜甜好開胃! #Bochord#銅鑼灣美食#TastingMenu#法日fusion#ghd雪葩粉紅慈善限量系列#全方位護齒三步曲#夏日排毒瘦身
閱讀更多
-
日式料理
極尚大瀛喜日本料理
超讚刺身放題！🤤🐟🥢
全層超大,樓底高挑､光猛通爽,枱距鬆動唔焗,坐低即刻放鬆心情｡店員態度超nice,上菜速度快到飛起,叫咗QR code落單,基本上幾分鐘就有得食,唔使等耐 新鮮厚切到誇張 -厚切挪威三文魚:入口即化,油潤鮮甜 -藍鰭吞拿魚刺身(拖羅級):油花分布均勻,甜中帶香,質素直逼高檔刺身 -北海道帶子:超大粒,軟糯鮮甜 -象拔蚌:爽脆彈牙 -長腳蟹腳:肉厚多汁 刺身任食到飽,每款都新鮮冇腥,師傅即切即送,食幾多叫幾多都唔嬲! 壽司 / 手卷一樣出色,醋飯酸香平衡,握得剛好: -海膽手卷 -魚子醬藍鰭拖羅手卷(高級到爆) -鹽焗膏蟹(或油鹽焗膏蟹):膏滿肉厚,咸香鎖住鮮甜,蟹自由食到飽 -鐵板星級鵝肝多士:入口即溶,多士香脆,邪惡必點,忍唔住叫咗幾件 -金磚慢煮紅酒鵝肝:絲滑似雪糕,紅酒味中和膩 -XO醬翡翠爆炒螺片:爽脆惹味,鑊氣十足 -炸物 / 天婦羅:炸蝦､極品金枕頭榴槤燒(榴槤控尖叫,燒到暖笠笠,爆餡香濃) -其他如避風塘炒蟹､油鹽焗大頭蝦(如果有新鮮貨) 自助區任食到爆!冷盤沙律､前菜小食､熱食､天婦羅､串燒､水果 • Haagen-Dazs / Movenpick雪糕任食 • 楊枝甘露拼芋圓 • 各種甜品､水果 • 飲品超多:日本啤酒､清酒､梅酒､生啤､蜜瓜豆奶､熱茶 性價比高到離譜,食完覺得回本幾倍｡強烈推介畀所有鐘意日式放題嘅朋友,特別系想食到高級食材又唔想太貴嘅人!人氣爆燈,記得提早book位 #刺身#放題#鵝肝#日本菜#壽司#刺身#拉麵#日本
閱讀更多
