舊式屋邨的人情味買少見少！被譽為「南山邨三大名物」之一、獲香港燒賣關注組極力推介的石硤尾「燒賣婆婆」，近日突傳結業消息！有街坊在網上發文指，婆婆因健康問題，將於 3 月中旬退下火線。消息一出震驚大批網民及「燒賣控」，紛紛慨嘆這份由細食到大、粒粒人手包製的獨家味道即將失傳。各位想作最後朝聖的朋友，要把握最後機會了！
石硤尾南山邨燒賣婆婆突傳3.18結業
根據 Facebook「深水埗街坊會」的網民帖文透露，日前去幫襯婆婆時，得知她因年事已高，加上長期受嚴重的腳痛困擾，即將要入院接受手術。雖然婆婆已經堅持手工做燒賣超過30年，但身體發出的警號已令她不得不停下腳步。目前預計店舖將營業至2026年3月18日。至於手術後會否重出江湖，婆婆表示暫時未有定案，令這份美味隨時成為絕響。
燒賣關注組
結業消息在網上傳開後，瞬間引發大量「南山邨之友」湧入留言。比起擔心無得食，更多街坊是心疼婆婆的付出。有網民溫馨留言：「阿婆身體要緊，我哋食少幾鑊都想你健健康康。」、「南山婆燒賣無傳人咁大鑊」、「呢間個味真係獨家，第二度食唔返」。甚至有忠實擁躉發起希望有人能「留低秘方」，不忍這份紮根南山邨數十年的民間美味就此消失。
南山邨三大名物！$12/5粒關注組力推手工燒賣
這粒被「燒賣關注組」封為神級的燒賣，背後承載著一段時代變遷。婆婆昔日在南山邨平台的夜市車仔檔起家，後來才搬到現時的街市擺檔，與炭爐雞蛋仔及白汁冰並稱為「南山邨三大名物」。婆婆始終堅持她的燒賣粒粒自家製，口感紮實惹味，誠意十足。
預計結業日期：2026年3月18日
地址： 石硤尾南山邨街市內（建議由大坑東道入口進入尋找）
溫馨提示： 由於婆婆一人主理且年事已高，預計結業前會出現長龍，前往朝聖的朋友請務必保持耐心，多加體諒婆婆的身體狀況。
人氣餐廳排名
-
香港攻略
南山邨
南山邨必食！😋🥢
南山邨必食推介 本身係約左朋友睇某個展覽,點知去到勁多人起碼排兩個鐘甘就一於去南山邨食野先,有幾間都係必食,我地未夠3點去到已經有好多人排隊 . -南山白汁冰 叫左個白汁西米,表面舖滿芒果肉,中層係煙靭西米,底層係雲尼拿牛奶沙冰,一次過可以食到唔同口感,性價比高,唔怪得甘多人排隊 -髀加燒 - 冬菇亭生炸雞髀 ｢髀加燒｣堅持生炸,雖然時間等得比較長,但炸出來雞髀外皮金黃酥脆,咬落去肉質鮮嫩又多汁,而且炸髀份量十足,成個手掌甘大,食完已夠哂飽肚｡我地再叫左個碗仔翅,有冬菇絲､雞肉絲､木耳絲等等,十分足料｡另外再叫左個魷魚,有少少辣但係味道有D咸 -C+屋 佢係一間零食士多,雪糕有超過30款味,而且口味特別,例如有地球(雲呢拿加薄荷味),仲有多款童年懷舊零食,就好像媽咪麵､芋頭糖､雞蛋軟糖等等~ 上次去太飽食唔到雞蛋仔同撞唔到燒賣婆婆,食唔到心心念念嘅燒賣😂😂😂 . #南山邨#南山邨美食#懷舊美食#石硤尾美食#香港美食
閱讀更多
-
多國菜
The Jungle
📝佐敦。The Jungle
#20260120📝 📍 #TheJungle@the_junglehk 佐敦廟街273-275號寶發大廈地下3號舖 . #佐敦美食#🐷在佐敦 #🐷_食
閱讀更多
-
香港攻略
金記魚香茄子煲🤤
#霸王雞#香港冰室#魚香茄子煲 夜晚走入香港仔,揀咗金記冰室坐低,感覺就系典型街坊冰室 vibe,燈光暖暖,枱面乾淨,快快手落單｡今次主角系 魚香茄子煲,一上枱就香氣撲鼻,茄子燉到軟腍,吸曬魚香汁,酸甜咸平衡得好,撈飯一流｡每一啖都系熱辣辣,啱曬冬天夜晚食,仲有少少辣勁,食到人精神都醒返｡ 另一道必試系 地道霸王雞,雞件大大件,皮香肉滑,啖啖肉唔乾柴,仲帶少少蒜香同醬油味,真系有霸氣｡配埋 菜心,清爽解膩,菜心爽脆,油鹽調味簡單但剛好,令成餐 balance｡白飯就系港式靈魂,魚香茄子同霸王雞都系超級下飯,唔覺意就食多幾碗｡ 飲品方面,凍檸茶系必備,酸香清爽,茶底夠濃,檸檬片壓到出味,解渴又解膩｡再加一碗 老火湯,湯底清甜,材料煲得出味,飲落暖笠笠,成餐即刻升級｡ 金記冰室呢餐真系 港式 comfort food,魚香茄子煲同霸王雞系亮點,配菜心､白飯､老火湯同凍檸茶,組合完整又滿足｡價錢親民,份量足
閱讀更多
