台式火鍋店$188起任食4.5小時放題 4大優惠！免費升級套餐／6人同行1人免費

leewengii

香港攻略

牛大人台灣火鍋吃到飽 (荃灣店)

🐮荃灣午大人 星期一至五午市 無限時任食

牛大人午市任食火鍋分三個級數， 由148蚊至208蚊不等，如果鍾意食牛嘅建議叫最貴個set，因為澳洲M5和牛同美國安格斯牛，油花都會靚過最平嗰餐嘅上腹肉好多，而且價錢都唔算差好遠，仲會畀最平個set多咗好多魚漿魚滑類嘅食品可以任叫，都抵玩嘅。最驚喜係原本90分鐘嘅午市放題，荃灣店星期一至五自動變成無限時，可以由中午十二點打到四點半，學生哥仲有85折，所以深受學生歡迎。雖然咁抵，但現場所見大約只有10枱客，所以都會安排坐到窗邊大卡位，有風景睇之餘仲好闊落。 鴛鴦鍋要加50蚊，呢日叫咗幾轉澳洲M5牛，質素都有幾大落差，不過呢度上菜快而且冇漏單。冷泡茶改成可重用嘅膠杯裝住，比以前用即棄膠樽更環保。自助菜同丸類都選擇豐富，台式丸類好味又特別，特別鍾意龍蝦沙律丸同芝士丸，芋頭丸、墨魚丸、魚豆腐全部質素都好好。海鮮魚滑類都出色。每位仲要送仙草凍。 #UCreator #打卡美食 #請爸爸食件cake #快閃話咁易 #社群請您睇音樂會 #毛孩最愛spa #夏日雙重賞 #唧唧裝驅蚊大師

Goodfoodgoodmoodxdd

香港攻略

馬辣台式鴛鴦火鍋

旺角有人均唔洗$200嘅火鍋放題！

馬辣台式鴛鴦火鍋真係好抵食,尤其晚市想搵個平靚正嘅火鍋放題,呢度絕對係其中一個超值選擇! 晚市7點前離座,每位即減$40!原本A餐晚市成人$218,減咗$40,咁就每人$178,再計埋加一都唔洗$200 我上次同朋友4點半入座,食到7點前走人,任飲任食2.5小時 食物質素方面都正常,有幾款肉類可以點,仲可以任夾自助吧同甜品 枱與枱之間唔太迫,2.5小時時間夠慢慢食､慢慢吹水｡呢個價錢食到咁多款式,大推! 同埋員工服務態度好好,好主動咁幫手 推薦指數:5/5 📍馬辣台式鴛鴦火鍋 旺角彌敦道601號創興廣場14樓 #馬辣#火鍋放題#打邊爐#旺角美食#放題

Asura Queen

著數報料

北角宮廷風火鍋！任食生猛海鮮🦀🦐！ 😋

位於北角地鐵站附近工廈嘅火鍋放題店，地點確實方便，一出地鐵行幾步就到。餐廳以中國宮廷風格設計，紅木傢俬、仿古燈籠同雕花屏風營造出古色古香嘅氛圍，坐位寬敞，環境舒適，仲帶點四川風情。 任撈生猛海鮮區 最吸引絕對係120分鐘任食即撈海鮮！餐廳設有一個魚缸，入面有生猛大頭蝦、蟹、鮑魚、蜆同東風螺，全部識郁兼活躍。尤其大頭蝦隨時會跳彈逃走，隔離枱嘅客人就嚇到尖叫。大頭蝦肉質彈牙，鮑魚爽口有嚼勁，蜆同蟹都鮮甜冇沙，簡單淥一淥就已經足夠鮮味。 招牌湯底花膠雞鍋 湯底選擇唔算太多，不過有齊經典麻辣、番茄、大骨湯同菌菇鍋等。今次試咗招牌花膠雞鍋，湯色金黃，雞肉的鮮味與花膠的滑潤完全融入湯中，仲加咗蟲草花同紅棗，飲落滋補順喉。極力推薦加份竹笙，吸滿湯汁之後超級正！ 多款肉類+罕見內臟任點 掃碼點餐有大量選擇，除咗自助區海鮮，仲有原條紅衫魚、鯧魚、生蠔同海參等，呢啲喺其他火鍋店較少見。生蠔肥美鮮甜，海參爽滑。肉類方面有美國安格斯肩胛肥牛、新西蘭小肥羊同荷蘭五花腩片等，切得薄身，油花均勻，涮幾秒就食得。仲有鮮鵝腸、豬黃喉、豬腦、雞子等內臟款式，適合鍾意試特別配料嘅朋友。 熟食+蔬菜丸類應有盡有 自助區有熟食如麻辣羊肉串、豬手、辣魚肉同炸物，甚至烤榴槤都有！蔬菜區提供多款新鮮蔬菜如生菜、娃娃菜、白蘿蔔，仲有丸類、烏冬、響鈴等，選擇豐富。菌類同海藻類款式也多，健康又清爽。 甜品飲品任食任飲 飲品櫃有汽水、涼茶、冷泡茶同啤酒，最驚喜係椰青水任飲！甜品方面有少量選擇，但以火鍋放題來說已經合格。 免加一兼有時段折扣 中小學生同長者有9折，5歲以下小童免費。生日訂餐可享88折，晚上10點後入座同樣有88折，營業至凌晨3點，最重要係免加一，確實抵食。 大西洋海鮮火鍋：香港北角英皇道395號僑冠大廈地下28-31號舖 #香港美食#北角美食#大西洋海鮮火鍋#大西洋火鍋#火鍋放題#海鮮火鍋#重慶火鍋#任食任飲#請您食月餅